團年飯@財神到

  

 

 

2009年1月24日(星期六)

 

今日係年廿九, 今晚返媽咪屋企食團年飯.

今日阿榮好可憐啊....要返工呢...

我就係屋企到訓覺了, 一訓又係訓到阿榮老公放工返嚟,

都巳經係下午的三點三了....超爽啊.

起床後, 阿榮老公仲煎咗蘿蔔糕比我食添,

阿榮老公煎得仲好食過我呀....以後都要老公負責煎...哈哈.

食完嘢, 執吓屋企,洗咗幾機衫了....

超忙囉...而且仲掛到成間屋都係衫呀.....

明天起床, 要開'穿梭機'嚟幫吓手先...

咩係'穿梭機', 下回分解....都打算介紹給大家認識.

因為實在好用嫲....

大家等吓我啦...因為我都想影番幾張相後,

才post比你哋睇. ok.

 

好了, 又夠時間出門返媽咪到了,

今晚有咩靚餸呢..

五餸一湯, 白飯任裝囉....

有舅母爸爸自己養的走地雞, 肉質真係同香港的差好遠,

自己養的真係好食好多, 新鮮有雞的鮮味, 大家都恨唔到嫁了.

第二係生菜鮑汁扣鮑片

中間的係梅菜蒸銀雪魚

冬菇蠔屎發菜炆豬肉

蒜蓉粉絲蒸象拔蚌仔

仲有就係花膠螺頭栗子煲豬骨湯

 

食完飯, 我就嚷著要打麻雀,

因為好耐無打了, 橫掂今日齊人有腳,

又可以增進感情, 咪想打囉...

點知...我係財神嚟嫁...

係咁派錢囉....唔緊要的, 最緊要一家人開心就得了,

一家人無計啦....

打咗四圈, 都巳經晚上十一點幾了,

派完錢, 我就同阿榮老公返屋企lu.....

今晚好開心, 因為我哋一家人好耐都無一齊咁開心

一齊笑一齊玩....

 

祝媽咪: 身體健康, 開開心心!