熱切期待的 海鮮BBQ + Birthday Party (上集)

2009年7月26日(星期日)

 

熱切期待的 海鮮BBQ + Birthday Party

終於都到了...

呢個party係成個月前約定

除咗各位朋友各有各忙之外

而生日之星--Gavin先生因為最近考上警察

未知更表如何....所以一大早確定日子先

好開心真係好開心

齊人了...其實要講齊的話...

都仲爭咗幾位嫁....

但係大部份都嚟到, 真係好開心

因為我哋真係好耐好耐無見了....朋友們...

蕭C奶其實好miss你哋啊.....

 

今次bbq party好開心可以係

朋友仔luk ling的新村屋到舉行

三樓連天台...好正呀....最鐘意係朋友的天台到燒

因為方便好多呀嘛....

而且蕭C奶最愛自家醃製bbq食物

又乾淨又好味又新..仲有最緊要係便宜呀嘛

  

今次蕭C奶一早約好咗luk ling及冰冰

分工合作....

luk ling負責---叫婆婆醃定乳鴿, 佢自己醃定豬頸肉,

仲有買定啲飲品及煲咗涼茶及腐竹雞蛋糖水

冰冰負責生日牌及當天幫手買嘢

蕭C奶負責 ---醃雞翼, 豬扒, 雞扒, 羊扒, 牛肉串燒,

焗麵包, 生日蛋糕, 調味材料等等...

  

三點半我哋三人先去新墟街市買海鮮...

超正呀, 好新鮮, 又便宜, 見到巳經想即刻食了...哈哈...

買吓買吓...都成五點幾..係時候要坐的士返去了...

因為仲有好多工夫要做呀...

返到luk ling屋企, 入到廚房,

三個都分工合作, 一齊快手快腳

洗呀, 切呀, 串呀, 撈呀...做呀....

等到七點......bbq開始了....

 

三個人係到攪攪震....準備吓, 洗吓, 切呀, 串呀...

蕭C奶一早係屋企切定啲調味料, 放係盒仔到

嚟到luk ling屋企, 先慢慢調較啲調味枓, 用嚟一間bbq時

用嚟燒海鮮用嫁...

嘩...睇吓我哋今晚有咩食先:

有煙肉腸仔卷, 彩椒牛肋條粒串, 雜錦丸類

鮮鮑魚, 扇貝, 無沙大蜆

自製麥包, 鮮大蝦, 粟米

仲有: 黑椒香草雞中翼, 蒜茸雞中翼,

蒜茸豬扒, 雞扒, 乳鴿, 豬頸肉

生命麵包, 蕃薯啊...

未

未開餐前, 各日都在天台到幫手

或者傾吓講吓...

放到成張枱都滿哂, 唔夠位放飲品添呀....要開埋張麻雀枱

開爐嚟家嘢, 緊係要搵阿sir嚟攪啦...呵呵...

開咗爐了....大家開始燒了....

一邊用叉燒, 一邊用網燒...好玩呀....

嘩..咁快就天黑了....唉....一天黑蕭C奶就要帶眼鏡嫁了...

成個低能婆咁....唉...無計...

睇吓蕭C奶的燒扇貝....好玩呀...我like呀...

好多年都無燒過海鮮了...正呀...好味呀...

新鮮咁燒嚟食, 真係好鮮甜呀, 各人都話yummy yummy....

luk ling話一定要請埋左髀媽媽嚟坐吓玩吓傾吓

媽咪都玩埋一份啊....近多啲我哋啲年青人,

個人都會開心啲, 後生啲啊

一定係冰冰影的....忙住食忙住燒

嘩...今日好欣賞啲新鮮大蝦呀....真係勁靚勁新鮮

咩都唔駛, 串起佢, 就咁放係網燒

勁彈牙, 勁有鮮蝦味呀...

睇吓啲無沙大蜆, 好玩呀, 放係網到, 由合埋口, 見住佢開口

然後加啲蒜茸蔥係上面, 好食呀....

都係一個字 '鮮' 仲有啲海水味咁添呀....勁正呀....

燒羊扒 --- 又係好味, 不過我下次會醃咸一啲啲,

今次略為淡咗啲, 好彩佢哋都話好味啫...

燒串燒了....好靚呀...好開心呀...仲有鮑魚添....

鮑魚我都係第一次燒, 蕭C奶都係睇本書學番嚟

好鬼生猛呀...啲鮑魚勁攪笑呀...

燒燒吓, 會彈起身嫁...嚇到我哋呀....

即刻燒的鮑魚, 可能因為新鮮啦,

又係好好食呀, 好味呀...我都食咗兩隻添....嘻嘻

luk ling第一個用我整的麥包燒

luk ling一早整定樽牛油蒜茸醬比我哋用嚟燒面包

睇吓...佢燒得好靚呀....

原來我的麥包用嚟bbq咁燒. 好好味呀.....

睇吓luk ling幾有心機燒嘢食, 麥包又燒得靚,

隻乳鴿又係燒得好靚呀.....

 

待續......