生日多驚喜

      

2008年9月11日

今日生日，上文提要無啦啦放咗半日假。。

哈哈。。中午梗係要返工啦，

因為公司的Court Interpreter 同事好好呀，

一早約咗我正日中午食lunch

，

為我慶祝生日，

佢哋真係好好，其實我有啲唔好意思嫁，

要佢哋咁破費。

不過咁，佢哋咁有心，佢哋約我時，

我都一口答應，都費事咁老套囉，講埋哂啲：

唔好咁客氣啦。。呢啲咁的說話。

所以呢我就琴晚同Alice食飯前，

為咗表達我對佢哋的謝意，

就去搜獲啲小禮物嚟送比佢哋囉！

到咗食飯了，大家飲杯

，

嘻嘻。。我就話人齊了，

我有禮物送比大家，佢哋都好驚喜呀，

你生日呀，點解會係你送禮物比我哋嫁，

我就話了。。。邊個話生日嗰位唔可以送禮物嫁，

生日之星都可以送禮物比人嫁啫。

而且我好開心呀，可以送禮物比人，

仲開心過收禮物呀。

小小心意，我都係想多謝大家，

你哋有心，我都有心嫲。

最緊要大家開心就得啦。。。

（而且我都好鬼耐無行街買嘢 lu，咪當比個機會我囉！）

食完中午飯，齊齊返公司了，

嘩。。超驚喜呀。。。

收花喎。。。我。。。收花呀。。

大大束鮮花，好靚，好香花味，

攪到啲同事及隔離section啲同事都走咗過嚟八卦，

係咁問我係邊個送的？

~

我都未答又未知，佢哋就你一言我一語，

一定係老公送啦，我咪好鬼馬咁答，

睇吓邊位honey送先。

　

成村人牛咁眼咁‘昅’住我打開張咭，

好心急想知係邊個送比我的，

我一打開一睇。。。呵呵。。超suprise呀，

原來係。。。原來係。。。好友‘叻叻’呀！

我都以為係我老公送喎。。。哈。。

呢位‘叻叻’呀，真係比佢嚇親呀，

成鬼日都咁多主意，

好開心呀，呢紮花好靚，真係好大紮呀！

主花為繡球花，蒽花，粉月尾，襯花為海星及雪山。

 

‘叻叻’太破費了吓。。(想鬧你，又鬧唔落

）

其實佢較早前巳經送咗生日禮物比我嫁啦，

跟住早幾日又送咗個頭飾比我，

都未算呀，第二日又買咗對耳環比我，

今日呢又食飯，而家呢仲離譜，

仲送埋花，

其實聽晚另外一堆friend同我食生日飯，

都有佢份嫁。。。你哋話啦。。。

邊有啲咁的朋友呀！

但係我好多謝‘叻叻’嫁，我好開心好開心。。

千萬個開心，驚喜，感動，興奮。

呢個妹仔真係抵我執佢番嚟斬柴。

呢吓真係‘妹仔大過主人婆’了。

原來佢平時慳慳埋埋呢，

就比我呢個少奶咁大的刺激，

梗係想我唔再叫佢斬柴，調佢做管家啦，

想收賣我，諗諗先！hahahahahaha......

阿榮少爺知道咗呢位妹仔咁大禮，

跟住就講了：好彩我知‘叻叻’係女人啫，

又好彩我知‘叻叻’係鐘意男人，

重好彩的係我知‘叻叻‘係唔鐘意女人添，

如果唔係點攪呀！

哈哈。。我一邊聽一邊係咁笑。。

今年的生日好開心呀。。。

好多謝你哋為我慶祝生日，

呢年又係一個好難忘的生日，

再次多謝大家啊！

Thank you so so so so so so so so much!