琴晚同阿榮老公睇完家好月圓之後,
就睇戲了..你哋估吓我哋睇咩...
咪就係 -- ----- 八十分鐘死亡直播.
…嘩....未睇前,就成日聽人講話呢套好驚嚇, 總之唔係鬼戲, 我都ok的,
反而係阿榮老公, 到未有料到,佢就做啲好驚的動作,
另到我原本唔係咁緊張的,都攪到我心驚驚囉....
哈哈...可惜我都係唔驚, 只係有一兩個部份真係做得幾驚嚇,
都真係叫咗出嚟,同比佢嚇咗一跳.
而阿榮老公呢,係最驚的一幕佢就用張被蓋住咗自己,無睇到.
後來我哋用慢動作退回,佢先有睇番囉.
總括而言, 如果呢套戲係戲院到睇都真係好有驚嚇氣氛,
做得都唔錯的, 大家不妨可以睇吓...
今日星期日, 好好訓呀....不過我同阿榮老公都訓到十點半就一齊起身,
然後我哋去咗嘆一嘆個豐富早餐先,
然後一齊去入番啲日用品及買餸 lu,
哈哈...今日我哋分工合作,
我當然係先整係今晚啲靚餸及煲湯啦,
而阿榮老公都好乖呀,
洗風扇, 執屋及幫我切薑,蔥, 蒜蓉,
跟住佢做到攰攰哋,就入咗去訓晏覺 lu.
當阿榮老公訓緊覺時,我又有咩做呢...
我做咗好多嘢呀, 拖地, 洗衫, 摺衫, 晾衫,
因為啲同事話好好味,所以見今日有時間整,明天請同事食.
做吓做吓....又成七點幾了, 到咗差不多八點,就叫醒阿榮老公,
因為我哋要準備晚餐及睇家好月圓大結果啊....
今日試咗個新菜色, 成日出去食,都食過好好味,
就係唔知點樣整, 比我係個blog友到睇到佢識整喎,
咪想試吓囉....整咗了, 都好好味呀....
就係'蒜泥白肉'
不過梗係出面切得薄好多..但係我只係普通師奶,
切得及整得都好好嫁啦...我自己覺得都有八成似,
我巳經好滿意了.
今晚有: 合掌瓜紅蘿蔔煲西施骨湯, 醉鴨舌, 蒜泥白肉, 蒜蓉炒油麥菜
到咗開飯了, 阿榮老公一睇到碟'蒜泥白肉'擺得咁靚,
嘩...今日有好嘢食...
但係食完之後....我就不禁笑咗出嚟,
佢問我做咩:
我就答 : 好嘢食的背後....就係依然有一大堆碗及其他用具要洗了.
阿榮老公洗完之後...仲要燙衫呀......
好可憐呀!
無計啦...呢個世界係無不撈而獲的......kakakakakakaka
呵呵, 有份食有份做, 分工合作嘛, 我都係咁架......煮完飯, d 碗多數都係老公洗.....
回覆刪除[版主回覆09/22/2008 11:33:00]係呀。。點都要佢哋啲男人做吓嘢,如果唔係佢哋唔知原來做家務係唔容易嘅。而且洗碗比佢哋洗,我哋對手會滑啲嫲。。。哈哈
見到你啲餸即刻想食,腐乳通菜呀!
回覆刪除