八方雲集·美味餃子

 

2009年8月14日（星期五）

 

是日蕭C奶放了urgent leave 在家休息

沒有踏出家門半步

好好準備明天出發去澳門, 食, 玩, 住

但想到今晚晚飯？？？

嘻嘻。。蕭C奶懶呀。。唔想煮唔想郁

咁食咩好呢？？？

諗吓諗吓。。記起好友‘叻叻’在BLOG介紹

過一間食餃子的，

叫做 ‘八方雲集’

一直都好想食， 但未有機會

有日同少爺行過元朗

OH。。。GOOD。。開分店喎。。正呀

近呀。。。好一於今晚去試

 

八方雲集除了有餃子食， 仲有麵食嫁

蕭C奶一直都未嚟過,就介紹咗比同事COEY嚟幫襯

多謝COEY信任蕭C奶, 我未試, 佢都巳經同咗老公嚟

仲話比蕭C奶知, 真係好食, 無介紹錯比佢,

COEY仲話佢個麵線都好好食, 叫蕭C奶要試喎.

 

睇吓..呢到有啲SET, 有鍋貼及水餃餐

由於一個SET裡太多餃了, 而蕭少爺又好想試食多幾款

所以我哋決定唔跟餐, 散叫

散叫每款鍋貼及水餃, 每款至少叫5隻

每隻都係2蚊

 

蕭C奶點了一碗細 '大腸麵線'

COEY果然無介紹錯呀

真係好食, 個麵線好鬼滑, 味道剛好

當然料再多啲仲正啦..嘻嘻..

 

蕭少爺點了一碗 '酸辣湯麵'

個碗好鬼屎大嫁, 不過咁..佢又真係好夠份量

但係呢個唔好食, 唔係難食呀...吓..聽清楚

只係少爺及蕭C奶都覺得唔夠酸辣味, 稍為失色

少爺話我的麵線好食好多..

所以你哋識擇啦.

 

先嚟一杯凍豆漿先...

都幾好飲, 有豆味, 又唔太甜

 

韓國泡菜水餃

之前'叻叻' 介紹過呢款餃子好好食

而且都幾特別...用泡菜喎..好似未曾見過..

點了五隻

 

睇吓..入面好多泡菜呀..辣辣哋, 好味呀

而且有夠多汁..我最鐘意..

 

 '招牌鍋貼'

佢有招牌鍋貼或招牌水餃,

所謂 '招牌' 即係有咩饀呢???

原來內裡有椰菜及豬肉

好鬼得意嫁喎...八方雲集的鍋貼上碟

係用底部為面嚟上碟嫁喎

而且仲係長形,好特別呢

 

蕭C奶將佢反番轉個正面比你地睇吓

都好靚仔嫁...嘻嘻

又係點咗五隻

鍋貼都好好食喎, 不過蕭C奶覺得個所謂

招牌呢款就一般啦...

但個皮好好味囉...

 

韭菜水餃

韭菜係蕭少爺及蕭C奶的最愛, 

一定要食啦...少爺一啖食落去...

即刻話: 正呀, 好香韭菜味呀...好食

 

睇吓..好多料又多汁...真係真材實料,

仲有個皮真係好食,

又唔太軟又唔太硬, 質哋剛好

合我口味...

 

 

'黃金咖喱鍋貼'

食到最後...好似都未夠喉咁

見大家個肚仔都仲有位喎...嘻嘻

見到餐牌有咖喱鍋貼或水餃

又覺得好特別, 好想試

 

例行工事要咗5隻...

 

影得唔係好靚好清楚, 請見諒

但係蕭C奶好想講...好味呀...多汁, 夠咖喱味

配埋個鍋貼皮...好正囉...

 

好味過招牌鍋貼, 值得一試

  

鋪頭的環境...其實一般,

因為好細間, 得幾張枱嫁咋..

而且仲比較迫添

所以下次可能買番屋企食都唔定呢!

 

 

 

諗住影個門面比大家睇...

哈哈...蕭少爺突然走咗出嚟

做咗路人甲

 

 每次都有好多人係出面幫襯

仲有好多人排隊等位添....

 

 

八方雲集有好多間分店嫁

大家不妨上OPENRICE到搵分店地址啦

我就知道旺角潮流特區斜對面有一間

旺角金魚街都有一間, 佐敦都有

元朗的係輕鐵大棠站對面

總之自己搵啦....

記得有機會試吓呀....OK.