2011年10月22日(星期六)
假日午餐: 日式鰻魚定食
早兩日同少爺到超市買了一PACK鰻魚,
其實都幾貴呀,
一PACK都要$98元啊....
不過又幾大條的, 一直都好想係屋企整,
反正佢燒埋, 返屋企只係煎番熱佢啫, 都好方便啊..
***************************
之前又買咗一包日本海草及黑芝麻黑醋汁
所以...就可以自己做沙律啦, 又係勁方便.
炒埋碟野菜, 煲埋珍珠米, 咁就完成咗這個定食了...
當然有埋個麵豉湯就似模似樣, 不過我個人麻麻....
***************************
日式鰻魚定食
包括: 海草沙律配黑芝麻黑醋汁, 炒雜野菜 及 鰻魚飯
唔錯呀, 好大份量, 又夠多汁, 下次都會再買.
呢一餐真係好滿足呀,,,呢排思鄉病呀, 好掛住日本呀><
所以要食日本餐囉...嘻嘻....