各位, '哈佬喂' 嚟了....
2008年10月31日 (星期五)
今日是Ｈalloween, 約了超級好友食飯,
除了是'Halloween',
今日的晚飯是為超級好友ivy姐慶祝埋佢的牛一.
今日我哋擇咗去'銅鑼灣辣蟹莊'食飯.
聽聞好多蟹食...一於試吓啦...
未人齊前, ivy姐巳經係到話好肚餓, 可唔可以叫住少少嘢食呀...當然可以啦, 你生日想食咩都得啦....
小食 - 雞腳
好入味, 好林, 好味
魚湯浸蜆
好濃的魚湯做湯底，好入味, 好清甜，好多蜆，好足料，而且仲有勝瓜係到，啲瓜仲好鬼清甜呢．
呢個真係無介紹錯喎．．正！
黃金脆豆腐 -
影相時巳經好香了, 唔理了, 食了....
嘩..豆腐好滑, 好香, 外面炸得夠脆，細細粒,唔錯呀.
蒜蓉粉絲蒸扇貝 -
是晚特價，成隻碗咁大隻，９元一隻
啲蒜蓉及粉絲好鬼入味，隻貝唔駛講啦，
當然好味道不得了．．
有名'銅鑼灣辣蟹莊'當然要食呢到出名的
避風塘炒蟹（少辣）
呢隻蟹都幾貴嫁，要成５８８元呀．．．
不過煮得好好味，幾貴都唔緊要ｌｕ．．
啲蒜炸得好鬼香同好味，
攪到謝生忍唔住要即刻叫碗白飯．
鼓汁帶子蒸豆腐 -
豆腐滑，帶子都幾大隻，無縮水，味道不太咸，剛好，唔錯呀．
花蟹蒸蛋白
待應送上枱時，超有派頭呀．
蛋白好滑，酒味唔夠濃，如果再濃啲仲好．
蟹肉好入味，ｉｖｙ一路食一路係咁話：正呀， 呢個好好味，超好味．
蜜餞蒜香骨
又一推介，個汁好鬼開胃嫁，酸酸甜甜，食落又有肉汁，我都食咗三件呀．．．呵呵
金銀蛋浸時菜
送到嚟，食咗咁多嘢，當然要食啲菜先啦，啊．原來唔係用莧菜，菠菜，反而係用’皇帝菜’，好味呀．
蟹油炒麵
我哋就食唔出有咩蟹油味，或者其他變化，
只可以話夠爽口，唔肥利
（但我自己就覺得一般了，
唔係好食，亦都唔係話唔好食，普通）
砵酒焗蠔
食落隻蠔好入味喎，而且幾大隻添．
（根據ｄａｄａ所講，真正的砵酒焗蠔係唔會咁痴身的，炸到應該再好啲，所以佢就覺得呢個嫲嫲了，而我，哥哥，老公等就覺得好好味喎，所以都係見人見致了．）
由於好友’哥哥’帶來了幾支美酒，都仲未飲哂．．咁有酒無餚，又點得呢？
所以我哋諗住叫多少少小食嚟送酒了， 點知．．．
以下的介紹的，一睇到啲公仔就知道．．
唔好食啦．．
椒鹽九肚魚
一啲都唔椒鹽， 啲九肚魚一啲都唔肥美，唔靚呀，仲有炸到鬼死咁乾．
ｂａｃｋｌｉｓｔ．．唔好食．
我哋係叫ＸＯ醬爆鱔球，待應送到上嚟，一睇．．都唔似，似避風塘爆鱔球多啲喎，唔好食住，問清楚先，問咗之後，果然係避風塘爆鱔球，整錯咗．位待應問我哋啱唔啱食， 咁之前巳經叫咗碟椒鹽九肚魚啦，我哋就係想要兩樣唔同的煮法．．咁我哋咪話唔啱呀，唔好意思，都係想要番ＸＯ醬爆鱔球．
影咗張避風塘爆鱔球做留念．
ＸＯ醬爆鱔球
跟本就無ＸＯ醬，而且聽個名都知，應該個饍球會係濕濕哋的，但你哋睇吓．．．咁鬼死乾身就知啦． 再食埋落去．．ｏｈ ｎｏ． 
終於都食完了，．哈．待應送上一大碟西瓜．
唔，啲西瓜好甜，好紅，起沙的，好味．
我哋全部食清光呀．
ｉｖｙ姐多口問，老細有無糖水送呀．．．個待應話有呀，我哋話真的，係呀．跟住位待應仲話，你哋有無人生日呀，我哋話有呀，指住ｉｖｙ姐，佢咪生日之星囉．咁呢位待應就話，咁得了，我哋會加送壽包． 我哋問：真嫁．．佢話真嫁．
之後送來紫米露，唔記得影相，我一向都唔食紫米露的，但係我試咗一啖，啊，居然幾好食喎，因為唔甜，剛剛好，所以我同阿榮一齊食咗同一碗，因為巳經好飽，仲有啲壽包未嚟．．而且．．我哋仲有個蛋糕呀．．．．
今餐超哂標了．．．．
壽包
個包面好鬼粉紅，我哋全部人一諗．．好重色素，所以我哋食時將個皮全部唔要，哈哈．．送的係咁上下啦．
哥哥今次痴咗線呀．．．佢呀．．帶咗四支酒嚟．
一支白酒，兩支紅酒．．仲有一支二鍋頭．
白紅酒我哋梗係飲啦．．二鍋頭．．飲咗就真係唔駛返屋企了．真係比佢嚇死呀！
支高級醬油咪就係阿蘇介紹嫁囉．．經理同ｄａｄａ頭先咪去咗買囉，去買的時候，就係淨番最後兩支，佢哋唔買都唔得啦！
經理每年Halloween都會送一份自制的哈佬喂美食比我哋嫁．今年梗係唔例外啦．
一個精美的袋仔，一個ｃｕｐ ｃａｋｅ
及一塊南瓜曲奇餅．
返到屋企，梗係同我的靚靚可愛的公仔
影相啦．．
地址： 銅鑼灣謝斐道440號D及E舖
Tel: 2572 6988
** 要收開瓶費，每支２０元
平均每人消費２５０元
