甜椒蕃茄湯
呢款湯好好飲嫁, 佢唔係好水咁的,
係有啲嘢食咁囉...酸酸哋係熱天嚟飲用,
都幾開胃, 不過因為佢都杰杰地,
所以飲完都飽飽哋嫁....
我係做的過程當中, 覺得佢可以用嚟做意粉醬都得喎...
等我下次試吓整完配意粉食先....
遲啲話比大家知, 正唔正?
材料 : 蒜蓉+乾蔥碎適量, 1個細洋蔥切粒
3個大甜椒切粒, 1個蕃茄切粒, 1罐雞湯(大約420ml)
1/2 Cup 忌廉 (可用全脂牛奶取代)
做法:
首先用牛油爆香蒜頭+乾蔥+洋蔥粒
炒勻
然後再加紅椒粒 (我留了小部份作裝飾) 還有加蕃茄
5分鐘後可以加1罐雞湯 然後中火煮30分鐘
30分鐘後關火..把湯待涼
把所有湯+料用blender打成蓉做成 puree
然後慢慢加入忌廉/鮮奶
(湯要冷卻後才加奶類否則會起粒粒)
(如果想個湯多D料..可以在這個時候加多少少紅椒粒)
最後再用中火煲大約30分鐘 煲到杰身
然後加適量鹽/黑胡椒調味
(我加了生粉水 因為想佢再thick D)
完成.....
*** 其實做到未打蓉前, 我試吓裝咗少少嚟飲,
都好好飲呀....好似羅宋湯咁嫁....所以呢個湯有好多變化,
咁就要動動你哋的腦筋了.
蕭C奶諗到幾個用法....等有時間慢慢試先...
我鍾意紅汁多過白汁,呢款湯應該合我心水。
回覆刪除[版主回覆07/07/2009 22:44:00]咁就搵日試 吓囉...