2009年8月16日(星期日)
澳門合家歡之旅DAY 2 @ 午餐·海灣
及參觀媽閣廟--- 媽閣
大家都到瞓到早上十點半左右
梳洗後, 執拾好行李
CHECK OUT兼寄存行李後
就出發去媽閣享用葡國菜
今次想試一間叫船屋的
但係因為無BOOK到
而船屋的服務態度勁差
蕭C奶不想再多說
總之我就唔會幫襯船屋
因為雖然我哋無BOOK, 但都可以有禮貌咁招呼或打發我哋走
但係因為佢哋真係好差
當我哋好似乞丐咁
最後激到蕭C奶拉哂全家人走
決定去 '海灣' 到食
我哋一樣無BOOK枱, 人哋咪又好有禮貌咁招呼我哋
亦唔會比面色我哋睇囉
最後因為無BOOK, 但係佢哋都有比枱我哋添
而且啲待應仲好好服務態度兼好好笑容
做嘢又快又好好介紹我哋食咩添
都無受到不必要的乞丐態度囉
值得去, 而且仲好好食添..
蕭C奶一向購物或飲食
除咗講求質素之外
亦都要講求服務態度
就算明知貴啲, 但係有好的服務態度
蕭C奶絕對係甘心比
亦都比得好樂意及開心囉
就算第二間勁平又點
服務態度差
NO WAY 了, 一定唔會比錢佢賺
仲好呀, 嚟海灣, 因為入面的裝修仲靚過嗰間船屋
又大間, 啲位仲濶落, 好彩無去船屋
真係好耐無同侄仔食飯LU...好開心呀
同佢兩母子影張先
當然唔少得同少爺影啦
待應先送來了一籃美味的麵包, 好大個, 媽咪話好好味
最後連阿嫂都要加錢再要多一個包
焗葡式鴨飯
每次嚟到澳門, 必定要食呢個焗鴨飯, 其實悶唔悶呢,
都話悶唔悶的, 反正係香港真係無食過, 又唔會叫,
可能講緊一年食一次, 所以一定要食佢
咁講真焗得真係好鬼屎香又夠味喎, 仲好多鴨肉絲係飯內
好味呀, 連侄仔都係咁食食食...
咖喱炒蟹
炒得真係好好食, 個汁勁正呀, 連阿哥都話好食
貴就貴啲, 不過最緊要大家食得開心
不過如果再大隻啲, 多啲肉仲好食呀
西蘭花
因為媽咪蟹及鴨唔食得, 所以一定要叫菜比媽咪
燒沙甸魚
每次嚟到澳門, 蕭C奶都必定要食沙甸魚,
唔知呢, 總係覺得佢哋燒得令四好食嫁喎
燒豬仔骨配沙律
次次都好想食, 不過成日得兩個人,都叫唔到咁多,
今次有埋屋企人, 終於可以叫
但係我哋覺得乾咗啲啲,如果再JUICY啲就完美了
影吓屋企人啲食樣先。。嘻
嘩。。。少爺食到啜手指添呀。。。
食飽飽了,要走了。。個天好靚呀
係餐廳到行去媽閣廟到幾分鐘就到, 因為其實係隔離,
所以順道帶媽咪佢哋行個圍,係咁易參觀吓
真係好熱呀!!!不過都要影相留念。。。哈
一場嚟到, 媽咪同阿哥都話要入廟參拜
蕭C奶又唔放過影相機會了
呢位阿叔呢,係本書仔到都有影到佢,
而家係澳門好少有呢啲買雪糕車仔了
咁我哋咪又幫襯吓囉。。
嘩。。阿叔發達啦,好鬼細個雪糕球及雪糕筒
要成7蚊一支呀。。。鬼屎咁多旅客買
仲唔發屎佢呀。。
睇吓幾細筒,侄仔一口就食哂個雪糕球
少爺仲勁,雪糕球無咗仲食咗少少筒添呀
下一站我哋要去澳門旅遊觀光塔
下篇見。。。
澳門之旅其他網誌如下:
day 1@大三巴
http://hk.myblog.yahoo.com/jobechan0911/article?mid=7778
澳門博物館及大炮台
http://hk.myblog.yahoo.com/jobechan0911/article?mid=7784
DAY 1·中午飲食篇
http://hk.myblog.yahoo.com/jobechan0911/article?mid=7807
DAY 1 @威尼斯人酒店
http://hk.myblog.yahoo.com/jobechan0911/article?mid=7810
day 1@關閘--晚飯
http://hk.myblog.yahoo.com/jobechan0911/article?mid=7821
DAY 2 @ 午餐·海灣及參觀媽閣廟--- 媽閣
http://hk.myblog.yahoo.com/jobechan0911/article?mid=7822
澳門合家歡之旅DAY 2·澳門旅遊觀光塔--Part I
http://hk.myblog.yahoo.com/jobechan0911/article?mid=7831
澳門合家歡之旅DAY 2·澳門旅遊觀光塔--Part II
http://hk.myblog.yahoo.com/jobechan0911/article?mid=7846
澳門後之晚餐@有骨氣火鍋專門店
http://hk.myblog.yahoo.com/jobechan0911/article?mid=7847
澳門合家歡之旅@華都酒店--房間I
http://hk.myblog.yahoo.com/jobechan0911/article?mid=7823
澳門合家歡之旅@華都酒店--房間II
http://hk.myblog.yahoo.com/jobechan0911/article?mid=7854
我睇完第一張相,"嚟"咗條頸喎,少奶,係咪可以休息唔使斬柴先?
回覆刪除阿伯雪糕我都試過,麻麻地
[版主回覆08/20/2009 19:08:00]係呀, 麻麻哋嫁咋, 無咩好食..
係架,船屋殘好多架!
回覆刪除[版主回覆08/22/2009 22:47:00]係囉...都唔靚的. 靚唔靚都唔緊要, 對於我嚟講最緊要係食物質素同服務態度.