咖喱粟米蜆肉配自家養雞蛋

 

2011年5月22日(星期日)

 

今日去咗補堂, 補手作仔,

因為有一款手作, 之前整過一次

但係太耐了, 所以一直都無時間再整

又唔記得點整喎,

剛好老師開堂, 我就去補堂了,

但係最攪鬼的係...我去到才發現忘記了帶材料呀...

唉...最後咪要少爺攞嚟比我囉..

好彩而家住市區咋, 坐小巴, 半個鐘咩都到

如果而家仲係住係天水圍...OH...想屎...

 

補完堂, 都要諗諗今晚飯咩

因為最近呢兩個星期超忙

攪到無煮過飯呀...><

真係唔想再出街食了, 食到無嘢好食, 又貴

 

嗯...又係蕭C奶最叻的時候了...呵呵..

諗起雪櫃有包蜆肉, 又諗起早前朋友仔送了自家種的粟米

好....一於自創...

嚟一個粟米蜆咖喱...

 

嘻...返到屋企, 二話不說, 開工...

先將蜆肉醃一陣, 用啲胡椒粉, 日本料理酒, 麻油, 黑胡椒粒醃,

咁就可以去除一點的腥味啊...

跟住咪刨粟米粒囉...

跟住就煮呀煮, 炒呀炒, 加點咖喱汁....

哈...又諗起, 早前有親友送來自家養的雞所生下來的雞蛋喎

OK.. 煎埋蛋, 放係面,,,咁咪靚仔哂囉...

話咁EASY, 咁又一餐美味的晚餐係面前了....

 

是日晚餐：

 咖喱粟米蜆肉配自家養雞蛋

 

 

(粟米是朋友自家種，超甜。

雞蛋也是親友自家養雞而生的雞蛋，好新鮮。)