【深夜食堂煮婦同樂會第44話】金平牛蒡

【深夜食堂煮婦同樂會第44話】金平牛蒡


笑話一則.....本來今期深夜食堂的題目是： 金平牛蒡！

但因為少爺看錯了鮮淮山為牛蒡，當時我又不以為意，便買了回來。

當清洗刨絲時，我就知道買錯了, 但不緊要吖，照煮，
不过現在不是“金平牛蒡”，而是“金平鮮淮山”啊!
真的笑C人...




唔理了...都照交功課先, 而且...又幾好味喎!
我都一向有煮開鮮淮山的, 亂衝亂撞, 由牛蒡變咗鮮淮山
又多咗一個餸. 

講起金平牛蒡, 為何叫'金平'呢??? 我便上網SEARCH一吓,
找到了MASA老師的BLOG, 剛巧他也有金平牛蒡的食譜,
內裡有提及金平牛蒡的由來.

原來很久以前(江戸時代)的故事裡面 有人叫[坂田金平] 它是很強.
牛蒡的口感也是很強(硬) 所以用它的名字,,,就這樣...
(這是從MASA老師裡簡單解釋裡知道的)

今次因為煮呢個時, 真係無手影相, 所以煮的過程,
完全沒有拍低. 
不過我會找天買回牛蒡, 再重新煮一次的.
到時才真正拍回製作過程吧!


材料:

鮮淮山    1條 (細幼的, 我買咗6元)

紅蘿蔔    半條

辣椒仔    1小隻

芝麻     適量

調味汁:
日本濃醬油, 味醂, 糖, 酒, 芝麻油

做法:

1) 先將鮮淮山的泥洗去, 再刨皮, 刨絲, 浸在水中, 備用.
臨炒時瀝乾水份.

2)  紅蘿蔔洗淨, 去皮, 刨絲, 備用.  辣椒仔切絲, 去籽, 備用.

3)  燒熱鍋加入油, 先放辣椒絲爆香, 之後放入鮮淮山炒一會,
跟手加入紅蘿蔔絲炒, 炒至軟身, 加入調味汁, 炒勻.

4)  試味, 自行調整味道, 關火, 上碟, 灑上芝麻裝飾.  享用.


**  將准山改回牛蒡就變回金平牛蒡了. 
而我覺得, 這個菜式還有很多變化, 你也可以牛蒡及淮山同時
一起也可, 再加鮮冬菇, 金菇, 等等也可以.

千變萬化, 都係果句,  自己創作啦...