2009年1月10日(星期六)
今日要返工啊...超唔想返囉,
呢啲咁的天氣,最好就係個被窩到嫁啦.
可惜.....要返工呀..
不過, 因為呢個星期我都早咗訓覺,
所以今早都肯起床.
難得星期六返工,
一早約好了好友'叻叻'食午飯,
所以阿榮老公放咗工後, 要食自己lu...
我哋倆個係竹八到食完日式定食後,
傾吓傾吓...我又唔急住返屋企,
就陪叻叻了,
先陪佢去整手機, 跟住我哋去咗教協到買嘢,
嘩...超多人呀, 好似唔駛錢囉..
當然我哋倆個咪又係唔執輸...哈哈...
買完望吓個鐘....咁就五點lu...
跟住我同叻叻就各自返屋企lu..
雖然今日唔係有咩特別, 只係行咗一陣,
但係可以同好朋友一齊, 巳經好開心好滿足lu...
坐車途中, 阿榮老公終於打電話嚟lu..
問我係邊呀...我話搭緊車返嚟囉,
你負責煲飯啦, 我一間落車去街市到買多少少餸.
哈哈哈....各位...我居然訓到唔識落車啊,
最終要係總站落車囉, 超好訓啊.
上湯浸豆苗
日式咖哩雞飯
煎腸仔
就係呢兩款了, 好鬼脆嫁.
左: 亞歴士史巴辣腸(Alex's Spicy Sausage)
右: 瑞士盧根尼卡腸(Luganega Sausage)
大家不妨試吓啦..係百佳超級廣場有得買嫁, 每包15元左右.
有時真係唔洗咩特別節目, 只係可以同朋友去下街, 食下飯就好舒服架lar...
回覆刪除[版主回覆01/11/2009 21:21:00]係呀....又或者同老公係屋企靜靜哋都好開心同舒服嫁
呢兩款腸我都係超市見過, 不過唔知好唔好味, 無買過, 見妳咁講, 等我下次又試下先....
回覆刪除[版主回覆01/11/2009 21:20:00]我就覺得 亞歴士史巴辣腸(Alex's Spicy Sausage)好食啲呀..
啲腸好似好好味喎,等我都買黎試吓喔.
回覆刪除[版主回覆01/12/2009 10:08:00]試吓啦,我覺得左邊個隻好食呀。
近榮者瞓...你開始好似榮少咁成日想瞓
回覆刪除[版主回覆01/12/2009 19:45:00]係呀.....