窩心飯聚！
謝謝二家姐，今日午餐好正呀!
又食又有禮物收！^°^
見到你倆姊妹的身體完全康復
臉色咁好
令我放下心頭大石了...
可以跟超超超好友的家人飯聚
實在是我的福氣!
2011年7月27日 星期三
Cruise Traveler 郵輪喜航@朋友仔新雜誌
恭喜賀喜!!
在此祝朋友仔的新雜誌
鎖售高升呀......
繼上次朋友第一本書面世:
享受郵輪假期
http://hk.myblog.yahoo.com/jobechan0911/article?mid=14533
未買的朋友....再次睇睇啦....呵..
前幾天收到小道消息....
朋友仔係總編, 他的公司出咗本新雜誌, 有關郵輪的
雜誌名為:
Cruise Traveler 郵輪喜航
這本雜誌可在K仔及PAGE ONE有售
我都找了好幾間, 才買到啊...
總編輯寫的內容及拍出來的相片
實在太美觀了
我個人較喜歡這本雜誌多過上一次的那本書
或許因為這本雜誌有多方面的內容
所以吸引到我看完一篇又篇
對郵輪有興趣的朋友
或者想了解有關郵輪的資料
這兩本絕對是推介!!
當然我一定有少許的私心
支持朋友
但是另一方面亦都希望其他朋友/BLOG友
看完之後, 你會發現對郵輪有另一番見解.
SO...仲等咩呀....
快啲買本嚟LOOK LOOK啦...
2011年7月25日 星期一
忙...裝修
剛過去的星期六, 日
都為媽咪裝修的事而忙
星期六先行為自己的屋企大掃除
然後就起程返媽咪屋企了
回去再執拾少許的東西
然後就約了契哥來度尺及跟他商量有關裝修的各種事宜
星期日就約了媽咪來九龍灣的max home
在國際展貿中心
因為廳的tv櫃, 打算再次找幫我新居設計的傢俬公司
媽咪都很喜歡我家的兩組櫃
最後都落了訂啊...嘻嘻.
跟手再入旺角, 跟媽咪看浴室的產品
嘩...同一型號, 同一牌子,
隔離鋪或者過兩條街, 都可以有幾百蚊的出入啊...
嘩...真係要格價呀..><
因為呢兩日都出咗街
所以都好攰呀....
快快交間屋契哥
快快開工....
感覺好似會舒服啲...
廳及大房
工作: 要鋤牆, 油油
牆的顏色: 米白/白色
大房: 就要有某部份鋪磚
廳燈及飯廳燈巳買了....唔駛再煩
大門: 都叫做擇咗了, 再等最後confirm
衣櫃: 巳買
浴室
工作: 全個做過, 拆浴缸, 做企缸, 做鏡櫃, 做吊櫃
煤氣爐: 巳買
牆磚及地磚: 巳選好, 未買
大口仔, 面盆及其他厠俱: 未決定
門: 巳選好, 未買進
其實即係大部份都算係睇哂嘢
係有啲色板要等契哥
再同我哋夾多一次啫...
應該明天或後天
會交鎖匙比契哥了.....
yeah....
2011年7月21日 星期四
2011年7月20日 星期三
2011年7月19日 星期二
成功了....牛奶麵包
早前跟大家講過
蕭C奶終於都攞咗部麵包機返屋企
上次呢篇BLOG, 等待麵包BB出世...
http://hk.myblog.yahoo.com/jobechan0911/article?mid=16555
成功咗, 話過跟大家分享
7月1日假期, 約了好友愛麗詩來我家
主要是相約縫縫樂
剛好我打算試用麵包機
所以我一早試整
咁等到下午愛麗詩來
我們就可以試食了...
新鮮出爐的麵包
實在太太太.....好味了...
第一款麵包, 我試整牛奶麵包
好香牛奶味, 而且超級鬆軟
跟出面的麵包真係好唔同
覺得好FRESH囉...嘻嘻.
少爺及愛麗詩都讚口不絕
話好好味
新鮮出爐的, 就咁齋食巳經好好味
無需要加任何的牛油, 果醬都好味
真係好開心, 以後都唔駛食出面的添加劑麵包了
成功咗, 咁下次我又試整第二款麵包先.
我真係好見議大家考慮買部麵包機
真係盡量唔好再食出面的麵包了
如果有小朋友的, 我更加會見議一定要買呀
為咗小朋友的健康喎. 係咪.
我呢部係萬能牌, 好似話6百蚊喎
因為係朋友送比我的, 所以我唔係好清楚幾錢
但同另外的朋友傾開,
就話象仔牌好用呀, 但就貴啲,
好似最平的都要千三蚊左右
但係話好好嫁喎.
如果我無, 我都會買象仔牌
但我而家有一部, 就梗係唔會買啦. 係咪先.
相約縫縫樂
7.1假期, 一早約了好友愛麗詩來我家
因為我很想縫一個袋
作為少爺的生日禮物啊...
所以要請教愛麗詩囉...
請了她來一起縫縫樂
整個下午大家都一邊縫一邊說笑
而少爺....就.....哈....自己係客廰到睇書, 睇電視,
跟住仲.....瞓著咗...
同愛麗詩縫咗半日, 又係到玩試食麵包喎.
跟住我哋就一齊去咗買餸...
好友來到, 都要好好的招呼吓佢先...
三個人又唔係話好大食
最後煮咗三個小菜咁大把囉..
灼菜心, 蒸多寶魚及鎮江骨
多謝愛麗詩到來
下次我哋要約埋REBECCA佢哋上嚟
一齊縫縫樂及煮飯仔啫...
同場加映...
好友LING姐跟她的囡囡係英國回來了...
我之前搭咗佢去英國幫我買呢個CAKE STAND
勁開心呀...終於等到了.
呢一日真係好開心
因為可以跟好友及少爺一起渡過囉...
整整齊齊
整整齊齊...
自從做咗手作仔
越嚟越多布布及配件
初時因為好少嘢, 但係後來越嚟越多
蕭C奶初時個櫃都算整齊的
但係後來超級懶囉
又學人越買越多
又唔好好咁放好啲布布
最近終於忍不住了
頂唔順..實在太亂了...一定要執執佢.
因為實在太多配件
一直都好想買番個透明的一格格櫃仔
可以整整齊齊咁放
又可以容易啲搵想要的材料
之前亂咁放, 攪到有時明明買咗的材料
搵唔到, 攪到又去買過, 攪到有時重複咗
而家買咗呢個櫃了....超正呀..
以後做手作, 想要咩配件, 材料, 工具
都可以一目了然啦..
真係好整齊...
包邊一格, 口金一格, 拉鏈一格, 手縫線, 針, 水消筆等的又一格
細格的有: 布標呀, 鈕扣, 四合扣, 口金線等等
每格都好清楚呀...
真係好好彩, 上星期專登約少爺出去搵呢類型的箱仔
竟然一去到日本城就搵到
仲要唔貴百三蚊, 仲要好啱心水
又唔太細又唔太大囉...勁HAPPY呀..
以後啲手縫線可以清清楚楚咁睇哂
想要咩色就好方便攞出嚟了...
成格都係放哂不同款的口金
當天執執執, 才發現自己係勁多口金呀....
個人係知有好多, 但係之前咪就係亂咁放
有時想用搵唔到囉...咪攪到係咪買呀買呀....
但係好彩, 當中係有好多唔同款, 我款款都LIKE
嘩..淨係做口金都尤排做啦.
呢個櫃, 原本比我放到好亂
啲布又係亂咁嚟...
而家我仲塊布布用絲帶卷埋佢
咁就好清楚有咩款咩色的布布
唔駛有時搵嚟搵去都搵唔到...
唔好睇少佢, 我用咗半日時間係到執嫁
亦都發現...我真係好多好多布
真係做到退休都做唔完....WAKAKA
真係好鐘意呢個格格櫃呀...
放咗係到, 真係好似好勁咁呀...
我係手作達人呀.....(痴咗線ING)
我的幸福禮物@手工皂
我的幸福禮物@手工皂
琴日好開心, 係我做嘢做到好鬼悶的時候
發現有嘢比我喎...
見到封面寫有小嘉的名字...
正....未打開巳經開心到飛起
令蕭C奶即時醒目哂!!!
連同上次小嘉送比蕭C奶的一齊影
係...小嘉你見到啦...嘻嘻..
上次送我的, 我還未捨得用啊...
因為實在太精美了
感謝您!!!
自從踏入了手作達人
(識少少, 就扮哂係手作達人的我...WAKAKA)
覺得HANDMADE的都十分珍貴
能送給朋友的, 好開心好幸福
但相對地, 能夠收到朋友送的HANDMADE禮物
除了幸福, 開心外,
還多了一份窩心的感覺!
再次謝謝小嘉呀...
蕭C奶會盡快用的, 放心...
如果唔係咪浪費咗你的心意.
YEAH....有新嘢用了...
2011年7月18日 星期一
訂閱：
文章 (Atom)