寶珠姐?女殺手?定係...張可頤呀

2009年4月8日(星期三)

 

話說我買咗個新頭'咕'

因為而家剪咗頭髮之後

比較走型格的路線...

哈哈...講到自己好似明星咁添....呵呵...

咁我而家覺得自己帶啲比較粗身的頭'咕'好好睇

好型咁...

咁我今日咪帶咗lu...

一早返到公司...同事一睇到就第一個反應係

寶珠姐呀...

因為我自己都覺得好有60年代feel

又真係好似寶珠姐...

有啲同事又話....女殺手呀....

又有同事話似張可頤喎...

哈哈...所以今日我的網誌標題咪

寶珠姐?女殺手?定係...張可頤呀

咁我都要叫老公變做呂奇先襯噃

今日終於都去咗睇中醫lu

醫師話我, 好多肝火, 好燥喎

條脷尖好紅喎....

我又講比佢聽我唔係瞓得好好

醫師好鬼醒嫁

佢話我做咩夜晚諗咁多嘢呀...

攪到唔想瞓....

我答佢, 我都唔想嫁...佢自己要諗我都無計

咁佢而家就開咗三包中藥比我囉...

今晚放工唔煮飯lu...

費事咁辛苦自己呀...

出去食, 咩都唔駛做..嘻嘻...

聽晚呀...我又出去食飯...

得番老公一個人...唔知佢會去邊到食飯呢...