2月14日情人節

今年係我婚後的第一年過的情人節

,好多朋友都好八卦咁問我同阿榮點樣慶祝,其實我哋倆個都比較鐘意靜靜哋咁係屋企到的,阿榮又無話會同我去邊喎,所以我就一早叫咗'經理'幫我買定情人節的材料,諗住係屋企到煮情人節晚餐囉. 哈,點知原來阿榮訂咗同我去'半島酒店'到慶祝,知道後,其實心裡好開心,好甜,不過,我又好衰咁,問多佢兩問,八吓嗰晚要幾多錢

啦,嘩!一問之吓,我覺得都幾貴,又好似戥阿榮荷包

肉赤,我就叫佢不如唔好啦,最後,當然係我成功地叫咗阿榮取消.

 

 

 

但係有好多朋友都鬧鬼

我囉,話阿榮婚後第一年情人節咁好安排,做咩要推佢喎,咁我心諗,我唔想阿榮咁肉赤呀嫲,佢哋全部人都話我蠢囉,唔......攪到我呢,個心又有少少唔舒服喎

,又好似有少少後悔喎,不過,算啦,咁我哋仲有好多個情人節同結婚週年等等的節日的,佢哋呀,好鬼死衰,笑我話你第一年就推咗阿榮,睇你往後阿榮仲睬唔睬你. 我心諗,唔會的,阿榮都唔係啲咁的人,嘻.

 

情人節個日,我早上返咗去地院的office,十點幾ada姐姐打過嚟地院找我,話我收花

喎,吓,咁驚喜,我就同佢講,你係咪玩嘢呀,有無睇清楚呀,可能係其他同事嗰喎,佢就話唔知呢,你自己返嚟睇啦!我真係有啲質疑

嫁,因為我老公唔係成日都會送花

的人,心諗都係唔好咁開心住,都係返到高院office睇清楚先.到咗下午,我返到高院,唔,真係我嫁,好靚呀,睇吓邊個送先

........真係我的阿榮老公送,咁咪打過電話比佢囉!有時都幾好的,阿榮無指定係情人節會一定送花,我係估佢唔到嫁,我好鐘意佢咁囉,估估吓,都幾sweet的

.

 

 

 

由於之前我聽過阿榮想買個保溫水杯,因為佢話係公司做嘢時,唔想成日走嚟走去'針'水,想買個容量多啲的保溫杯,咁我就去咗擇咗一個容量有1000ml的保溫壺,因為平時的保溫杯的容量比較少,阿榮之前同我行街時,有講過話太少,所以我就叫咗個售貨員介紹,佢就介紹我而家買咗的呢款,睇過,唔錯,就買咗呢份既實用又溫暖的情人節禮物

給阿榮了.

 

今年的情人節晚餐有少少唔同,就係唔係得我一個人一手包辦了,今年係我哋倆位

一齊整了,今年的情人節的menu有:

 

1.  凱撒沙律配巴馬臣火腿

2.  法式煎鵝肝

3.  羅宋湯

4.  日本鹿兒島和牛

5.  芝士白汁蝴蝶粉

 

 

 

 

 

就係咁了,今年無準備甜品

,因為無時間,又因天氣太冷無心情整. 不過,好彩無整,因為好飽了,如果真係整,都食唔到.

 

**小插曲: 唔知係咪因為煎和牛時唔係十成熟,但其實牛可以唔駛咁熟的,但係我到咗半夜,又痾又嘔,,可能我的腸胃比較敏感,因為阿榮食得多過我,但佢就無事囉,都好彩,佢無事.不過,我而家都無事,嘔哂好好多了,而且都唔係痾得太多次數,無事了!

 

雪耳蘋果雪梨豬月展湯

這款湯水超級鐘意呀, 尤其在天氣炎熱的夏天又或者當感到咽乾口渴,脾虛濕困時飲用,最為理想.

雪梨,蘋果甘涼,具生津潤燥,清熱止渴之效. 雪耳滋陰潤肺. 再配合南,北杳潤止咳平喘.

紅蘿蔔,果皮健脾理氣化滯. 這款湯水是個健康滋補的生果湯.

材料:

雪梨及蘋果              各2個至3個

雪耳                          1/2兩

紅蘿蔔                      1個

豬月展                      1斤

果皮,南北杏            適量

做法:

(1) 豬月展洗淨,汆水,南北杏和果皮洗淨,備用.

(2) 雪耳用水浸軟至發大,瀝乾水份.切去深啡黃色硬底部份,切細,備用.

(3) 蘋果及雪梨洗淨,去蕊,每個分別切成四份. 紅蘿蔔洗淨,去皮切細塊.

(4) 湯鍋內注入清水, 同時放入蘋果,雪梨及紅蘿蔔, 果皮及南北杏.

(5) 水滾後加入雪耳及豬月展, 轉中火煲2小時,加鹽調味,即可.

萬千寵愛在一身

今日的標題是"萬千寵愛在一身

",點解我會咁講呢?係因為覺得自己實在太多人鍚自己了. 今年係我第一年派利是,通常結咗婚的,都會好少有機會收利是

啦,除咗自己的父母外,如果係朋友或者同事,知道你結咗婚都唔會再派利是的.但係.......我就唔係囉,我公司的Senior,佢哋真係好鍚我呀,其實我真係以為今年除咗只會收到自己父母,老爺,奶奶,阿婆的利是之外,應該都唔會收到利是啦,點知..........佢哋全部都當我未結婚咁,照派利是比我呀,個一刻,個心好開心

同好感動,佢哋真係好鍚我,對我好好.呢種感覺,真係好溫暖

.

 

有時候佢哋對我太好,都攪到我唔好意思,但係講真的,我真係好enjoy呢種感覺,因為覺得自己仲係好細,好多人鍚,好多人鐘意自己.所以有時,當我遇到一啲唔係幾開心的事時,諗到身邊有咁多人鍚自己,有咁多人對自己好,啲唔開心

的事,好快我都會盡量唔諗,咁我就會好快無事嫁啦.

 

赤柱廣場之心醉芝味情人節

今日是二月十日年初四,由於我的舊同事ifve公司舉辦活動,要邀請50對情侶

參加,她較早前就打電話

給我,問我有沒興趣,知道活動的內容後,好似幾好玩,我就答應參加了.

 

個活動的內容大致是:陳法拉及黃長興大唱動人情歌

、參與比併及與現場觀眾玩遊戲、送獎品、50對情侶一齊打芝士火煱並以芝士砌出巴黎鐵塔大併圖、芝士雕刻大師 Troy Landwehr表演.

 

 

 

當我哋嚟到活動的場地,氣氛好好喎,每一對情侶除了可以打芝士火煱外,還送上一支250ml的紅酒,一支紅玫瑰花

及一張情人節咭呢!當現場的工作人員在準備開場前,突然有位報章的攝影師很有善地請我同阿榮做模特兒影相

,哈哈,我哋見佢咁有善就影啦,好好玩呀,因為當時好似啲明星咁呀,比人影相. 跟住節目開始了,司儀請了陳法拉

及黃長興

出來,好多記者包圍着他們影相,我都唔例外,扮記者同佢哋影相.他們真人同上鏡都無分別,法拉好廋,長興就幾靚仔,兩位都好nice,好好笑容. 影完相之後,他們分別各自唱了一首歌

,ok喎,兩位都唱得不錯.唱完歌之後,就開始玩遊戲了,當然我一早巳被ifve內定玩遊戲啦,完咩,原來係分別有三對情侶,玩鬥快食雪條,哈哈,居然我哋勝出,得到冠軍,獎品是Love Rabby外套一件,價值港幣460元及Recosuke and Recogirl T-恤一件,價值港幣290元.節目到了尾聲,全場的情侶還同陳法拉及黃長興影番張大合照留念

.嘩!今日真好收穫,又食,又玩,又攞埋禮物

.

 

 

 

活動完畢後,我同阿榮正在執拾準備離開時,又突然有位新報女記者走埋嚟問我哋,介唔介意做個簡單的訪問,當然見到佢都係好有善,我同阿榮就做咗個簡單的訪問先離開.

 

好多謝ifve邀請我哋參加呢次的活動,如果第日再有呢啲活動,記得搵我哋呀!哈哈!

 

2008新年快樂!

新年快樂!

今年係我結婚的第一個新年,其實同平時都一樣的,只係多咗.............要派利是,少咗收利是囉!哈哈! 年三十同初一都去咗老爺同奶奶到,好開心,因為一家人食團年飯,傾吓,笑吓,雖然無咩特別節目,但我都好開心,我最鐘意一家人一齊的感覺,覺得好溫馨,好溫暖,簡簡單單就最好了,好開心老爺同奶奶都係一啲好容易話為的人,而且佢哋都鐘意簡簡單單,唔會好似其他的人咁煩囉.

 

年初二就要返去我鄉下了,因為我外婆係到,而且我又有好多親戚,中午飯就約咗啲姑姐一齊,大家吃過飯,傾咗一陣,影吓相咁囉. 要提一提的係,我爸爸好勁呀,佢親手建立咗自己的菜園,有相比你哋睇嫁,之前都聽過我爸爸講比我知,今次返去,親眼睇到,好靚呀,而且啲菜好新鮮,無農藥,仲好清甜呢? 爸爸的菜園有好多種菜,例如:有生菜,菜芯,波菜,四季豆,大菜等等....爸爸仲話過咗新年就可以種瓜類喎.爸爸真係叻!

 

爸爸親手摘了一些菜芯及白菜給我帶回香港,明天可以帶一些給老爺佢哋試吓了.

 

 

 

 

到了下午,我就過去我外婆家,這邊又有驚喜了,我舅母又係好鬼叻的,年年都有親手做年糕,所以我又唔客氣咁,攞咗少少返嚟囉,因為今年奶奶其實有同我講想要年糕的,不過,我無買呀,其實係唔想佢哋食咁多呢啲嘢,而家好了,可以有年糕比奶奶,而且仲係自己人做的,仲好啦!

 

明天晚上約了奶奶去元朗食壽司,而家每晚都做'和味濃情',同家姐傾開,晚晚見到都想食,咁我提議,不如搵日一齊去食,咁家姐話不如年初三啦,大家都未返工,奶奶又收早,就係咁..........

 

係喎,另外一件事都好開心,就係家姐升職呀,副經理呀.........太好了,在此恭喜家姐了.