2009年7月29日(星期三)
今日蕭C奶放假一天
目的是預備明天lunch的小食聚會
答應了好友們
自製面包及銀針粉給她們品嚐啊...
另外, 經理及dada都會做食物帶來
而且蕭C奶最近太攰了
所以要好好休息吓
今早原本無咁早起身的
比ada姐的電話嘈醒呀...比佢激屎....
算啦, 都嘈醒咗了,
因為有好多日都未update個blog呀
所以趁今日有時間
即刻post番幾日的出嚟比大家睇...
琴晚臨瞓前, 攪好焗面包的材料先
因為要18個鐘的發酵時間
我預好今天晚上焗啊....
到咗下午三點, 開始整銀針粉了
起攪笑呀....蕭C奶又唔係第一次整喎..
但係失敗咗喎...
其實都唔算失敗的...
當蕭C奶整緊個銀針粉時,
加水入去啲粉類時, 做唔到個粉團喎,
係變鬼咗好似好滑的cream咁囉...
![037.gif image by romi_romi](http://s477.photobucket.com/albums/rr138/romi_romi/Yellow/th_037.gif)
睇吓呢張相....唔知以為我係到整蛋糕囉...
![](https://googledrive.com/host/0B7jFlSSKmkZ-bFZsdllEV1o3N0U/bQdaM6bBWHtcW_B9XaZ4dA.jpg)
再睇清楚啲...真係好似cream呀...
![](https://googledrive.com/host/0B7jFlSSKmkZ-bFZsdllEV1o3N0U/ADHHErDSoJlkK_f0HyL3fw.jpg)
跟住蕭C奶即刻打比好友 '經理' 啦, 講比佢聽,
我哋一齊研究咗一陣間, 無理由嫁,
材料, 做法都一樣, 點解會咁嫁????
不過咁, 經理就話橫掂都整咗,
就叫我唔好理, '筆'少少照樣蒸咗佢,
睇吓得唔得先....
蒸咗了, 都可以變透明喎...又實正嫁喎...
![](https://googledrive.com/host/0B7jFlSSKmkZ-bFZsdllEV1o3N0U/VOg1Zp1jMLw2HRB.MlCuZw.jpg)
咁我唔理了, 淨番嗰啲, 我全部照樣蒸鬼咗佢,
不過就唔係一條條蒸囉, 係一餅餅囉...哈哈...
然後咪將成餅嘢, 切一條條.囉...
![](https://googledrive.com/host/0B7jFlSSKmkZ-bFZsdllEV1o3N0U/g4ypKkG8OKAYeMfGFSPExw.jpg)
睇吓...咪切成咁囉...變咗好似啲棵條咁...
![](https://googledrive.com/host/0B7jFlSSKmkZ-bFZsdllEV1o3N0U/CMITcGn8r_cIVNDAJfWRzg.jpg)
都好透明嫁, 不過就好鬼煙韌...
![](https://googledrive.com/host/0B7jFlSSKmkZ-bFZsdllEV1o3N0U/qNPF_RTisaRzEF9GFk1LHw.jpg)
準備咗西芹, 腸仔, 牛丸及魚蛋做材料
![](https://googledrive.com/host/0B7jFlSSKmkZ-bFZsdllEV1o3N0U/5Px2YjpYkyadQG7L5H3kbg.jpg)
先先炒咗啲料先...炒炒吓...蕭C奶覺得都好似一碟餸
下次都可以咁樣炒, 就做咗一碟雜錦拼西芹.....
一路炒一路都好香啊...蕭C奶當然有偷食啦....哈
![](https://googledrive.com/host/0B7jFlSSKmkZ-bFZsdllEV1o3N0U/rVxTTSC_kLVh5uvTJDalVg.jpg)
嘩...咁快就炒好了...睇吓都唔差喎...
只係唔係銀針粉咁的樣啫...但味道係一樣的...
又多咗一份新意添...
![](https://googledrive.com/host/0B7jFlSSKmkZ-bFZsdllEV1o3N0U/bwHkaxfvxeJxMbmJGPY91w.jpg)
蕭C奶試食咗, 比起銀針粉煙韌咗啲,
好鬼彈....都ok嫁喎...
真係錯有錯著...
煮餸就係咁...只要轉一轉頭腦
就可以做到另一種味道啦...
就係因為咁...
改咗佢為: 錯有錯着之自家製銀針粉棵條
![](https://googledrive.com/host/0B7jFlSSKmkZ-bFZsdllEV1o3N0U/PDfEJq.konohO88yHXwkvA.jpg)
聽日就攪笑了...無端端變咗個新菜色...
希望佢哋唔介意啦...
下次一定會整番個真正的銀針粉比你哋試嫁.
真正的
http://hk.myblog.yahoo.com/jobechan0911/article?mid=6393
wah !!!好得意好過癮咁呀!!
回覆刪除[版主回覆07/29/2009 23:36:00]都係嫁....好好玩嫁...嘻嘻
有得食,我哋點會介意呢! 不過,都好期待似樣銀針粉,我哋會等你!
回覆刪除[版主回覆07/30/2009 12:50:00]好呀,我一定會再整,OK。。等我呀老友。
你真是一個不折不扣的煮家
回覆刪除[版主回覆07/30/2009 12:50:00]係????
好似好好味, 好吸引呀!!!
回覆刪除[版主回覆07/31/2009 15:29:00]OK啦, 當然真正的銀針粉好食啲啦...嘻嘻
今次係錯的VERSION, 哈哈....
你的BB好可愛呀...好靚啊...你仲咁有時間來我BLOG, 多謝您呀, 因為你哋而家應該好忙湊BB嫁嘛. THANKS.