白酒煮蜆意粉 (內附食譜)

 

白酒煮蜆意粉

今次用咗呢隻BUCATINI的意粉

因為中間係空心的, 咁啲汁就可以索哂入去啦..

首先煲定啲意粉先

睇吓...係空心嫁...

材料:

牛油 蒜蓉 乾蔥碎 洋蔥粒 蕃茄粒
         雞湯1罐 白酒(大約120ml)  whipped cream/milk (120ml)

其實白酒煮青口同埋白酒煮蜆做法一樣的

1>買左佢地返屋企都係要洗擦乾淨個外殼
2>然後浸養佢地一段時間，等佢地自行清濾體內的污物 (例如沙石)
3>有D貝殼類要清理內臟添架
聽說要加D鹽落D水度先可以刺激D蜆  令佢地吐沙

做法:

先整白酒煮蜆然後炒意粉

 

(1) 首先用牛油爆香, 蒜蓉 乾蔥碎 洋蔥粒
然後加1罐雞湯落去煲滾  可以加香草

(2) 然後加入處理過的蜆及適量白酒
                  (先用滾水拖1拖D蜆 當有少少開口就拎起)
              (白酒方面買最平的就可以了．．份量我沒有真正去量)
     (落太多會太酸, 怕酒味可以減白酒份量不過要加少少檸檬汁)
然後蓋上蓋子焗下D蜆  等酒精揮發

(3) 確保酒精大量揮發之後 (味道無咁酸)
   轉細火後．．快速加入忌廉/牛奶
                  (份量其實我無真正去量呢．．加到個汁白白地就可以)
      最後可以加入蕃茄粒同埋黑胡椒

10分鐘左右就做好

白酒煮蜆就係咁樣煮架喇 

可以跟蒜蓉包食或者配上意粉

炒意粉

(1) 先用牛油爆香 蒜蓉 乾蔥碎 洋蔥粒
(2)然後加入意粉炒  最後加之前做起的白酒煮蜆煮到個汁杰杰地

加左Parsley同埋蕃茄, 完成 

 

蕭C奶最後加咗啲生粉水

所以個汁就會杰杰哋了....

想杰啲就加生粉水

想濕濕哋就唔駛加了

總之你哋自己自由調較啦!