藍莓muffin@不好吃食譜 II

 

因為早幾日整咗一啲唔好食的藍莓muffin

蕭C奶呢幾日都唔憤氣啊..

真係好想整到美味的藍莓muffin

繼上次 麻麻哋的藍莓muffin 事件後

亦都 post咗 有關的食譜, 請看:

藍莓mufin@不好吃食譜 I

http://hk.myblog.yahoo.com/jobechan0911/article?mid=6899&prev=6885&next=6859

星期日蕭C奶見有時間

就係咁上網及睇烹飪書搵藍莓muffin的食譜

好了, 係屋企的烹飪書裡搵到個藍莓muffin食譜啦

滿心觀喜, 即刻開工試做...

oh no......又係唔好食的...點解....

咩藍莓muffin咁難整嫁咩....無奶油 (理由)嫁...

唔.....點都好...都整咗啦...

少爺試食...話ok啦....都唔係咁差啫...

嗯....都係嗰句啦...蕭C奶有要求呀....

 

 

你哋睇吓了...嗰樣邊到似藍莓muffin啫...

成個紙包蛋糕咁....如果攞去買呀...一定無人買啦...

嗰樣係靚過上之麻麻哋藍莓, 但係咪又係唔合格....又一失敗之作

好失望呀....

唉....啲藍莓係哂底部...食時藍莓有藍莓的,

鬆餅有鬆餅的...同分開無分別囉...

仲有...其實個餅一啲都唔鬆呀....似蛋糕多啲囉...

嗰質感又係超差勁

總之就唔係muffin的質地啦....似蛋糕多啲囉...

食譜來自cake 1 cake - 焗得話咁易

 

材料:

無鹽奶油 50g,糖 50g, 蛋黃 50克 (大約大蛋一隻), 低筋麵粉 100g   泡打粉 3g, 鹽 適量, 牛奶 60g , 藍莓 適量   步驟:        (1) 將麵粉和泡打粉混合篩勻 (2) 將牛油與糖混合打至溶解; 蛋液分三次加入,        打至完全混合. (3) 加入一半牛奶及一半粉類材料打勻. (4) 再加入餘下的牛奶及粉類材料打勻, 加入鹽. (5) 用湯匙將材料放入鬆餅紙模.  最後加入藍莓(用其他鬆餅模亦可) (6) 放入已預熱之170度焗爐, 焗23-25分鐘即可.

其實呢個食譜同第一嗰個材料係一樣

只係無咗肉桂粉..

但都係唔好食, 而且係唔合格

因為個餅底質感, 真係唔鬆, 極其量只可以話係似蛋糕啫

我食過出面的藍莓muffin, 真係好好食嫁...

就好似蕭C奶跟餅神小姐的香蕉食譜咁

真係好好味嫁嘛...真係好鬆嫁嘛

蕭C奶係唔會放棄嫁....會再整過的