由於琴日一早出咗去, 無得訓晏啲, 所以今日我同阿榮老公,
一定要好好訓一覺先得.
通常星期日我都會比阿榮老公起得早啲,
所以我只係訓到九點鐘左右就醒咗了,
今日懶懶哋, 起咗身都唔想拖地同執屋,
但係我就自己做咗facial, 按摩, 敷mask, 做哂全套, 好正啊...
跟住係到上吓網,睇吓八卦嘢, 肚有啲肚餓, 望吓個鐘,
巳經十一點lu, 心想, 阿榮老公應該差不多起床了,
咁我就開始準備午餐.
洗米, 煮飯, 洗瓜, 切瓜, 切蒜蓉等等......
哦.....阿榮老公起身lu...
跟住我哋就食午餐了.
嘩....食完飯, 巳經好想訓覺了, 跟住開始煲我哋的'康熙帝國',
睇咗兩集,我開始好眼訓, 到咗第三集...終於頂唔順,
我就入咗房訓了, 然後連阿老公都係,
嘩...超好訓,超舒服呀...一訓就訓到晚上七點lu,
跟住一齊起身, 阿榮老公就話快啲換衫,
我哋今晚去流浮山到吃海鮮.....
就係咁...我哋就去咗嘆海鮮餐了.
豉椒炒聖子
蒜蓉粉絲蒸貴妃蚌
清蒸鮑魚仔
鹽焗蟹 
椒絲腐乳炒通菜
隻蚌係大過個碗嫁.....好好味啊...
附近的商鋪
就係咁樣我哋就過咗一日好好訓同好好食的一天lu....真係超級大懶豬...
嘩, 好正呀!!! 你幫襯邊間呀?? 抵食嗎??
回覆刪除响流浮山食海鮮貴唔貴呀？ 三聖貴定流浮山貴呀？
回覆刪除[版主回覆09/30/2008 12:48:00]我未試過係三聖食呀。。。我覺得流浮山貴呀。。。下次我都係自己買料係屋企整。。。或者去西貢食，我覺得平啲及好食啲。 又者者鯉魚門。 因為佢哋收加工費要40蚊碟呀。。。
嘩！好好味啊，有D口水流呀，流浮山好似好遠，等我得閒都去走走先。好悠閒的一個星期天。
回覆刪除兩個人消費貴嗎？
[版主回覆09/30/2008 16:26:00]貴呀，所以唔可以成日食呀。。哈哈。。。或者第日自己去買料自己煮好過，因為唔駛加工費，爭好遠啊。。。
响三聖食，一個人平均二百至二百五度！ 三聖間興記ｄ燒鵝超正，我覺得仲好食過深井果ｄ！
回覆刪除[版主回覆09/30/2008 16:28:00]有機會要去試吓先。。。
嘩,,,你呀,就黎肥過阿榮! (大懶豬下個等級係咪大肥豬?) 你地終於都成為左元朗/天水圍人,去"流浮山", 屯門人就會去三聖.其實你去西貢,鯉魚門都要俾加工費,呢d係手法,你先去海鮮檔自己選海鮮,再拎去酒家幫你煮,好處就係可以自己選d靚海鮮,不過就要選間相熟ge酒家囉,因為可能會被偷龍轉鳳...西貢而家太多外國遊客幫襯,因為遊客唔會好似我地香港人咁識食海鮮,所以好多酒家都已經冇以前咁好,所以去鯉魚門好,我平時會去姐夫相熟個間,因為我唔係個鐘意吃海鮮ge人,只係陪我老豆去,所以唔係好記得個名,淨係記得係籃球場附近,你想要,我就幫你問姐夫
回覆刪除[版主回覆09/30/2008 16:25:00]都好呀，我哋之前都係去鯉魚門嫁，不過唔記得咗邊間LU。 問你攞定都好的，以便不事之需。
我好耐無去西貢了，所以可能而家真係無以前咁好啦。
其實好多時我都好想係屋企到整，但係我頌富的街市無靚海鮮，所以成日都無得食，而家我知流浮山點去，都好近好方便，所以我同阿榮都話第日自己嚟買料，然後番屋企自己整。唔駛比人咁多加工費，多人食就抵，得我兩個好唔抵嫁。
你唔鐘意食海鮮嫁，我哋兩公婆好鬼LIKE嫁。。。諗起都想快啲再食呀。。。好味好味。。。
嘩.....D海鮮好正呀~~~~
回覆刪除你準備定 LUNCH, 等老公一起身就有飯食, 真係一位好老婆呀!!
[版主回覆09/30/2008 18:05:00]哈哈。。謝謝您讚我呀。。。（其實因為自己都肚餓嫲。。）
好正!好正!幾錢埋單呀?
回覆刪除[版主回覆10/01/2008 00:16:00]都要成五百幾呀....好貴, 所以我哋下次會入嚟買料,自己返屋企整...慳番啲加工費..
好多野食喎, 不過我地唔多好海鮮, 但係見到咁豐富, 真係食得好開心呢
回覆刪除[版主回覆10/01/2008 15:47:00]係呀...我哋勁愛海鮮呀....
有冇買返d蠔豉 蝦干呀? 好正呀你呢一餐~
回覆刪除[版主回覆10/01/2008 15:47:00]咁又無買喎.....下次早啲去先慢慢擇..