近又吉列黑豚肉專門店@朗豪坊

 

2009年8月18日(星期二)

 

買完netbook之後

我哋就諗住去朗豪坊到試吓

由吳彥祖開的Monster Sushi

但係太多人了

要攞飛等位

但係因為少爺同我都好攰

唔想等, 咁我哋又唔係話好肚餓

咁我話不如算lu, 返屋企啦

當走的時候, 去到下一層

見到呢間個名好似好特別

'近又吉列黑豚肉專門店'

走埋去個鋪頭前,

照攞飛, 無蝕抵嘛

跟住我哋係門口到睇吓個menu先

見啲嘢幾靚咁喎, 平均個餐都係百幾蚊

都試得過, 咁我問少爺試唔試呀

而且呢間等的號碼近啲

咁少爺就話好啦, 試吓

睇吓我哋食咩:

餐牌入面有好多款的餐

好多款比大家擇, 擇到我同少爺都諗咗好耐

佢最主要當然係吉列黑豚肉

但係佢其實仲有刺身及其他小食

一大堆朋友嚟都幾好嫁

最後蕭c奶決定要了兩款'盛合'

一款為: 吉列黑豚+廣島蠔定食

另一款為: 吉列黑豚柳+北海道蝦定食

咁樣我哋就可以品嚐到兩款唔同黑豚肉的部位

而且仲可以有蠔及蝦呢

係每個位到, 每人都有一碟芝麻咁的嘢

仲有個磨蓉工具比你

作用就係自己磨碎啲芝麻

少爺好努力咁磨呀磨呀

磨完之後, 就加入最左邊的醬汁撈勻

呢個醬係用嚟點啲黑豚肉食的

介紹吓以的三款醬汁

左起: 用嚟加入巳磨的芝麻, 用嚟點黑豚肉食

極力推介以下兩款醋汁

中間: 青瓜醋,  右: 蘋果醋

兩款都是用作點沙律菜食的, 好味到不得了

因為有HSBC信用咭, 可以免費送一碟

天婦羅南瓜

好好味, 佢哋的炸法好鬆好脆,

而且無平時食嗰天婦羅咁個面頭咁厚的天婦羅粉

真係炸得好好...食完呢塊炸南瓜

真係好期待一間的食物呀...

等咗一陣....送嚟了...先嚟

吉列黑豚+廣島蠔定食

定食有一碗湯, 日本米飯, 凍豆腐,

一件有六塊的吉列黑豚及兩隻吉列廣島蠔

仲有可以任加的沙律菜一大堆

仲有個他他汁比你點蠔嚟食

近鏡睇吓吉列黑豚及廣島蠔

yummy yummy呀...

呢個小食凍豆腐, 好滑, 仲配咗個汁好好味

真係嫌佢細件囉...

隻蠔真係幾鮮甜嫁, 而且佢面頭嗰啲天婦羅粉,

真係好好食, 平時唔愛炸嘢的蕭c奶都覺得真係好味

真係好鬆好脆, 食落唔覺得有好肥膩的感覺

跟住到..送嚟了

吉列黑豚柳+北海道蝦定食

同樣有一碗湯, 日本米飯, 凍豆腐,

一件有六塊的吉列黑豚柳及兩隻吉列北海道蝦

仲有可以任加的沙律菜一大堆

仲有個他他汁比你點蝦嚟食

睇落去好似個份量少過上面的黑豚及廣島蠔定食

但係其實唔係, 只不過黑豚就比較薄身

而呢個黑豚柳係比較厚身, 所以佢就得切開四件左右

品嚐了兩款黑豚肉, 蕭c奶就比較喜歡薄身的黑豚

而呢個黑豚柳的肉質比較實同埋有一陣真係豬的味

蕭C奶覺得麻麻囉....

嗯....好滿足呀...

可能因為少爺同我今晚真係不太餓

所以真係個日本米飯就食唔哂

反而個沙律菜勁好食

因為個青瓜醋同蘋果醋真係好好味

酸酸甜甜咁, 好好胃口

食完, 蕭C奶仲問個待應

啲醋係咪師父自己整的

佢話係師父自己調較的

蕭C奶仲八卦有無得買

可惜...係無得買的...OH....可能蕭C奶第日幫襯

唔係因為啲黑豚肉而係因為啲醋呀...嘻

 

唔打唔撞幫襯咗呢個食店

覺得唔錯, 而且服務及環境都好好

值得推介比各位朋友仔呀...

地點: 旺角朗豪坊L11