日韓燒烤放題@Home

2009年2月21日(星期六)

今日要返工啊...

放咗工約咗阿榮老公係屯門市廣場到等

先去小巴黎到食番個下午茶先

歎完茶我哋就係吉之島到行街街lu...

目標係十元店及超市....

今晚我蕭師奶又有新玩意啊....

稍後再講啊...

係十元店買咗個新的柞汁機及磨薑蓉器

跟住再去超市買晚餐的材料..

行行吓..仲撞到'阿池'添...好耐無見阿池啊...

買完嘢...即刻坐車返屋企

準備今晚的晚餐添...

     

 

今晚有咩新玩意呢???

就係.....日韓燒烤放題

較早前, 我同阿榮老公貪得意,

買咗個燒烤盆返嚟

想試用好耐嫁了...不過一直未有機會

今晚終於可以試用了....

今日一路整材料, 係到自己整串燒,

覺得好好玩啊....

到咗正式燒的時候, 同老公都覺得好好玩啊

老公好擔心攪到成間屋都係煙喎

但又唔會喎...而且個燒烤盆又唔會燒到黑哂嫁喎...

嗯...下次一定要約埋三五知己入嚟玩吓先得啊....

材料:  (2人分)

雞扒---1件 (切片)       磨菇---10 粒 (切半)

多春魚---8條          薄切牛肉---1 pack (切一半)

西冷牛扒---1件(切粒)         帶子----1 pack

蝦---10 隻       青口連殼---10隻

牛舌---1pack          竹簽---適量

 

醃料：

鹽---適量

黑胡椒粗粒---適量

燒肉汁---適量

韓國燒醬汁---2-3片適量 (今次冇用)

 

做法：

 

1. 把磨菇、雞扒、薄切牛肉、西冷牛扒切粒, 切片, 切半備用

    2. 雞扒、磨菇、多春魚、蝦、連殼青口及牛舌…

    用黑胡椒粒及鹽醃味

 

3. 將多春魚、雞扒及西冷牛扒粒用竹簽串起,

   分別用燒肉汁或韓國燒醬汁醃味至少2個鐘, 西冷牛扒粒

 

 4. 將薄切牛肉也用黑胡椒粒及燒肉汁或韓國燒醬汁

    醃味至少2個鐘, 備用

 

5. Gas爐開火, 用超細火慢慢燒, 放上串燒, 不時兩邊反, 至8成熟 ,

可以灑上檸檬汁、幼青葱粒、蒜蓉、

黑胡椒等配料燒多陣…完成~

 

 開餐前影番張相先..

 

燒的時候, 可以按個人口味, 灑上各式的調味料

最估唔到係..燒蘑菇係最最最好味嫁....

仲有啲青口及雞肉

牛肉粒都好好味....但係啲薄切牛肉, 下次唔買呢隻,

唔好味的...比較乾啊...

真係好好玩啊.....老公都話...老婆真係咩都可以玩一餐

下次等我買多啲海鮮及靚啲的肉類先....

唔知下次蕭師奶又會玩咩呢???

 

哭

昨晚回了媽咪家吃飯

媽咪跟我們說了有關家鄉的地及屋

有發展商來收扣，徵地

叫我們要回去跟爸爸商量

唉。。。難題難題。。。怎商量

太清楚爸爸的為人

他巳變了，應該如何跟他商量呢

媽說：聽家鄉的人說爸爸跟發展商的人爭執，商討， 又要地又要錢

唉。。一聽之下。。。心傷了。。又難過。。

不知如何說好。。。心裡只是很不開心

我們只想清楚知道，媽咪本人的想法，

媽咪想將所有地及屋如何分配--要錢還是要樓呢

最後經過我們四人的初步商量

除了我的要屋之外

其餘的都要錢

其實我都不想要屋的， 但我明媽咪的想法

若果我們一間屋都沒有， 將來若要回來， 那有地方‘落腳’啊

我又知阿哥不想再回去，他說明要錢， 不要屋

咁。。。我又點呢。。。明知媽咪想要一間屋，

我就唯有將我個份擇要屋啦， 好等媽咪個心安樂。

有關屋的事， 總算初步商量好吧

接著，又要幫阿哥跟他的財務吧

煩。。。煩。。。煩。。。超 煩啊。。。

由於阿榮老公知我， 明我，為了屋企的事

巳經花了十幾年時間

所以他現在為我分擔所有我屋企的事

所有有關我屋企的事，他都替我處理

不想我擔心，更加不想我不開心， 難過，

又不想我晚上睡得不好

有時我真的覺得自己背負著太多太大的負擔，包袱

有時會想，這全都昰我自己的家人問題

但是。。。為何要老公為我操心，擔心，

事事都煩著他去處理， 這實在太不公平了

其實我心裡很怕。。。或許我看過很多例子，看過太多的實例，

我很怕阿榮老公離開我， 很怕他終於有天為了不想再煩我家的事

而不要我， 不理我，愛上第二個人。。。很怕

相信這樣的心情，是女人的都會明白我，感受到我的害怕

我只是一位很簡單，很普通的女子

我只求過平淡，快樂， 健康的生活，

不要榮華富貴，

我只想擁有自己的一個安穩的家。。就是這麼簡單

但有時難免會想： 上天為何要我有這麼多的煩惱，

為何不可以給我平淡的日子？

為何別人可以有好的父母， 有好的兄弟姐妹，

我偏偏就不可以

別人可以很容易有小朋友

我又偏偏不可以這麼順利

別人家裡可以和睦相處

我又是偏偏不可以。。。

太多太多的事， 令我久違了的淚水，今夜終於爆發了

擁著阿榮老公，哭過不停

我現在唯一可以做的。。就 是  盼望！

 

一個人的晚餐@香蒜肉絲意粉(內附食譜)

2009年2月19日 (星期四)

今日早上要返第二個office

通常我都會約'經理'食飯的

一返到去我就同'經理'講

lunch帶埋佢嗰份, 勁多餸啊...

後來佢知我哋兩個都係到食lucnh

咁佢就叫埋dada上藜一齊食..

點知...咁橋'蕉蕉'要嚟灣仔開會

順便上埋嚟...又點知'ivy'又無約人

打比'經理'話上埋嚟食lunch

大家都無約定....都可以一齊食飯啊...

好熱鬧!

今餐勁多餸啊...由於昨晚回老爺家吃飯,

有蝦有蟹有雞....比我通通帶哂返嚟

所以我哋全部人都中午係到食蟹...哈哈..

'蕉蕉'話: 好離譜啊...一定要影張相比'佐治'睇啊....

今晚得番我一個人食飯炸...

因為阿榮老公的好友從英國回來香港

所以佢約了幾位好友聚吓

咁得我一個人..好自由啊...

放咗工, 先去銀座的十元店幫朋友買嘢

然後我就去咗百佳到買定今晚要用的材料

今晚一於試吓整Pizza Hut的香蒜肉絲意粉

一定要唔會做到100%似Pizza Hut

但應該都有八至九成的.....嘻嘻

 

香蒜肉絲意粉

 

材料: (2人份量)

 

碎豬肉-- -1磅         蘑菇---4粒 (切片)

洋蔥---1/6個 (切粒)          急凍甘筍粒/青豆/粟米粒---適量

火腿---2塊(切絲)      幼條意粉---兩紮(2人份量)

Parsley Flakes---適量        牛油---1薄片(切半)

蒜鹽粉(Garlic Salt)---適量

 

 

醃料: 

生抽/鹽---適量

老抽---少許 (調色用)

胡椒粉---適量

生粉---少許

酒---少許

蒜鹽粉(Garlic Salt)---適量

 

 

做法: 

 

1. 將碎豬肉+醃料攪勻, 備用

(注意: 醃料分量要足夠先方可令煮整個豬肉既味道夠鹹)

 

2. 將洋蔥切粒, 蘑菇切片,甘筍粒/青豆/粟米粒解凍, 備用

 

3. 煲一煲水, 滾後, 將幼條意粉放入煲內加鹽加油煮2分鐘,

熄火蓋蓋焗8分鐘, 焗至熟, 撈起, 瀝乾備用,過冷河, 備用

 

4. 燒紅個Pan, 加入半片牛油, 加入幼條意粉,

再加入蒜鹽粉炒勻, 撈起, 鋪於碟上備用

 

5. 燒紅個Pan, 加入半片牛油, 加入碎豬肉, 煮至8成熟,

加入洋葱粒, 蘑菇片, 火腿, 甘筍粒/青豆/粟米粒兜勻,

撈起隔去煮出來的汁水

 

6. 將step5炒熟材料鋪於蒜香意粉上, 最後灑上Parsley Flakes

 

7. 放入微波爐叮兩分鐘, 完成～

 

 

 

 

大家係咪好奇怪...點解個意粉啲色好似爭啲咁的

大頭蝦蕭師奶又嚟了...

咪就係....掛住同晴晴媽傾電話

佢囉...我煮緊時, 打嚟, 話要讚吓我喎

送比佢哋的香橙雪芳蛋糕好好味, 好香,

我聽到個心更係勁勁勁開心啦..

就係咁....

攪到我唔記得落火腿絲啊......激死我啊...

後來我就將老公個份加番啲火腿絲

所以老公的中午飯盒係足材料的....

老爺生日+晴晴bb+蛋糕及鴨舌食譜

2009年2月18日(星期三)

今日無返到工, 留咗係屋企休息,

不過其實仲忙過返工啊.

今日都係睡到10點咗右,

洗衫, 洗厠所, 拖哋, 抺傢俬,

超多嘢做啊....做到十二點到,

打個電話比晴晴媽先....話比佢知我今日無返工

一間晏啲想過嚟同晴晴玩啊...

不過我要整埋鴨舌及蛋糕先.

因為今日係老爺生日啊...

而且上次整咗個鴨舌, 想整比奶奶試吓呢.

攪吓攪吓....成四點幾lu...再執埋嘢巳經係六點了,

呢個時候晴晴巳經訓緊晏覺,

無發啦...原來啲時間特別快過的...

終於都可以出門口了, 先去咗晴晴到先,

因為焗咗兩個蛋糕, 上年晴晴媽生日, 我巳經好想整個送比佢,

但因為自己唔得閒又太懶, 最終無整...今次就補番數啦...

 

過到去, 晴晴剛剛訓醒..太好了, 可以抱吓佢,

同佢玩吓, 佢太得意了, 攪到我不時要攞部相機出嚟影佢啊...

嘩...今日晴晴超多嘢講啊...成日係咁講嘢, 又好有笑容,

係咁 笑到 ka ka 聲, 勁可愛啊...

晴晴媽...唔好意思啊....而家送到你手上...希望你哋鐘意食啦...

望吓個鐘...嘩...就快7 點了, 要走了.

但係晴晴唔肯比我走啊...仲用行動加佢勁嗲的聲線唔比我走

攪到我個心都軟鬼哂呢...都唔捨得走添..

最後都係要等到佢老豆返嚟, 我先有得走啊....

 

~

終於都到咗老爺到了....開飯了...

係到祝老爺: 生日快樂, 身體健康, 財運享通, 開開心心!

今日勁多靚餸啊... 有雞, 有魚, 有菜, 有海鮮...我仲加咗餸--鴨舌

跟住仲切埋蛋糕添.....由於老爺奶奶唔多like有cream呀, 有芝士呀..

所以今日專登整個 '香橙雪芳蛋糕'

奶奶未食, 見到個樣都巳經話....一定好好味, 好香啊...

到食的時候, 依然係有讚無彈..仲話唔夠喉啊...

小食多滋味...下次再整比你哋食啦...

 

整番呢個 '八珍炆醬煮鴨舌'先,

今次煮得個色水靚好多, 而且今次影得好靚添

仲有...今次仲影埋煮的步驟

材料：

急凍鴨舌--2pack,  八珍炆羊鴨醬--4匙,  蒜蓉--三粒(切碎), 薑數片,

Parsley Flackes--適量

調味料: 喼汁--適量,  老抽--適量,  砂糖--適量,  清水--適量

做法：

1-2 煲一煲水, 加入薑片,滚後放入急凍鴨舌出一出水

3. 撈起鴨舌, 用清水過冷河及撈起鴨舌

4. 燒紅個Pan, 加油, 放入蒜蓉爆香

5-9. 加入鴨舌, 八珍炆羊鴨醬, 炒一陣後加入調味料炒至完全收乾水份

      上碟, 灑上Parsley Flackes, 完成

 

 

香橙雪芳蛋糕

想知蛋糕步驟, 請按這裡啦...

好好味嫁, 大家不妨試吓整啦...唔難整嫁...

 

尊重

 

 

常聽到朋友說: 婚後很不習慣。

但是我心想: 我和阿榮老公真的沒有太大的變化，沒有適應的問題。

與阿榮老公拍了三年拖，

我們就在這三年裡努力學習互相尊重, 體諒, 愛護的溝通方法，

接納雙方的意見，批評，經過我們的努力,

我們的喜好脾性早已一清二楚，

我們就是經過了甜, 酸, 苦, 辣，才會作出結婚的念頭 。

婚後一起生活，幸好二人都沒有壞的習慣，也沒有不可接受的習慣，

小節上有出入但不構成問題，

反而，有時會覺得彼此原來是這麼有趣的。

 

對於我來說，最大的問題，是婚後無端多了兩位「家人」-- 老爺及奶奶。

 

我覺得，我只有一個爸爸，一個媽媽；

老公的爸爸和媽媽，絶對不是我的「爸爸媽媽」，

要我稱呼另一個人「爸爸」「媽媽」，我是說不出口的。

當然，大家都是一家人了，

不過我覺得我喊「老爺」和「奶奶」比較尊重及適合。

不過有時和阿榮老公談起老爺奶奶，

我有時也會快口說了「爸爸」和「媽媽」，

這時阿榮老公會問: 是我爸媽, 還是外父外母啊!

 

阿榮老公就不同，他叫我爸媽都是叫「爸爸媽媽」的。

 

老實說，老爺和奶奶對我很好，庝如自己的女兒，

我亦十分尊重他們作為阿榮的父母，

當然要把老爺奶奶放到我的第一位，一定還有一點點的距離。

相反， 我亦相信人人都是會這樣的.

 

自己的爸爸媽媽，生我養我教我打我罵我，最少十幾二十年了。

一段婚姻難道可以複製這十幾二十年的養育教誨? 

所以，我相信每人心目中，「老爺」和「奶奶」，

最多只是阿榮老公的爸爸媽媽，

「外父」和「外母」，最多只是我的爸爸媽媽，

每個人都會把自己爸爸媽媽放在頭等的位置，永永遠遠，

我更相信沒有人可以取替各人爸爸媽媽的位置。

 

 

位置雖有點點距離，但是我亦明白到，

大家的父母都需要尊重，愛鍚。

我的處理方法是，

用'站在對方的立場看' 來對待阿榮老公的爸爸媽媽。

 

朋友常佩服我 能夠與老爺奶奶 很親近，

當然中間多少是性格的問題，但我會把自己換上阿榮老公的角度出發，

若果他們是我的父母我會如何對待呢?

我只知道也相信，每人都想自己的父母得到應有的尊重及愛鍚吧!

 

最重要是我的老爺奶奶對我還好過阿榮老公啊....

所以我又怎可能不尊重愛錫我的老爺奶奶呢?

 

還有阿榮老公愛屋及烏的態度, 待我的父母有如他自己的父母一樣,

自己感受到, 看得到, 聽得到, 我又怎能不尊重老爺奶奶啊!

 

 

若果你認為對方的父母不好相處，頂多不要說太多話，不要同住。

都請你們不要對他們不尊重啊! 畢竟他們都只是老人家/長輩呢?

  

我的媽咪沒有擔心我這方面的問題，因為我完完全全是媽咪的複製品。

慶幸自己有這樣的一位好媽媽，從媽咪身上學到做人處事的態度，

 學會尊重別人，尊重自己 ，用他人的心當作自己的心一樣的看待. 

 

當老爺奶奶是一家人，不難，難在他們是否能同樣地接納我的方式? 

當阿榮老公要娶我這位老婆時，在沒有選擇之下，

老爺奶奶只好接受這個多多意見又調皮的新抱啊!

 

最後想說，若你對別人好， 相反別人都會對你好! 

人是互動的， 別人會感受到你誠懇及尊重的態度。