幾天的生活日誌

   

  

   

 

   

  

 

2008年10月2日(星期二)

 

琴日放咗一天假都唔錯呀, 又可以訓吓覺lu, 不過好早都同咗老公起身,然後去咗歎個靚早餐, 跟住就去買吓餸, 係msn見到家姐喎, 原來奶奶今假, 我哋晚上就咗去食飯了.

琴日買定咗啲排骨, 留嚟今晚煮, 咁我放咗工咪唔駛急住去街市買囉....

蒸排骨, 炒菜心及花膠鳥雞湯

 

2008年10月3日(星期五)

 

原本今日放咗工係去整頭髮的,都忍咗好耐嫁了, 講咗比老公聽, 仲交低咗比佢今晚自己返到嚟食自己啦, 自己整番啲餸食...佢就用個好可憐的樣比我睇..我話無計啦..

到咗差不多放工時, 個心又好掛住阿榮老公, 諗起佢個可憐樣, 又唔係好捨得佢一個人食飯喎...咁我就決定唔去整頭髮lu...咪返屋企囉...

不過, 我無話比阿榮老公知我唔去整頭髮, 放咗工仲同佢講我到咗髮型屋, 仲叫佢放咗工唔好週圍去, 因為落雨, 其實我就巳經on they way 番緊屋企了, 想比個驚喜佢嫲..(其實係想check吓佢....哈哈)

我仲專登等佢差不多番到屋企時, 關哂所有燈, 等佢以為無人.....哈哈...番到嚟lu...嚇咗佢一驚添....佢話真係好呀, 唔駛自己食自己lu...

蒸鴨肉及炒小棠菜

 

2008年10月4日(星期六)

 

琴晚好早訓,呢排好鬼攰呀, 唔知點解喎... 今日阿榮老公返咗工之後, 可能因為琴晚早訓關係啦, 我今日九點半起咗身了. 無咩特別嘢, 煮個餃子食吓, 上吓網, 跟住就試整個新蛋糕, 就係Lemon Cheese Cake, 今晚可以同阿榮老公試食了. 明天我同阿榮老公去廣州2日1夜, 去行吓, 食吓嘢, 希望就算落雨都唔好勁大個隻啦, 細細哋都好啲.  所以今日無出去, 就係到plan吓去廣州的行程了.

今晚無煮飯, 因為頭先五點幾同老公去咗mc donald食嘢, 一間試食個蛋糕先....

試咗了....都好清甜, 酸酸地, 不過我就覺得唔夠lemon味, 下次可能再落重啲lemon汁先, 我自己巳經係芝士到加咗lemon皮, 諗住加重啲lemon味, (個食譜無的), 但都係唔夠. 阿榮老公就覺得剛剛好.

 

lemon cheese cake的食譜, 請click這裡...