2013年4月20日 星期六
自製梅子酒 (內附食譜)
2013年4月6日(星期六)
終於都有時間寫番個梅酒食譜, 好多朋友仔見到蕭C奶浸,
又想一齊玩吓, 問咗我幾次食譜做法,
但我都真係無時間寫啊..
所以最後我都一一在電話口述了給各方好友聽.
實在不好意思啊...這麼遲才出做法.
其實聽煮婦們講, 清明節起計至到五月頭前都有青梅買
未浸的朋友, 可以趁還有少許時間
試吓浸啦, 真係一啲都唔難浸嫁
參考了鬼嫁及日本的做法, 分別浸了:
一樽2L的原味梅子酒
一樽2L的黑糖梅子酒
三樽1L的完熟原味梅子酒
嘻....浸了五樽梅酒....
自製梅子酒
浸梅酒有很多方法的, 看看的用的份量吧:
2L的原味梅子酒份量如下:
這是參考了日本的方法去浸.
500g 青梅, 日本燒酎 900ml, 太古單晶糖 250g
2L的黑糖梅子酒份量如下:
這是參考了鬼嫁的方法.
600g 青梅, 日本燒酎 1200ml, 太古單晶糖 200g, 太古黑糖 133g
1L的完熟原味梅子酒份量如下:
這也是參考了鬼嫁的方法.
300g 熟梅, 日本清酒(白雪) 600ml, 太古單晶糖 166g
無論你做幾多LITRE, 做法都是一樣的. 只視乎你用咩酒.
做法:
1) 梅子沖洗乾淨, 瀝乾水份, 讓梅子自然吹至乾身, 然後用竹籤挑去梅子的蒂.
2) 再在梅子上吉小孔, 使梅液易於滲出.
3) 準備一個密封的玻璃瓶, 分別放入梅子, 糖及酒.
4) 然後用保鮮膜封密, 蓋上樽蓋. 並寫上日期, 份量.
放置在陰涼, 乾燥及陽光照射不到的地方, 偶爾將它搖晃一下,
待糖完全溶化之後, 便可讓它靜止存放, 約三個月後, 就會變成
一樽金黃通透, 清香迷人, 酸甜可口的自製梅子酒了.
我的黑糖梅酒及原味梅酒
唔知三個月後味道如何呢...
我的兩樽1L完熟梅子酒.....好鬼可愛...
日日都望吓佢, 好鬼得意嫁...
聽JACKY YU講, 話用熟梅浸的梅酒, 泡出來的酒顏色會較深, 香味會較濃.
BLOG友, 豪姐, 之前請過我哋飲佢的自家泡製梅子酒,
她就加入了一湯匙的蜂蜜, 可以令到啲酒香甜啲,
無咁重酒精味.
所以我也會將其中一樽1L的加入蜂蜜, 看看味道跟無加的味道分別如何.
請教了豪姐, 她說大約一個月後就可以加入一湯匙的蜂蜜,
加入後, 只能搖, 不可攪拌.
大家也不妨可以試試, 看看自己到最後是喜歡怎樣味道的梅子酒啊..
後記:
如果用酒精濃度較低的, 如我的1L, 用白雪的清酒, 最好係一年左右就要飲了.
相對地, 用燒酎的, 因為濃度較高, 所以就可以浸多一年半啦.
但如果你係用酒精濃度30度以上的米酒, 因為高濃度酒精更誘發果實的芳香味道.
所以也可以選用: 用冰燒, 雙蒸, 廣西米酒, 九江米酒等等...用上這些酒,
大約可以浸上兩年吧...(其實我自己估嫁咋...WAKAKA)
訂閱:
張貼留言 (Atom)
我今年都用清酒浸咗一樽,上年用Riesline但未開封未知好唔好味。
回覆刪除[版主回覆07/06/2013 09:24:17]好緊張嫁...我都係第一次整, 唔知收成結果係咩味呢...嘻
想問你支白雪清酒邊度有得買呀 ??
回覆刪除[版主回覆07/06/2013 09:25:39]HIHI, MAMEI, 我去咗旅行, 剛回來, 不好意思, 這麼遲才覆你啊..
白雪清酒, 好多地方都有買, 例如, CC SUPER, JUSCO, 百佳, 惠康都有嫁..你去搵吓. 好多嫁.