呢幾日蕭C奶的病都係未好番
感冒就好咗
但係到咗星期六無端端開始喉嚨痛
點攪好????
而家啲病菌真係好勁
以前只要食咗藥再加埋瞓吓覺
兩三日都全部好哂啦
而家....我都好耐無試過病成一個星期
都未好番....
睇嚟..我都要去睇吓中醫先得了
又要破財了....
我諗真係要叫阿榮老公一齊做吓運動先得了
再咁落去...唔多掂喎....
不過我哋實在太懶惰lu.....
跑咗幾日...又無去跑步
打羽毛球....打咗幾日又無咗下文
哈...阿榮老公買咗個藍球...
由舊年年尾....擺到今年都就快到年中了...
都未開張.....
唉....真係要認真啲開吓齋先得...
(不過......嘻嘻....可能都係得個講字
無實際行動)
番多兩日...我哋又可以放假了...
唔知大家復活節假期去邊到玩呢.....
係到預祝大家
復活節快樂!
喂！蕭師奶好好保重身體，快啲好噃啦，就嚟放假要去玩架，早啲瞓，飲多啲水。
回覆刪除[版主回覆04/08/2009 21:11:00]早咗了...仲飲咗好多水添....
空氣質素差
回覆刪除令細菌變勁
祝你早日康復
[版主回覆04/08/2009 21:11:00]謝謝你啊....
咦，少奶你喉嚨痛呀？咁你聽晚不如剩係食白粥算罷嘞。
回覆刪除講真ga，好好保重，快啲好番，okay?
[版主回覆04/08/2009 21:10:00]好呀...等你食埋我個份啦...無所謂嫁...見係你咋
喂,羽毛球,籃球個d可以叫埋我喎.......
回覆刪除我而家開始都有做運動啦......
[版主回覆04/08/2009 21:11:00]我真係做先算啦....嘻嘻
係好攰先啱！ 成個人散哂！
回覆刪除[版主回覆04/08/2009 21:10:00]係囉, 係囉....
我覺得要保持好抵抗力先去諗做運動,本身個人已經冇咩體力仲要去做運動可能會弄巧反轉...我其實都冇做運動好耐( 下次見我,就會見到我隻手好鬼瘦),不過我已經差唔多2年冇感冒啦(以前1年請11次Sick leave有3,4次係真嘅 ,而家都係咋病),我估應該係我日日訓夠8個鐘,開始飲"X鈣C",又或者我而家會"勁避開"D疑似感冒嘅人......會有關係吧! 雖然唔係認識你好耐,唔知你本身體質係點,感覺上你而家做左師奶之後,有太多家務做,成日聽到Jobe又病了
回覆刪除[版主回覆04/08/2009 21:09:00]你講得無錯呀.....阿榮都話自從結咗婚之後, 我真係身體差咗,因為可能太夜瞓, 又多家務做, 個人會多咗啲壓力感及責任感.
仲有呀...連啲皮膚都差鬼咗呀..因為真係壓力大咗....
而家我都唔比自己咁辛苦lu...想做家務就做, 好攰就由鬼得佢.
我都開始咗放鬆自己, 希望好啲啦.
但真係無做運動係最大元兇, 因為以前我勁做運動, 自從結咗婚, 真係無做咁滯呀, 所以真係要做番運動先得啊...
多啲休息啊, 依家啲菌真係好"西利"!
回覆刪除[版主回覆04/08/2009 21:10:00]今日睇咗中醫lu...希望可以呢個星期好番哂...
都係要運動多D先得喔!
回覆刪除[版主回覆04/08/2009 22:40:00]係囉...我都知呀...