蕭C奶今次好勁呀...
兩日內換了一套
可口可樂經典弧形玻璃杯
哈哈....
好興奮呀, 好鬼屎開心呀..
套杯好靚呀...
有朋友仔話只會換一至兩隻
其實蕭C奶好串串咁講囉
不如唔好換啦...呵呵...
(千萬唔好嬲我咁串咀啊....都係講吓笑啫)
因為真係嘥鬼咗佢哋啊..
一套靚好多呀....
今日終於都有時間同套杯影吓相lu
真係疾鬼咗線呀...
影咗勁多張呀.....
我自己都服咗我自己呀...
又唔係影得靚喎...kakakakaka
可口可樂經典弧形玻璃杯
好鐘意呢張...剛有陽光射入.....
突然間好想開party呀...
因為可以用呀....好靚啊...
好鐘意呀....
真係好勁,2日食6個餐,榮少頂左幾多餐呢? 為左慶祝你換齊一套就開個party啦 !
回覆刪除[版主回覆08/05/2009 10:22:00]有三個係我自己食的, 照比錢加大,不過就唔要汽水,薯條唔要, 雞翼去皮, 咁咪唔肥囉, 又唔會浪費食物,明知自己食唔哂及唔需要食. 我都係自在要隻杯啫.
榮少分咗一餐為夜及LUNCH, 淨番一餐, 就 蕭大哥攪掂咗.
其實真係好容易換嫁咋..因為得6隻,好過果時換啲公仔, 咪仲大鑊. 總之自己唔好咁貪心, 唔食的就唔好要, 咪OK囉.
嘩....真係快手呀!!
回覆刪除[版主回覆08/05/2009 19:48:00]嘻嘻.....呢次我真係快手咗啲....
勁喎, 我仲未換到紫色同灰色阿.....!
回覆刪除[版主回覆08/05/2009 19:48:00]快啲換快啲換....努力
我都兩日搞掂左 , 哈哈...搞笑呀你串串貢(不過大家咁話,呵呵)。
回覆刪除不過, 換晒d杯o個晚, 我同媽咪真係講返起以下既恐怖經歷呀...
事關換Snoppy o個時我仲讀緊中學, 有日Lunch o個時我同d同學仔一齊去食老麥, 見到好多"大人"...一個人買成5-6個餐, 剩係要公仔, 然後將d包呀, 薯條呀, 汽水呀...全部掉晒落垃圾筒囉。
仲記得...放學返到屋企, 我媽咪問我想唔想要老麥既Snoppy, 我立即"洒手擰頭"話唔要呀, 心諗真係唔想咁浪費食物 (100隻=100個餐喎)。
就係呢隻可樂杯, 先令我記返起, 兼話返俾媽咪知當年點解唔想要Snoppy...
我覺得捐100個餐比unicef既小朋友, 好過掉左佢浪費左佢 。
髀髀好野呀 我都覺得"唔食的就唔好要"呢個做法好好呀
[版主回覆08/09/2009 10:55:00]嘩...當年咁恐怖...嘩..啲人真係....好過份呀....如果而家比我見到...我一定走埋佢見議佢, 橫掂你都自在要個公仔, 啲食物你真係唔要唔食, 咁就不如比番老麥啦....
所以明知自己都唔飲drink又唔食photo clip, 咪費鬼是要lu..
呢個做法真係好好嫁....