【深夜食堂煮婦同樂會第24話】勝利豬扒丼 (附食譜)

其實這個功課, 我本應就沒有遲交, 因為我也是準時地完成.

只是一直忙, 忙, 忙...每晚也很累, 沒有心情, 沒有多餘時間,

去寫這個post咋....:p

今天星期六要當值啊...趁工作不多, 沒有客人,

就爭取少少時時寫番了...

一看到這個題目...要炸嘢...oh no...蕭c奶成世人最怕炸物

加上幾年前, 一次見cooking 老師教炸廣島蠔, very easy,

就第一次試吓炸嘢...點知...出事, 超級沮喪, 炸到啲蠔燶哂><

浪費哂啲廣島蠔...肉赤....仲要當時無得食...唉...

自此之後, 蕭c奶誓死也不會做炸物

就算平時看見人家做炸物, 個一刻好想試做, 但回想這一幕...立刻退縮.

今天終於也要接受現實, 不能逃避.

跟兩位煮婦們閒談, 問了她們的炸嘢經驗,

也多得兩位的支時及鼓勵,  好......蕭c奶就決定比多一次機會自己.

結果係.........................大成功.....

我終於都炸到了....仲要都幾好味...開心死我了....

勝利豬排...........果然到最後成了我的勝利結果.

感謝花花及mrs horse!!!

又做到一道以後也可以在家也能享受的日式食物了....

【深夜食堂煮婦同樂會第24話】勝利豬扒丼




材料:

炸豬排部份
豬排    2件  (我就一口氣炸咗4件...哈)
雞蛋    2隻
麵粉    適量
日本麵包糠    適量
油    大量 (用作炸豬排用)


醃料:

黑胡椒及鹽 適量


做法:

1.  豬排用刀背揼幾吓. 豬排用少許鹽與黑胡椒醃一會,雞蛋拌勻備用.

   2.  豬排兩面沾上薄薄的麵粉, 然後兩邊再沾上蛋汁, 快手再沾上麵包糠.

3.   燒熱鍋, 加入半鑊油, 油滾後, 放入豬排每邊炸約一分鐘.

4.  盛起, 放在廚房紙上吸油. 

5.  然後待涼一會, 切件.  記著要一刀切到底, 這樣才會切得靚啊...



汁枓材料:

洋蔥(切件)    半個
蔥段       適量
醬油   2至3湯匙
料理酒   2湯匙
味霖   2湯匙
水   適量
蛋汁   (用之前炸豬排時用剩的蛋汁)



汁料做法:

1.  鍋加入醬油, 料理酒, 味霖及水煮滾.

2.  滾後加入洋蔥煮至軟身.

3.  然後加入炸豬排, 跟手快手加入蛋汁及蔥段.

4.  蛋汁不要煮太久, 要半熟啊...

5.  試味, ok的話, 就把汁連豬排淋到飯上.  完成.

真係勁開心呀, 我識得炸嘢呀...

人哋話要係你失敗的地方,

再努力再挑戰

所以我決定找天要再次做炸廣島蠔

我要成功成功成功!!!

哈哈...



【深夜食堂大家齊來煮】   

這星期大家的作品長怎樣呢？


偽主婦



Helen的方太小廚




Shir - How was the weekend




rose-mag 李太豬扒妹生活日記




OL醉愛廚房




芝士




Mrs. Horse




the-bird blog




Bon Appétit Lab




肥師小學龜




Ka Ka@Serendipity




鬼嫁




春卷 Harmaki




Jo 姐姐




花花世界




WongC9




Ivy




噹噹




Little Jessie 生活日誌
 

韓式雜錦炒粉絲(內附食譜)

韓式雜錦炒粉絲




其實蕭c奶一直都很想學做泡菜,
因為少爺愛吃, 但一直等towngas,
但都沒有韓式料理課程
最近見到一個示範class, 仲要係annie教
即刻報名, 仲要請假去學嫁...

其實一道韓式料理就是這道韓式雜錦炒粉絲.
yeah...好鬼easy, 即刻學完即整先.

先看看材料:


材料:

韓國金薯粉絲   半包
枚頭肉/ 廋肉    10蚊  (可用牛肉或雞肉, 還可以用蝦)
冬菇     6隻
紅蘿蔔    半條
西芹     三至四條 (西芹自行按份量啊..)
韮菜     1至2蚊
蛋     1至2隻
蒜茸   3粒
麻油     適量
芝麻    適量 (用作最後灑在粉絲上)

豬肉醃料:

韓國萬用豉油   適量
麻油及胡椒粉   適量
生粉 適量
水及油 少許 (每樣各1茶匙)

調味醬料:  (金薯粉絲)

韓國萬用豉油   3至4湯匙
糖    1/2至1湯匙
麻油 1茶匙

做法:

1.   燒滾半鑊水,  放下金薯粉絲以中火煮5分鐘,
  熄火浸焗5分鐘, 取出隔水, 與2茶匙麻油拌勻.


2.  枚頭肉切絲, 拌入醃料, 大約十分鐘.

3.  冬菇用水浸軟, 渣乾水份, 切絲, 備用.

4.  紅蘿蔔, 西芹洗淨, 切絲, 備用.

5.  韮菜洗淨, 切段, 備用.  (不要切絲, 切粒)

6. 蛋拌勻, 用鑊煎成蛋皮, 切成蛋絲, 備用.



7.  燒熱鑊, 下油, 先爆炒肉絲, 炒至變色, 直接加入蒜茸及所有配料炒勻.

8.  炒勻肉絲及配料, 直接加入金薯粉絲及調味醬汁一起炒勻.

9.  炒到所有配料及金薯粉絲圴勻, 熄火加入蛋皮拌勻.

10.  上碟便灑上炒香芝麻.  完成!!!




REMARKS:

做這個韓式炒粉絲, 其實一點也不難, 只是要花一點時間去準備配菜. 
其實跟我們中式的炒粉炒米, 理論都是一樣,
配料其實隨意按個人喜好而定.  沒有所謂的. 

韓式粉絲一定要用水灼及焗才會軟身, 只用水去浸, 浸一整天也不會軟身的.
還有...灼好的粉絲, 為何要加少迕麻油拌勻, 是防止痴埋一團,
若痴埋一團, 就會很難炒鬆嫁了.

另外, 配料如想加內蝦, 蝦就要先行炒一會, 立刻盛起, 到差不多炒好,
才回鑊跟其他一起炒.  因為蝦炒得太耐, 會不爽口及滑.

這個韓式炒粉絲, 還可以加入韓國泡菜去炒, 這樣就要更惹味.

芝麻我沒有自行炒, 我只買現成的芝麻灑上去, 可以慳一點工夫嘛..嘻

醬油方面, 如果真係唔想專登買韓國的, 可以改用接近它的日本醬油,
切勿用我們港式的豉油啊...因為是兩個分別啊..


這一碟沒有肉類的, 是送給好友的, 因為朋友仔食素的.
沒有肉類, 更加清甜好味啊...




所有韓國貨品, 都可以在現在的大型超市買到.
而我就最愛直接到尖沙咀的金巴利韓國街到買,
所以貨品一應俱全!!



粉絲的封面及入面, 好大包嫁, 可以食幾次...
一包也是二十多元咋...

青咖喱秋葵(附食譜)

青咖喱一直都好想試整, 不過......又係嗰句...無時間..嘻..

好耐之前係OL到見到佢整呢個以秋葵來做青咖喱的餸

巳經好想跟OL整, 因為秋葵係我好鐘意食的蔬菜

於是....朋友來吃飯, 就試煮這個了...

嘩...青咖喱果然係辣好多啊....不過....好味...^^好開胃.



食譜參考來至: OL醉愛廚房

材料：

秋葵   切成小段   一包
雞肉    切成小塊 一大件
日本本菇     一包
紫洋蔥    切件     一小個
紅蘿蔔 切件 一小段
泰式青咖哩醬1盒
椰奶 適量

做法：

1.  燒熱鍋, 加入少許油, 炒香洋蔥.
2.  跟住加入雞肉炒至轉成白色後，加入本菇, 紅蘿蔔炒勻。
3.  放入泰式青咖哩，加少許水，煮10分鐘，
4.  加椰奶，放入秋葵。
5.  煮至秋葵變色即可。

豉油皇炒蒟蒻芋絲 (內附食譜)

之前買咗黃cc的食譜書

見到有個炒芋絲的食譜

幾特別喎, 一於試吓先

我自己就自行更改咗小小啫.




豉油皇炒蒟蒻芋絲

材料:

芋絲    一盒

蒟蒻    一件

三色椒    每色一個

日本菇    一包 (一定要用日本菇)

xo醬    一茶匙

紅辣椒     一隻

生抽    一湯匙

老抽   兩湯匙

蔥花   適量








做法:

(1) 芋絲折開, 沖沖水泡在水中備用.  
  日本菇切根部, 快手沖洗, 瀝乾, 備用.

(2)  三色椒切絲, 備用.  蒟蒻切件, 備用.  紅辣椒切粒.

(3)  燒熱鍋, 加入少許油, 先炒三色椒, 炒至八成, 盛起備用.

(4)  燒熱鍋, 加入好少好少油, 再加入xo醬, 加入芋絲,蒟蒻及日本菇炒,
   跟手加入紅辣椒,  炒至日本菇軟身後

(5) 加入生抽及老抽, 再加入巳炒的三色椒, 炒勻, 試味, 唔夠味,
  自行再加生抽啦.  而我就愛淡口啊....調味好, 加入蔥花, 完成!!



**三色椒不能炒太久, 才可保持顏色鮮艷
**芋絲不用出水或瀝乾太久, 拆散後繼續泡水, 以免質地變靭.


蒟蒻及芋絲 很適合keep fit及膽固醇高的人食用
因為它沒有任何脂肪, 但膳食纖維很高,可以多吃.
而且熱量低, 又能提供飽肚感.

瑤柱蝦米蔬菜湯 (內附食譜)

蕭c奶一直都很愛湯水

而且中國人傳統也愛飲老火湯

但近年都在聽到老火湯其實對身體不好

我沒有去查究, 究竟是真是假

是好是壞

但我只能相信, 老火湯的脂肪一定存在


蕭c奶由上年開始都少飲咗老火湯

及有肉類的湯水

因為少爺及我都身體檢查的數字不理想

一定要戒食及減食

所以蕭c奶都轉咗煲素湯水

不得不認, 素湯真的沒有油份啊

而且我也愛上了素湯

加上我和少爺也習慣清淡一點的菜式

現在我煮的餸菜, 很多時也沒有加內鹽

尤其是湯水

告訢大家一個重要信息

湯水用上所有材料, 跟本不用加入鹽,

飲番湯水本身材料的原味, 更加清甜啊...


不用加入肉的湯水, 多了一份清甜味

而且一來不用肉類, 湯水的價錢也相對便宜了

可知道現在的豬肉價格很貴啊..

二來沒有油份, 這樣會清淡一點, 健康一點


今次試煲的這款湯水

真的非常清甜, 而且還有大量的蔬菜可以吃呢


"瑤柱蝦米蔬菜湯"



材料:

蝦米 1兩

瑤柱 4粒

紅蘿蔔   1枝

粟米 2枝

蕃茄 3-4個

西芹   3枝

新鮮蘑菇   6粒



做法:

(1) 蝦米先用水浸半小姐至一小時, 洗淨浸好後, 備用.

(2)  瑤柱不用浸, 洗淨後, 備用.

(3) 紅蘿蔔去皮, 切件.  粟米去衣, 每枝切三件.  蕃茄切件. 

(4)   西芹切件.  蘑菇切半.

(5)  湯鍋加入適量水, 加入蝦米及瑤柱, 煲滾後, 加入(3)所有材料,
   滾後轉小火煲1小時.

(6)  1小時後, 加入(4), 大約煲半小時左右, 完成, 可以飲用.

簡單菜會好友...

2012年11月10日(星期六)




好友師父自從由澳洲回港, 一直太忙,

未有時間跟她聚聚

也因為公事私事兩忙

最近總算稍為沒有太忙

適逄少爺今天要去朋友的結婚日

我便早一星期左右約好幾位朋友聚聚

見見面, 吹吹水, 輕鬆一吓啦!!


當中一位好友是素食者

所以一定會煲一煲素湯

早前買了一本有關湯水的書

看見有幾款素湯啊

我便挑選了這款湯水宴客了..

"瑤柱蝦米蔬菜湯"

這個湯水, 她們必定很愛

因為她們最鐘意吃湯渣的

這個湯內所有的蔬菜

我相信她們必定會吃光的...kaka

食譜請按:

http://blog.yahoo.com/jobechan/articles/769322


幸好我這位素菜朋友, 只是不吃肉類的素菜者

所以宴客時, 也可以有其他選擇啊...



還有:

"日式牛蒡飯"

一直都很想煮這個飯給她們試試

今天終於可以做給她們品嚐^^

好味又健康

食譜在這裡:  http://blog.yahoo.com/jobechan/articles/112317

 

有飯, 當然有菜啦...

想了大半天啊....

最後想起今早逛街市時

剛好看見有白蜆

也不錯

好....不如就煮之前深夜食堂的"酒蒸蛤蜊"給她們試試了...



如想看看做法, 請CLICK:

深夜食堂主婦同樂會第9話之酒蒸蛤蜊(內附食譜)
http://blog.yahoo.com/jobechan/articles/584370




而最後想起她們也愛吃秋葵 (泰國毛茄)

加上之前在bolg 友 OL那裡看到她用秋葵來做青咖喱

一直也佷想試試

今天就試做了....

好辣好辣呀....kaka....但又好好味喎...嘻嘻....


"秋葵青咖喱"




四人份量...一湯. 一有餸的飯,

再加兩個小菜.....巳經很飽飽了...

間中可以跟好友們在家聚聚

是我蕭c奶最享受的

因為我實在太愛我的朋友們啊....

【深夜食堂煮婦同樂會第22話】茶泡飯

2012年11月4日(星期日)


新OFFICE都搬得七七八八咁啦,  不過都係有點忙碌.

不過算比之前輕鬆一點咁囉.

今個星期的題目是: 茶泡飯

原本打算早幾日做的

可是又要OT, 所以最後也得要到假日才有時間

剛巧今天LUNCH約了好久不見的一對夫婦朋友

因為吃多了一點東西

所以今晚要吃得清淡一點啊...

這個茶泡飯實在太好了

說起茶泡飯, 令我想起深夜食堂內的茶泡飯三姐妹^^



一位愛吃梅子茶泡飯

一位愛吃三文魚茶泡飯

一位愛吃鱈魚子茶泡飯

三個選擇, 我只愛三文魚

所以今天我烹調的就是----- 三文魚茶泡飯啊....



茶泡飯 之三文魚茶泡飯




材料:

三文魚    一件

昆布湯粉    一包

烏龍茶/煎茶   適量

芝麻   適量

蔥花   適量

柴魚片   適量

飯/隔夜飯 各人喜好




做法:

(1)  當然要先準備飯啦...另外還有泡定茶啊..

(2) 先準備昆布湯, 可以用其他湯底也可.  鍋煲滾水, 加入昆布湯粉, 煮幾滾後, 備用.

(3)  三文魚加入黑胡椒醃十五分鐘, 燒熱鍋, 直接加入三文魚, 先放下皮煎,

  煎好後, 盛起, 拆肉, 備用.  如有骨, 請挑走魚骨啊...另外三文魚煎至八成.

(4)  碗加入飯, 然後順次序加入三文魚, 蔥花及芝麻.

(5)  然後倒入昆布湯, 先倒下一半份量

(6)  然後再倒入巳泡好的烏龍茶/煎茶

(7)  最後灑上柴魚片, 即成.






這碗有柴魚片的是少爺....而且還準備了一大碗給他!!



這是我的, 我不愛柴魚片....嘻...



真的很清淡, 我就加埋每人一碟菜, 巳經很飽了..




其實應該要埋啲紫菜絲更加靚..不過屋企無, 就無得加了...

這個泡飯, 不錯啊...吃時有啖啖的茶味, 好得意呀, 又清清地, 好好呀.