浮羅交怡+吉隆坡

 

 

終於都等到呢一日了...

近呢兩個月,

真係好忙好忙

忙到個人真係好攰

無論係身體, 腦

真係好攰...

真係一定要去叉叉電呀...

其實6日5夜實在太短lu..

最好係兩個星期啦...

不過而家都好過無囉...呵呵...

 

 

各位blog友仔

蕭c奶出走幾日了...

返嚟再同大家分享去旅行的點滴啦...

遲啲見了....

放假了...yeah...

oh....每次放假前一個星期

工作都忙到我屎屎吓

今日終於都做哂要清的工作

終於都可以放心放假lu...

 

唉..今次的旅行

我咩都無plan

真係忙到無時間plan呀

好彩係去陽光與海灘

行李都未執

防曬都係今日走去買咋 ><

 

聽日就要好好咁執行李

後日就早機了...

yeah...好期待呀...

 

我要hea hea hea 呀.... ^^

半圓包包@第32件手作仔

 

好友蕉蕉是5月生日之星

剛好很想做這款半圓包包

就送這個給她了...

 

這是第一次做的

但不太理想啊...

第一: 因為趕工, 所以手工不好

第二:  因為第一次做, 所以沒有經驗, 那個半圓

位置, 做得側了一邊, 不太完整啊...

但是有了這個第一次

就有了經驗啊..

我想第二次一定會做得好的...

 

 

 

Towngas示範班@有機會

 

 

 

今曰又去咗Towngas的示範班，

 

又食又有贊助商送的有機禮物•••••••

 

真係好超值嫁...

 

又可以學到四款菜式喎...

 

百幾蚊真係好抵玩...

咖喱粟米蜆肉配自家養雞蛋

 

2011年5月22日(星期日)

 

今日去咗補堂, 補手作仔,

因為有一款手作, 之前整過一次

但係太耐了, 所以一直都無時間再整

又唔記得點整喎,

剛好老師開堂, 我就去補堂了,

但係最攪鬼的係...我去到才發現忘記了帶材料呀...

唉...最後咪要少爺攞嚟比我囉..

好彩而家住市區咋, 坐小巴, 半個鐘咩都到

如果而家仲係住係天水圍...OH...想屎...

 

補完堂, 都要諗諗今晚飯咩

因為最近呢兩個星期超忙

攪到無煮過飯呀...><

真係唔想再出街食了, 食到無嘢好食, 又貴

 

嗯...又係蕭C奶最叻的時候了...呵呵..

諗起雪櫃有包蜆肉, 又諗起早前朋友仔送了自家種的粟米

好....一於自創...

嚟一個粟米蜆咖喱...

 

嘻...返到屋企, 二話不說, 開工...

先將蜆肉醃一陣, 用啲胡椒粉, 日本料理酒, 麻油, 黑胡椒粒醃,

咁就可以去除一點的腥味啊...

跟住咪刨粟米粒囉...

跟住就煮呀煮, 炒呀炒, 加點咖喱汁....

哈...又諗起, 早前有親友送來自家養的雞所生下來的雞蛋喎

OK.. 煎埋蛋, 放係面,,,咁咪靚仔哂囉...

話咁EASY, 咁又一餐美味的晚餐係面前了....

 

是日晚餐：

 咖喱粟米蜆肉配自家養雞蛋

 

 

(粟米是朋友自家種，超甜。

雞蛋也是親友自家養雞而生的雞蛋，好新鮮。)

 

真的忙不了，亦都真的窮不了.．．

最近蕭ｃ奶真的忙不了.．．

忙.．．結婚週年

忙.．．母親節

忙.．．媽咪大壽

忙.．．手作

忙.．．家事處理

忙.．．好友生日

忙.．．跟家人聚聚

忙.．．安慰朋友,　陪朋友

忙.．．幫朋友訂淘寶

忙.．．家務

忙.．．工作

忙.．．煲劇

忙.．．睇書

 

這個月,　每天都過得十分充實

充實到差點沒有時間，呼吸,　休息

就連月尾要去旅行的嘢, 我都一啲都無理過囉

所以.．．忙到沒有時間寫ｂｌｏｇ，　探bｌｏｇ友

更加沒有時間煮飯啊.．．．

 

除了　＂忙　＂，　亦都出現　＂窮＂字

以上所忙的事,　都要用錢啊.．．

所以未到月中,　荷包亦都窮到穿窿！

 

六十大壽

 

時間過得好快, 有時真的很想將時間停留

唔覺唔覺，　媽咪原來今年係６０大壽

６０？？？？　但係我依然覺得我媽咪係四十幾五十囉．．．

所以媽咪真係到咗６０

個感覺係.．．．係.．．點講好呢.．

覺得唔想咁快,　唔想媽咪老,　

覺得好似可以陪媽咪的日子又少咗

所以感覺係.．．．係我心裡面,　我唔鐘意囉．

 

或許當你太愛一個人,　太在乎一個人的時候

就會好想好想多一點的時間在他/她身邊

好想好好照顧他/她

好想給最好的給他/她

好想好好的考順他/她

或許我仍然覺得自己還有很多東西,　事情

很想和父母一起完成,　分享

所以我很清楚知道自己某程度上

逃避

不想，不接受父母年紀大

我真的這樣想！

 

可是事實往往都是殘酷的

正面的我,　雖然不想接受

但既是事實，　我不能控制

那我如何呢？

當然是把餘下的時間

好好的珍惜

好好的把握珍貴的時光

好好的陪父母渡過他們的餘下日子

我不想讓自己後悔！

我要我的父母餘下的日子過得開心,　幸福！

 

上星期日（５月１５日）回香鄉

跟最親的親人一起為媽咪慶祝

六十大壽

少爺一早訂了這個壽包組合

一個大壽包,　加二十八個細壽包仔

特別之處,　十幾個細壽包伴著大壽包

餘下的細包.．．．原來在大壽包裡面啊.．

超可愛呢.．．

 

 

剛巧大壽的前一天

跟手作老師及同學有聚會啊.．．

這次做一款有內格的包邊包包

ＷＯＷ．．．這夜趕得上完成這個新作品

就順利成章，可以趕得上送給媽媽作為生日禮物

 

媽咪：　再次跟你說聲，　生日快樂．

最重要是身體安康,　幸福快樂！

結婚週年....

 

從此以後, 無憂無求,

故事平淡但當中有你,

巳經足夠........

少爺, 我們的結婚週年快樂呀....

愛爆你呀!!!! ^3^

 

 

 

 

 

 

 

 

 

 

 

 

 

 

 

 

 

 

 

從今以後，無論將來是好是壞，

無論富貴貧賤，生老病死，

我都將會與你長相廝守；

對你愛護珍惜，至死不離不棄。

這些是我對你立下的誓言。

 

蕃茄蘑菇煮雞柳(內附食譜)

 

2011年5月2日(星期一)

 

今日下午仲諗緊煮唔煮好???

嗯...想食啲開胃少少的餸喎..

嘻嘻...多數都係有蕃茄的餸

因為酸酸哋嘛, 實開胃啦...

 

是日晚餐:

蕃茄蘑菇煮雞柳

材料:

雞扒或雞胸    2件

白蘑菇       數隻 (今次買唔到)

蕃茄    3大個

紫洋蔥 或普通洋蔥   1個

蒜茸    適量

 

醃料:

鹽 , 酒, 胡椒粉      少許

 

汁料:

蕃茄醬     4湯匙

喼汁 , 糖, 生抽 適量 (自行調較, 試味啊..)

鹽 及胡椒粉  少許

水    1杯

 

做法:

(1)  雞扒去皮切件, 加入醃料醃約15分鐘至30分鐘

(2) 蕃茄洗淨切件, 洋蔥去衣切塊, 蘑菇洗淨瀝乾水份, 每粒切3至4片, 備用

(3)燒熱鑊, 下少許橄欖油, 把洋蔥炒香, 加入蒜茸炒一會,

再加入雞肉炒幾下, 跟手加埋蕃茄, 蘑菇炒, 然後下汁料;

(4) 較至中小火, 冚蓋, 煮至所有材料熟透後, 試味, OK了, 用少許生粉水埋芡,

上碟即成.

布布收納兜@第28至第31件手作仔

 

不經不覺巳做了過三十件的手作仔

實在不禁相信自己可以有三十幾件的手作...嘻嘻

 

好早前巳經好想做以下這款手作仔

不過一直都未有時間

加上研究了好一陣子

因為有一點不太明白

請教了兩位老師, 都是用文字請教

所以她們講解了給蕭c奶聽

都不太明白, 所以閣置了好一段時間沒有動工

 

兩個月前, 某天突然很想很想做這件手作

便的起心肝一於自行研究了少少時間

一直未有時間post出來給大家看啊..

 

嘩..勁開心...原來是很簡單的

只是當中要花少少的工夫mark位啫...

很滿足...一口氣縫了四件啊...

兩件作為自家用

兩件作為送給朋友的

 

布布收納兜

 

漂亮嗎????

這個是送給少爺的

因為少爺經常都把鎖匙呀, 手鏈呀等等

亂放一通啊...

 

示範一吓先.....嘻嘻

而這個放了一些糖果

然後放在茶几裡....

這兩件分別送給剛剛買了新居的

兩位好朋友

小小的入貨自家禮物啊...

願她們喜歡它啊!!

很喜歡這個收納兜

簡單又實用

而且還增添了家居的裝飾呢...