手術前的P.E.T. Scan@養和醫院

 

 

2009年4月16日(星期四)

 

今日放咗一天假期

早上九點正到逹屯門醫院

阿哥同媽咪巳經到咗

媽咪仲巳經抽咗血添

跟住咪就係...等...等...等...叫名囉...

等到抽血報告出咗

大約十點左右

醫生就叫名了...今次都算快嫁了

今次都係第一次見呢位醫生

佢好好人, 又細心而且仲無擺款添

佢同媽咪檢查身體, 我哋就要出外面等一陣

跟住醫生就同我哋講

約明天見外科醫生及麻醉師

我跟住就同醫生講, 唔好意思呀,

我哋決定咗出去搵私家醫生做手術

呢位醫生真係好有''品''嫁...

之前見個幾位呀, 一聽到我話搵出面的私家醫生

即刻係有啲啲面色比我哋睇到的

哈...但係呢位就唔同了

聽到之後, 無面色比我哋睇之餘

仲好有禮貌咁問我哋搵邊位醫生

我哋話比佢知搵張淑儀醫生

佢即刻話, 好呀, 張醫生係一位非常出色及有經驗的醫生

仲叫媽咪及我哋唔駛擔心, 又叫媽咪呢幾日要懷著輕鬆的心情,

呢位醫生講的時候, 個樣好仁慈, 好溫柔..

真係好呀....咁都比我哋遇到一位咁好的醫生

而家其實係公立醫院到真係好少有嫁了....

醫生多謝您啊....

之後醫生約定我哋5月5日先返去覆診

到時要為媽咪檢查手術後的身體

先再安排做電療

屯門醫院就告一段落

 

 

睇完都巳經係十點半了

我哋就慢慢行番屋企

因為我未食嘢..先返去媽咪屋企到煮個麵醫吓肚先啦

由於約咗養和醫院下午一點十五分做掃描

所以我哋要預番個半鐘去到

我哋就十一點半出門了

因為阿榮的堂妹--阿姍係係掃描部做的

頭先出門前send咗個sms比佢

等佢知我哋一間會到

阿姍真係好好

今次佢又幫我哋慳番咗五千元

佢仲好好到, 仲記得之前我媽咪想知的嘢

我都未出聲, 佢就巳經問我係咪想知

如果係佢就明天幫我查...

不過, 後來問媽咪佢都話唔駛lu...

所以唔駛麻煩阿姍查了

仲有阿姍好客氣咁仲話到時有咩事

可以出聲, 佢幫到手的佢一定會幫...

謝謝您呀....阿姍

你巳經幫咗我好多嫁了....

由於照pet scan係要成兩至三個鐘

媽咪跟姑娘入咗去之後

我又唔肚餓喎, 其實係好攰..

可能呢幾日都比較成日搭車啦

所以我決定唔出去了

留係張梳化到 休息吓, 閉目養神好過

時間都過得好快

話咁快....媽咪就攪掂lu...

望吓個鐘....都成下午三點半lu...

跟住同阿姍講聲我地走了

咁我就同媽咪坐電車落番去灣仔

跟住我哋倆母女就分開

各自各番屋企了..

如果唔係明天要返工, 我又咁攰

我就會返去媽咪到一齊食飯

但係因為真係好攰了, 又要返工

星期六剛巧我又要返工

都係趁而家可以早到返屋企

我都係要忍心由得媽咪一個人坐車

媽咪明白的...

真係好...返到屋企再沖埋個涼都不到七點啊...

今晚又唔煮飯了...

因為呢排病無煮飯, 再加上好攰

都係唔好咁辛苦自己

蕭C奶真係好耐無下廚了.....

下個星期睇怕都唔會....因為媽咪要做手術

到時都要去醫院啦......係咪先....

其實我好想食自家菜啊..因為我同老公都唔太鐘意出去食嫁...

其實而家日日都唔知食咩好

但又無計...又唔想洗, 又唔想煮....

遲吓再睇吓點先啦....

 

繼續為媽咪打氣....

多謝各方好友的支持及打氣

媽咪.....手術一定會順利及成功的...