點解個標題叫'Lazy Saturday'呢?
其實係頭先老公無端端咁講咗呢句嘢出嚟,
咁我而家咪靈機一觸用咗嚟做標題囉.....哈
今日如常訓到阿榮老公放工返嚟
,
然後就一齊落街去食嘢及買餸了...
(星期六我哋多數都係咁的生活....超簡單.)
今晚就煮呢兩樣嘢啦:
彩椒豉汁龍利柳
蒜蓉炒生菜
之前買咗pack龍利柳,原先諗住煮粟米魚柳的,咁啱見到Iris的食譜喎...見到好似好好味喎,又容易整咁就跟佢試吓煮...ok喎,好好味呀. 謝謝Iris了.
材料:
三色椒一包(去籽切絲)
龍利柳兩條
蒜蓉少許
水 1/3 碗
豉油 3 湯匙
味醂 2 湯匙
糖 2 茶匙
黑胡椒少許
做法:
1. 龍利柳洗淨用蒜鹽, 胡椒粉醃至少十五分鐘
2. 醃完既龍利柳抺乾並撲上粟粉, 用大火煎至兩面
金黃色, 盛起
3. 加少少油爆香蒜蓉後加入三色椒炒香
4. 加入調味料煮滾後試味, 加入少許日本麻油炒勻,
淋上龍利柳面, 即成
(食譜來自Iris)
2008奧運會巳經完滿結束，真係有啲唔捨得呀。
諗到奧運會的呢兩個星期，盡量都唔會約人，
而且仲要一放工就要即刻返屋企開著電視，
就係要趕快睇奧運的所有項目。
諗番起都好得意囉。。。
今年我特別有心去睇，可能係中國做主啦，
過往我係無咁專注睇開幕同閉幕的，今年就會坐定定睇。。。
或者因為咁，我有啲唔捨得奧運咁快就完啦！
提起奧運，諗起劉翔，
個心好唔舒服，因為心痛佢囉
，
佢退出咗今年的奧運，
的而且確係好可惜同埋對於奧運都有少少唔完滿，
可是我會支持劉翔啊。。
有好多人係背後話佢，其實佢哋有無諗到當事人的感受呢？
對於一位專業的運動員嚟講，我想奧運係佢哋的生命的一部份，
對於佢哋嚟講奧運係好重要的，
所以我深深體會及明白到劉翔當時心裡一定很難受，很不是味兒。。
無論點都好啦，我都會支持佢，都希望啲人唔好再話佢了，
而家我哋要做的，應該係支持佢，鼓勵佢，祝福佢。。。
今年的奧運會，我的同事James都有去幫手呀。。。
佢係醫療服務隊的人嚟嫁。。
佢而家返咗嚟了，仲送咗個紀念章比我添，
多謝James, 因為呢個紀念章我覺得好有紀念價值，
我會好好咁收藏的。 
哎吔,由琴日中午開始個肚就脹爆了,
脹到我晚飯都無食,淨係食咗一個橙.
到咗今日,個肚依然都係脹住脹住,
無咩想食,但係唔食又係唔得喎...
今晚阿榮老公由東莞返嚟了,
要煮嘢比佢食喎....唔...諗呀諗呀...
終於諗到整咩了....
就係.....
冬瓜粒瑤柱肉碎泡飯 (清清哋好好味嫁!)
仲有'鹽水雞翼'......我的最愛...又容易整又夠入味
剝皮前
哈哈,剝皮後.....由於我不嬲食雞翼都係唔食皮的,我都想阿榮老公唔食喎...(因為啲皮太肥了,好唔健康呀) 咁我咪每次整完之後,係食之前將啲雞翼剝哂皮先囉.....
咁阿榮老公食的時候咪方便啲囉...
剝皮後
因為聽日要陪好友GiGi去試晚裝,
所以聽日我唔可以煮飯,
咁我就整定咗啲雞翼同洗定咗啲生菜,
等阿榮老公放咗工,番嚟自己食了....
(阿榮聽晚只需要自己灼菜及一叮就食得的雞翼飯,咁就可以有晚飯食了.....)
今晚得我一個人,阿榮老公返咗東莞做嘢.
咁得一個人,做咩好呢?
哈.....橫掂有mood,
咁好啦,就整番個蛋糕,
補送番比Connie姐姐的生日禮物啦!
裝飾後
裝飾前
材料: (1個6吋)
忌廉芝士 280克
溶牛油 60克
砂糖 60克
全蛋 113克(大約2隻)
藍莓醬 40克
做法:
(1) 忌廉芝士室溫放軟後,加入砂糖,以電動打蛋器
攪勻至沒有糖粒.
(2) 分5-6次加入蛋液,每次打拂2分鐘.
(係咪好滑呢!)
(3) 加入藍莓醬攪勻至淺紫色藍莓漿.
(變咗紫色了.......)
(4) 最後加入溶牛油,以膠刮攪勻.
(5) 將藍莓漿倒入模內,在桌上輕敲一敲,放入巳預熱
180度的焗爐,以180度焗約35分鐘.
(但係我用咗200度,焗咗60分鐘,要視乎每個焗爐而定,自己執生啦!)
(出爐了......要等到放涼先可以脫模呀......)
(6) 取出放涼後,在蛋糕面塗上一層藍莓醬作裝飾,
再放進雪櫃即成.
記住一定要雪凍,第二日先食呀!
