今年的新年真係好唔同.
相信媽咪都會有咁的感覺,
因為每年媽咪都一定會返去婆婆到一齊過年.
我當然知道媽咪好想陪婆婆啦.
但唔緊要的, 我哋過多幾日, 等啲親朋好友走哂,
我哋就會返去.
報告一吓....媽咪巳經打咗第三枝化療藥了,
好順利, 無唔舒服, 只係到咗第三日, 有啲攰.
再一次感謝上天的眷顧, 媽咪可以順利完成第三針.
時間很快, 醫生話二月頭返去覆診,
到時會約做手術的醫生同我哋見面,
因為屯門醫院唔知我哋打算搵私家醫生做手術的,
咁我當然唔會同佢哋講住話搵私家醫生做啦,
因為我都想聽吓屯門醫院的醫生點講先...
等我再去聽吓私家醫生又點講嫲...
聽屯門醫院的醫生講, 二月頭會打第4針的化療藥,
醫生話如果情況許可, 有可能唔需要打哂6針都可以做手術.
突然覺得好似好快做手術,
心裡既開心...但又很害怕.
開心是: 當然好想快啲將個惡腫瘤趕走佢啦.
但害怕是: 好擔心媽咪做手術的時候, 唔知會有咩事發生....
好驚...
不過, 我知到時, 我都係無得驚咁多嫁啦....
總之都係嗰句: 希望上天保佑!
媽咪: 祝您: 一切事事順利, 平平安安!
今年係我第一年無返鄉吓過年,
有啲失落感, 而且仲係我咁大個女第一次無同老豆過年,
無法....因為媽咪的病, 唔想太多人知,
所以今年唯有呃婆婆我哋全家人去旅行啦.
亦都因為咁. 媽咪唔想講比姑姐, 阿叔佢哋知,
咪又係話唔返去過年囉....
其實我好想見我老豆...
但係我真係唔知點樣去,面對佢,
亦都唔知應該同佢講啲咩嘢,
要當無事發生,....我今次真係唔得...做唔到...
原諒佢....好想...但又好似又做唔到...唯有逃避住先啦....
每年過年, 我都好開心可以同老豆及媽咪一齊過,
雖然佢哋倆個早巳分開...但起碼每年過年, 大家都會比吓面,
坐埋一齊同埋啲姑姐,阿叔一齊食餐團年飯.
但今年真係....超差勁了...
我係到諗可能以後都唔會再有咁的機會一齊坐埋食飯.
我知佢哋兩個平時都係比面我呢個女, 先會一齊坐埋一齊食,
但今時唔同往日了...我諗都唔會再有咁的一日,
雖然我未死心, 我仍然相信總有一天我哋全家人會晴天,
但有時真係好灰心....
而家個心就好似大細咁, 一半係未死心, 一半係巳死心,
有時做嘢係要有信心, 努力, 就會成功一大半,
但係我巳經出咗好多力, 比自己好多信心,
但點解....點解....而家個人開始無哂信心, 無哂以前的諗法...
好驚, 其實真係好驚....
好多嘢好想親口同老豆講...但係點解我而家講唔出口呢...
我真係好想好想考順佢, 好想佢睇住我生兒育女,
好想好想....
好想好似人哋的屋企咁, 齊齊整整, 一家人過年, 好想....
真係好羨慕朋友的屋企, 可以全家一齊, 有爸爸媽媽.....
有時諗到咁...我好想喊...但係巳經喊唔出嚟, 但我知我個心好傷.
太多嘢...好難同朋友講, 好難解釋.
點都好啦....我都會盡自己的力量去面對所有的一切....
希望在明天.
今日要介紹的一個妙招給大家，當然係要自己動手做啦！
但是非常容易的。
妙在哪里？？
這個妙招就是在衣架上挖掘空間的潛力，
讓它由能晾哂一件衣物變成能晾哂多件。
省錢， 省地方， 易收藏！
（1 - 3）首先用鉗子從衣架掛鈎的地方扭開(圖1有圈部份)，
扭開後(圖2有圈部份), 便穿夾子.
(4 - 5) 將小夾子依次穿進鐵絲.
(6) 把衣架復原,再把衣架頂端固定裝子,一個多用衣架就改造好了.
數一數, 上面最多可以掛12個小夾子呢!
(7) 用改造過的鐵絲衣架可以掛很多小件衣物,既節省了空間,又節省了衣架.
(8) 最妙的是,用改造過的衣架收取衣服特別方便.
改造過的衣架還有很多用處: 在洗手間里,可以它掛一些洗浴用品;
在睡房里,它就成了收放掛墜的好幫手(如左圖), 我就掛咗啲頸鍊;
放在衣櫃里,掛上腰帶,省空間, 拿取也方便(如右圖).
省空間. 陽台上即使再多掛幾個這樣的衣架也不會佔太多空間,
比一個八爪魚衣架省地方多了,晾晒的衣服也多得多.
省錢. 鐵絲衣架和塑料小夾子相對較八爪魚衣架便宜多,且更實用.
2009年1月28日(星期三)
年初三
嘩..今日終於可以好好休息了.
出咗去幾日, 成日要搭車, 真係好攰, 好悶.
唔想出咗了. 今日訓到中午,
起身後, 煮番老爺比我哋的靚餸先.
雞雞及豬脷
蘿蔔炆豬手
吃過午飯, 我哋兩個分別在家各自做自己想做的事lu...
超休閒啊...時間過得好快, 又到咗晚飯時間,
吃過我要早點訓, 因為明天初四我要返工呀....
2009年1月29日(星期四)
年初四
今日要返工啊....原本想唔返的, 不過見大老細放假,
無理由唔返嫁, 反正老細不在...嘻嘻...都無嘢好做.
不過, 因為今日奶奶同老公都放假,
所以我都放下午, 約咗佢哋兩個去藍田到行行囉...
我哋去完藍田再去咗沙田,
所以最後我哋三個人一齊係沙田到吃晚飯.
今日我哋去咗小南國到食...
四喜烤夫
糟溜魚片
蟹粉扒豆苗
稻草腩肉荷葉包(好似係咁叫)
豆沙南瓜餅
酒釀小丸子
嘩....奶奶好大個口啊....
呢間嘢都幾貴...如果講上海菜, 同我食開的係金鐘的紫至玉蘭, 真係差好遠.
今餐我哋三個人都食咗五百幾. 我平時係紫玉蘭到食平均都係180元左右啦.
不過係午市, 相對比較貴.
但係人哋的水準真係正宗及好味好多囉...
真係貴得有道理的!
早幾篇咪講咗比大家知,
呢幾日係屋企到太多衫要洗呀,
我咪話要攞部'穿梭機'嚟幫吓手的,
今日就要介紹比大家認識呢部'穿梭機'了.
其實佢係叫衣服乾衣機, 不過同事介紹我用時,
佢係用'穿梭機'嚟形容, 所以我都跟咗佢咁講囉.
大家有無發覺, 有時天氣潮濕, 好多時洗咗的衫都好難乾呢?
今日洗咗一機衫, 晾咗幾日都未乾,
但係第二機衫要洗了喎...老實講....間屋有幾大呢?
又無天台, 又無露台...
有時除咗要洗衫, 仲要洗被及床單,
咁點攪呀....一來無地方晾, 二來又無咁快乾.
自從同事介紹咗我用呢部穿梭機之後,
我就無呢個煩惱了.
佢除咗可以快啲乾之外, 仲好容易收藏添,
咁好的家居用品, 我又點可以咁自私, 唔推介比大家呢?
就係呢部了...只係兩個A4紙盒咁大到啦, 可能大多少少,
我就覺得巳經係算容易收藏.
打開咗, 就有以下幾樣的配件, 其實仲有一個白色外罩
將頭先的配件切好, 就會好似左面的圖,
然後你就你要晾乾的衫掛上, 如右圖
左圖: 掛好衣服後, 加上白色外罩.
右圖: 拉上拉鍊,
拉上拉鍊後, 便在開關掣上,
選擇你想要的乾衣時間.
有不同的時間, 30分鐘, 60分鐘, 90分鐘等等....
注意: 最好將剛洗完的衫先晾一天, 第二天才用穿梭機幫手乾衣,
這樣會比較快乾, 我通常第二日會用差不多30-60分鐘的時間.
其實視乎你的衣服厚定薄, 我最愛晾乾床單及被單等....
冬天還可以當暖爐呢?
我呢部就係用信用咭時用分加298元換番嚟的, 超值呀.
我聽同事講, 佢買時都係二百幾蚊, 但係而家吉之島有得買,
要成千幾蚊呀....好貴呀.
可能而家多咗人識啦, 所以貴咗好多.
我早前係中原電器都見到, 又係買成千元呀....
你哋自己考慮吓啦, 千元的我就覺得貴咗好多,
我個人認為幾百元都可以考慮吓...或者你哋多啲留意信用咭有無得換.
呢部真係好好用嫁....過多一排, 好快就到潮濕天氣,
到時你哋要晾衫時就知有幾煩lu....
總之我而家就方便好多, 又煩少咗一樣家居問題了.
2009年1月27日(星期二)
年初二
今日約咗奶奶及媽咪兩家人一齊飲茶,
新年大家一家人坐埋拜年,
一行九人....阿榮家姐無嚟, 要訓覺啊.
今日去屯門的好日子到飲茶,
唔錯呀....啲嘢幾好食喎,
奶奶同媽咪一見面就雞啄唔斷,
最開心的係我阿哥同老爺佢哋都有嘢傾,
老爺心情好好呀...今日都講咗好多嘢呀,
仲講笑添....
其實初時都好擔心大家會無嘢傾,
好悶...好彩都好好呀...
兩家人一齊可以相處到, 就最開心...
飲完茶, 我哋就同老爺佢哋散band了,
因為我同媽咪佢哋要去伯娘到拜年啊.
今日非常充實, 去完伯娘到都巳經係下午五點半了,
跟住我有啲肚餓, 我就同阿榮去咗食嘢,
阿哥佢哋就返屋企, 留低媽咪係伯娘到打牌囉...
食完嘢, 我哋就坐車返屋企,
跟住就沖過涼, 同老公一齊睇'鬼嫁日記II',
哈哈....越睇越覺得我真係好似女主角....
唔係個樣似呀...係女主角個啲idea及行為囉...
唔怪之得, 阿榮老公話成日睇鬼嫁時都會不其然諗起我....
我自己都真係覺得好似呀....
睇完兩集, 好眼訓呀....
明天年初三, 終於都可以好好休息, 唔駛出街了.
祝大家:
2009年1月25日(星期日)
年三十, 團年飯
今日係年三十了,
好鬼忙啊....咪又忙洗衫囉...
哈哈...唔好以為過年就咩都唔駛做...
同阿榮老公訓到中午時份,
煎咗啲蘿蔔糕食吓....就開始出門口,
去吉之島行咗一陣囉...
跟住就返去老爺到食團年飯了.
豬肚湯, 蟹, 大蝦, 魚, 菜及雞
2009年1月26日(星期一)
大年初一
今日係大年初一, 係到祝位心想事成, 財源廣進!
訓醒後, 下午我哋又出發了,
今日年初一, 先先返去媽咪, 阿哥阿嫂到拜過年先.
阿哥阿嫂叫我打麻雀, 我唔肯啦..
嗰日仲做唔夠財神呀....
坐咗一陣, 我同阿榮老公就出去吉之島又行街lu....
我哋想買printer, 所以一連兩日都周圍睇吓囉...
跟住....指定動作....初一一定要返老爺到拜年及吃晚飯啊...
今晚清清哋...但都好飽啊...
咁又過咗年初一了.....
最緊要係可以成日同屋企人一齊,
咩都假....
祝
大家
牛年快樂
牛咁精神
牛運享通牛財就手
