上一篇 '咳到嘔'
有好多朋友及blog友的留言
問候蕭c奶
呢個星期都好忙
而且多數都好早就休息
所以一直都未能一一回覆大家
真係唔好意思啊..
仲有呀....仲要少咗時間去blog友到探訪添
而家蕭c奶亦係未好番
個屎人喉嚨仲係痛
應該係仲有少少發炎
唉...蕭c奶次次都係咁嫁
起碼要兩個多星期才會完全好番
同事話可能我的扁桃腺比較弱
咁蕭c奶下次去睇中醫或西醫
問吓係咪有咁的因素先
點都好啦...大家都要小心啲呀
真係有好多人病
take care 啦....
2009年8月27日 星期四
滷水鴨舌 / 鴨腎(內附食譜)
滷水鴨舌 / 鴨腎
 |  |
鴨舌 / 鴨腎 2 pack / 9隻
調味料
滷水料 (即花椒、八角、王桂皮等, 巳 pack 好，百佳有售) 1包 薑片 2 片 紹興酒 2 茶匙 糖 2 茶匙 老抽 2 茶匙 鹽 2 茶匙 清水 5 杯
製作過程
1. 滷水鴨腎或鴨舌解凍，出水，過冷河。 |
2. 將所有調味料在鍋內煮滾，放入鴨腎或鴨舌，再煮滾， 熄火待涼後入雪櫃過夜。食前再返熱。 |
貼士
1. 用新鮮鴨腎更佳
2. 剩下的鹵水汁可再用, 放入雪櫃可保全4-5天
2009年8月25日 星期二
奶奶生日@新抱仔病倒了
2009年8月25日(星期二)
是日為奶奶正日生日
亦都係好友LING LING的囡囡去英國讀書的日子
因為蕭C奶病了
不能為奶奶慶祝生日
亦都因為咁，都無得去送‘妹妹仔’機
真係唔好意思
奶奶我可以好番補回慶祝
但係送機呢。。。就無得補嫁嘛
最唔好意思係。。。
我利是仔又無封到
又送唔到禮物比‘妹妹仔’
蕭C奶個心唔係幾舒服
星期一下午都打咗個電話比佢倆母女
講聲比佢哋知我病而嚟唔到送機
真係唔好意思
要等到‘妹妹仔’12月返香港
到時真係要好好請佢食餐飯
及送番禮物比佢添呀
祝你：用功讀書，有好的成績返香港。
仲有就係要開濶視野，學多啲嘢返嚟呀。。。
蕭C奶病了，無得返去同奶奶食飯慶祝
個心有啲唔係幾舒服
見都有精神，就整咗啲MUFFIN送比奶奶做
生日禮物
叫咗蕭家姐放工嚟蕭C奶屋企攞
咁奶奶生， 人唔到，都有貨交代嘛
係到祝奶奶： 生日快樂！
最緊要係： 身體健康1
是日晚餐
因為未病前買落咗，都幾日了，唔煮唔得
蒜茸炒小棠菜
燒汁牛小排
炆鴨
蕭C奶真係好唔掂呀
都覺得自己好似成日容易感冒
其實蕭C奶都知會病
因為蕭C奶呢排真係好忙
公司忙不得止，仲要因為老闆的問題，
而有壓力
再加上呢排蕭C奶好多活動， 好多疇攪
太多事要做，要安排，要處理
再加上晚晚都真係好夜瞓
所以捱得太多，攪到個人好攰
咁啲病菌咪容易入侵囉
所以呢次好番
9月份日日都畏十一點前瞓
而且唔要太多活動了
真係要好好休息
因為要去旅行呀
唔可以病呀。。。
冷氣機壞了....oh no...
嘩...唔通嗰日同蕉蕉及佐冶
用到部冷氣盡過頭....
星期日蕉蕉及佐冶離開後
到了當晚十點蕭c奶發覺越坐越熱
開咗冷氣嫁喎...攪咩鬼呀...
蕭c奶走去睇吓個冷氣機
按cool掣....去唔到...個顯示話比蕭c奶睇
係30度...係30度呀.....傻嫁咩...30度呀
咁咪同外面的溫度一樣...oh....暈咗...
再試過, 又再試過....再試多次..都係30度
話比蕭少爺聽.....少爺都試咗好幾次都唔得
最後蕭c奶用手係個出冷氣位到feel吓...
oh no...oh no....吹出嚟的係風, 而唔係冷氣呀
唉....唔通...無哂雪種....屎啦....而家天氣咁熱先嚟無雪種
日日都要返工, 邊鬼個得閒去叫人嚟整啫....
好熱呀,好熱呀...係屋企唔郁都出一身汗呀...點好呀...
要快快請老爺幫手先得....
等蕭少爺安排啦.
2009年8月24日 星期一
病倒了
攪邊科呀????
琴晚十一點幾個喉嚨勁乾涸
都知有嘢嫁了
瞓到半夜三點幾....嘩...個人由內凍出嚟
凍醒咗...起身啦...
嘩...勁流鼻水, 狂打噴嚏
半盒紙巾都被蕭c奶用了
探熱...好彩無發燒啫
跟住當然成晚都無瞓啦
上床照瞓, 都巳經蓋咗兩張被
可惜個種凍唔係話冷氣凍到你凍嗰隻
係由身體入面凍出嚟....
到咗天光..又相反喎...又熱到出哂汗了喎...
真係好唔舒服....
無返工, 去咗睇醫生
醫生只係話普通感冒, 開咗啲藥比蕭c奶
話係有睡意的-----無...蕭c奶自己都勁有睡意啦
煲好粥, 就食藥, 瞓覺
一瞓就瞓到五點幾lu....
因為見到有花膠所以就.....嘻嘻....好補呀...蕭c奶
2009年8月23日 星期日
好友相聚傾planning@生日禮物重頭炮
2009年8月23日(星期日)
嘻嘻...蕭c奶的生日重頭炮
相信大家見到個標題都估到八八九九lu...
就係少爺請蕭c奶去旅行啊...
就係因為咁..所以早前將買Cannon500D相機的念頭擺埋一邊
因為對於蕭c奶嚟講旅行大過天
兩樣比我擇, 我一定擇要去旅行
而且仲要約好咗超級好友 '蕉蕉及佐冶' 呢一pair添呀
今次一行四人
決定去
日本沖繩自駕遊十天之旅
真係未出發, 先興奮
蕭c奶恨咗自駕遊好耐
無奈自己無車牌, 少爺又未考喎
上年去九州, 原本都預咗蕉蕉同佐冶
只可惜佢哋兩位都放唔到假
所以得番我哋六個人
上次九州原本有埋佢哋, 都諗住可能會自駕遊
可以一嚐自駕遊滋味
但係.....
但係...今次終於可以實現了...yeah
好彩蕉蕉及佐冶, 再加埋少爺都可以請到假呀
所以今日約咗蕉蕉及佐冶嚟蕭c奶屋企到
大家一齊plan吓個行程囉
約好咗係食tea的時間到
所以蕭c奶為了兩位貴賓
就預備咗幾款小食招待
生果拼盤
而家天氣咁熱, 而且知道蕉蕉好鐘意食生果
所以專登為佢預備呢個生果拼盤
有佢最愛的士多啤梨, 原本想買有長柄的士多啤梨
可惜無貨...
黑椒雞中翼
小食當然唔少得雞翼啦
綠茶冷麵
天氣咁熱食冷麵就最正了...不過我影得太急, 張相唔清添
醉鴨舌
呢排整得最多, 都係天氣熱的關係, 食冷盤係最佳的選擇
而且都想整比蕉蕉及佐冶品嚐
佢哋食過之後, 終於明白'叻叻'話有幾好食.
嘻嘻...終於都可以用可樂杯嚟招呼朋友了...
蕉蕉及佐冶話, 食tea好似食晚飯咁...
好豐富呀...佢哋話今晚都唔駛食了
蕉蕉仲擔心食唔哂喎....點知....咪又係全部食哂
蕉蕉及佐冶買來的好味水餃
佢哋話呢間啲水餃好好食, 買咗兩盒嚟...多謝您哋呀
未食見個樣都知會好好味, 因為好新鮮
最後我都煮咗十隻, 大家一齊食
個雲吞皮好滑好正呀
我哋食完嘢之後
就即刻一齊傾吓有關去沖繩的行程
傾吓傾吓都係plan咗5日的行程
望吓個鐘7點了
蕉蕉佢哋約咗屋企人食飯
所以要走了....
咁我哋大家就各自搵料了
咁就過咗我地的planning聚會
當然真係飽到蕭少爺同蕭c奶都無食晚飯
都幾抵喎...一餐變兩餐
好了. 都夜了....要瞓覺覺豬lu...
bye bye
2009年8月22日 星期六
生日禮物第二炮@考車牌
2009年8月18日(星期二)
睇到個標題,大家一定以為
蕭c奶第二份禮物係
少爺供我去考車牌
因為之前蕭c奶有提過好想考車牌
呵呵呵....
錯哂...錯哂....蕭c奶會去學車
只不過未係時候
而係好耐之前蕭c奶講過話
一定要另一半有車牌
少爺真係好錫蕭c奶
亦真係一位有信用的男人呀
少爺一直對楂車都無興趣
但係為心愛的老婆仔--蕭c奶.. (哈哈...好嘔心呀)
早前去咗報名學車
而今日下午就係少爺先去考筆試
所以今日蕭c奶都放咗下午假
先先同好友食完lunch
就自己一個人去行街街等少爺的好消息
哈哈....到咗四點鐘
收到少爺的來電.....
yeah....第一關筆試合格咗
跟住就去咗買netbook及撐枱腳
11月就到考車了
希望到時順順利利
送到呢份生日禮物比我啦....
努力呀....少爺
嘻嘻.....除咗頭炮netbook生日禮物之外
仲有第二炮考車...
原來少爺仲有重頭炮生日禮物送比蕭c奶呀
話明係重頭炮....一定好勁啫...
遲啲再話比大家知係咩
重頭炮生日禮物啦...
Sky Bar and Monster Sushi@朗豪坊
2009年8月21日(星期五)
琴晚早咗瞓覺
個人真係精神啲
不過都未夠呀....唔駛返工就好了
可惜....真係係到發白日夢囉...
今日好多嘢做
不過就好充實囉
話咁快又可以收工
今晚又約咗少爺去街街
又係去旺角喎...
攪好哂我哋的嘢之後...
因為星期二食唔到Monster Sushi
或掂又咁橋到旺角
我哋又去朗豪坊到搵食
不過今日係星期五, 而且巳經係成7點幾
最多人搵食時間, 都知一定會好多人
去到Monster sushi照攞飛
我哋的飛no係53號
但係而家先叫到 20號...oh...有排
跟住四圍咁搵咗好幾間食店
都係要排.....要等...少爺就最怕等等等
加上我哋又攞住好多嘢呢...
所以到咗最後...上到去朗豪坊的L13
而...呢到有好幾間食店喎. 但點解咁少人的...仲有位喎..
原來呢層係主要食貴嘢呀..唔怪之得無人等位啦
就係咁...因為少爺唔想等, 又見我咁攰
所以少爺睇咗幾間之後
就決定擇呢間
Sky Bar
海鮮意大利麵
其實貴嘢真係貴嘢
啲咁屎大碟...呢碟咁的意粉呀...
要成118元呀....
不過咁. 好彩佢整得好食, 貴都有道理
另外呢個幾合一
有鵝肝---入口即溶
蝦 ----好夠味及爽口彈牙
牛扒 --- 一般, 唔太差又唔太好
薯條 --- 好好味, 可能因為新鮮炸的關係
呢一餐就真係貴呀..四百幾蚊呀.....
其實下次都唔會去lu...因為又唔係真係非常之好食
都覺得真係好貴....
食完都唔係好飽咁...跟住少爺話
不如落去睇吓Monster Sushi叫到幾多號
我話: 都好喎...嘻嘻...
跟住我哋埋單走人
我哋兩個真係走去Monster Sushi
我走去counter問: 請問而家叫到幾多號呀?
服務員答: 50號.
呵呵....我哋係53號, 仲有三張枱
跟住個服務員就叫咪: 二人枱, 51號有無.....52號有無.....53號
我即刻走去counter: 有呀...
就係咁...我哋就去咗第二場呀...
真係勁呀....蕭氐夫婦連走兩場食晚飯.
好了...睇吓個menu先
淨睇menu佢有好多嘢食, 樣樣都好靚咁喎....
環境及裝修幾好, 有幾張三人枱, 有bar枱, 有迴轉枱, 有二人枱
仲有幾張卡位添
少爺品嚐吓杯茶先...
個menu係咁的封面
少爺叫我望吓上面..咁就比佢偷影咗了
左口魚sushi
面頭紅色的係酸酸哋的, 件左口魚好新鮮好味
不過就細件咗啲
帶子sushi
真係好抵食, 好新鮮, 真係好大件帶子
好味呀
左: 日本A5和牛sushi
一般, 麻麻哋, 同佢menu張相簡直係兩個樣,
無牛味, 又唔入口即溶, 又細件, 唔抵食,
峰壽司就真係好食過佢, 同埋抵食過佢的
下次唔會叫
右: 拖羅sushi
又係麻麻哋, 又係同張相係兩回事
下次唔叫, 我哋發覺每逢貴嘢咁單一件的都係唔好食
唔抵. 話明拖羅梗係肥厚嫁麻...
佢都唔係...所以麻麻
又係峰壽司好食有水準啲...
海膽sushi
真係好抵食, 好新鮮
少爺一食就話: 海膽有海膽味喎!
哈...比少爺笑屎我
但係當輪到我食時: 我終於感受到少爺所講的
海膽有海膽味的意思.
因為Monster 的 海膽真係同出面的唔同
真係好新鮮, 食得出係好鮮甜, 呢個一定要再食.
少爺捲走咗我唔like的紫菜
我哋兩個就係幫襯咗呢幾樣嘢
下次要約埋幾位朋友仔嚟一齊食多啲呀
Monster Sushi
地點: 旺角朗豪坊L12
Tel: 2111 1118
中午有得book位, 但係夜晚就無了, 要自己等位
法式黑椒羊扒及芝士雜丸稻庭烏冬
2009年8月20日(星期四)
今日lunch時間, 同咗好友經埋一齊去咗灣仔街市到行咗一陣
其實佢經理陪蕭c奶買餸就真
蕭c奶最近真係好耐好耐都無煮過住家餸
亦都好耐無食住家餸
因為蕭c奶太忙了, 太多活動
差不多晚晚都不在家吃飯啊....
而且最近因為太忙都攪到好攰
同埋唔舒服, 成日頭重重
因為太夜瞓所致
今日真係唔可以出街了
一定要早啲返屋企早啲休息
但係今晚食咩好呢....
行到去日昇食品公司
見到下面個法式羊扒好鬼屎靚咁可愛
因為細細件, 而且一啖就可以食到....
一於買一pack先...
係咪好靚仔先...無咩肥羔嫁...
加咗啲黑胡椒, 少少蒜鹽及橄欖油醃十五分鐘
然後煎熟佢, 咁就食得, 幾鬼easy
少爺勁讚呀...因為好味囉....
跟住今日仲買咗稻庭烏冬, 有特價都係39蚊,
平時要49蚊嫁...所以買咗一pack有10個
而且仲買咗4款丸類
今晚就簡簡單單食烏冬啦
黃色係----蘑菇忌廉丸
白色有點點橙色---唔記得叫咩芝士丸
白色有點點綠色 --- 蟹籽丸
正方形白色係---都係唔知咩芝士丸
蘑菇忌廉丸, 都幾特別, 唔錯, 下次會再入貨
白色有點點橙色---唔記得叫咩芝士丸
呢款麻麻, 蕭c奶同少爺都覺得佢的芝士味有啲怪怪哋
個味唔係幾好食, 下次唔買
白色有點點綠色 --- 蟹籽丸
呢款無咩特別, 好多地方都有
不過少爺鐿意, 所以今日見到咪買比少爺食囉
正方形白色係---都係唔知咩芝士丸
呢個勁好食, 個芝士漏出嚟, 個芝士味勁正呀
下次一定要買呀.
簡簡單單咁就一餐
因為蕭c奶真係頭重重
好唔舒服, 好早就瞓咗覺覺豬
少爺就做負責洗好哂啲碗呀,清潔呀
咁又過咗一晚了...
訂閱：
文章 (Atom)