驚喜飯局@鴻星

 

2009年7月23日(星期四)

 

終於都可以返地方院的office

兩個星期無見呢邊的同事啊....

今日lunch為同事stpehanie 及adam兄慶祝

生日飯局....

嗯...不過呢間餐廳差咗, 唔係幾好食,

仲要成九十幾一個set

下次又唔去lu....

中午食完, 今晚又食

蕭C奶今日破咗戒呀....

不過蕭C奶都有自律

中午只係食咗好少啫

分哂比其他同事...嘻嘻

話說ying, winnie及gigi早幾日係到好頭痛緊啲嘢

咪問咩事囉????

屎人頭阿ying呢, 就話, 你唔去嫁, 唔好問啦...係都唔講,

我話, 你講咗咩事先啦....

咁gigi就話佢地三個約食翅, 欠一個人,

搵嚟搵去都搵唔到人去, 攪到佢三條友仔企咗係到喎.

原來佢哋約食翅....三訣一喎

咁蕭C奶即刻話, 咁呀, 我去啦....

蕭C奶一講咗話去, 佢哋兩條友仔即刻好快好大聲講:

你去?????你係咪真嫁....

蕭C奶答: 係呀.

ying 及gigi 就話: 真嫁....嘩....好驚呀....

兩條友仔互相對望, 又互相一齊講: 好驚呀! (跟住狂笑)

蕭C奶回答: 驚咩啫???

ying 及gigi: 你一向都唔出夜晚飯局嫁嘛......仲唔驚呀, 你話去,

仲衰到佢兩個話: 都唔知會唔會到時放飛機添呀!!

蕭C奶答: 梗係唔會啦, 話明三訣一, 我唔會咁衰女的....

跟住winnie, 咁橋過嚟, 佢兩條友仔呢...即刻話我去,

連winnie都驚咗一吓...話, 你真係去.....嘻嘻

都係的...蕭C奶平日太心歸了....少咗好多時間同啲朋友同事出去

好睇吓我哋的翅餐先...

原來最近鴻星出咗好多套餐

原盅雞燉鳯尾鮑翅

都ok的, 清清哋....塊翅都幾爽口及厚的

百花炸釀松葉蟹拑

 

呢個蟹拑真係好食呀, 炸到剛好, 而且配埋鮮果沙律, 好味啊

肉質都好彈, 真係好想食多件添...

蟹粉小籠包

唔夠熱, 好食就未至於, ok啦.

呢個個餐唔包嫁, 係我哋另外order的

原隻鮑魚花菇翡翠

隻鮑魚仔都幾好食, 當然細咗啲啦,

而花菇就肉身好厚, 好味呀

京醬爆雪花蚌

好辣好辣,但都唔錯, 雪花蚌好味呀, 爽口呀嘛

脆皮黃油雞

隻雞就真係嘛嘛哋lu...個皮都唔脆的, 雖然我唔食啫,

但係個肉質都唔好, 一定係冰鮮雞...

雞精的蕭C奶都係鐘意食新鮮雞多啲

蝦子烤燴伊面

碟面好似無咩咁, 但係食落好好味嫁,

因為好淡口, 而且個面好爽, 唔油, 好食

精美甜品

柑棷撻----佢哋三個有食, 無咩特別評語

而我睇到都覺得唔好食, 可能因為本人一向不太愛吃甜品吧

還有蕭C奶不愛的紫米露---分了給大家....

總括嚟講, 都係個蟹拑係最最最好食囉...

每位百零蚊, 食晚飯, 都ok的

其實都好多嘢食, 都算係抵食

 

嚇親ying, winnie及gigi....

唔好意思呀...呵呵...

盡量多啲抽時間同你哋出去食飯啦

不過唔知記時了.