2009年8月1日及2日
星期六及日
嘩....唔駛返工的日子
真係好幸福啊...嘻嘻...
今日瞓得唔錯, 起身
梳洗後, 便開始打掃屋企了
洗衫, 晾衫, 掃地, 拖地, 洗埋床單, 仲洗埋浴室...
都忍咗好耐嫁了, 平時懶囉....
而星期日就少爺洗埋啲地毯及風扇
真係大掃除咁啊....
嘩...終於都睇哂套日劇 --- boss
好好睇, 又緊張, 又搞笑
而家開始睇木村的mr brain
不過第一集, 我覺得有啲悶悶地,
因為要睇好多字呀....
睇到對眼好攰...
早前係十元店買了一盒
北海道芝士忌廉磚
好早就想買嚟試吓嫁了
終於都忍唔住買咗了
北海道芝士忌廉意粉
好味呀, 又平喎, 下次都會再買定放係屋企,
除時煮嚟食都得...
材料: 北海道忌廉磚 一盒
意粉, 牛奶 250ml, 乾蔥
紅蘿蔔, 薯仔, 洋蔥, 雞扒 切件, 備用
蘑菇 (今次無用)
做法:
(1) 意粉煲好, 過冷河, 備用
(2) 雞扒切件後, 用蒜鹽, 薑汁, 黑胡椒, 麻油, 日本酒, 糖醃十五分鐘
(3) 用一個深煲, 開火, 先加入少許橄欖油, 加入乾蔥爆一會
(4) 加入洋蔥炒一會, 加入紅蘿蔔, 薯仔炒
(5) 最後加入雞扒炒一會, 然後加入水, 蓋過材料, 煲滾後, 關小火
(6) 煮15分鐘, 試一試紅蘿蔔淋未, 如果淋了, 關火, 就可以加入
芝士忌廉磚, 自己決定加幾多塊磚, 我加咗三塊
(7) 攪勻佢, 然後再開中小火, 微滾後, 加入250ml牛奶, 攪勻, 即成.
味道自己調較, 個人的咸淡味不同, ok.
沒有留言:
張貼留言