濶太飯聚@北京樓

 

2009年12月4日（星期五）

 

是日蕭C奶做濶太

因為放咗下午假去RELAX吓

先先同幾位靚太再加一位千金小姐

來個濶太飯聚

今次我們擇選了在金鐘太古廣場的

北京樓

裝修之後，都係第一次嚟幫襯

茶具都幾別緻

呢倆母女真係好幸福嫁

成日一齊SHOPPING

佢兩位都係蕭C奶其中最愛的朋友啊。。

尤其是千金小姐的媽媽，

想當年蕭C奶跟她共事

她對蕭C奶愛護有加

呢幾位同事， 其實都係蕭C奶的老闆呀

位位都係Senior Court Interpreter

由細睇到蕭C奶大呀。。嘻嘻

亦都係由細睇到千金小姐大啊。。

多謝你哋一直以嚟係工作上

幫蕭C奶及教識咗蕭C奶好多嘢

又成日請蕭C奶去食好嘢。。。YUMMY

富貴雞

要預早預訂，咁好似一個巨蛋咁呀。。

請各位望望相中的左邊。

有個金鎚仔喎， 係用嚟做咩呢。。

蕭C奶同千金小姐好似人哋結婚時

同結婚蛋糕影相咁

（張相係待應幫我哋影的，

北京樓都會自己用公司相機幫客人影低）

個金鎚仔咪用嚟扑隻富貴雞囉。。。

蕭C奶負責影相，希望影低扑富貴雞的呢一刻

所以呢個動作交比千金小姐做了

大大力，一扑。。。隻雞蛋打開咗了。。

糖醋排骨

好味呀， 但係小份量囉。。。

素鵝

唔錯呀，夠素夠清淡，好食。

生煎包

勁新鮮，夠熱辣辣呀，入面又多汁

富貴雞

扑開咗之後， 原來係用荷葉包住隻雞的

雞入面仲有啲木耳，冬菇

食落口，雞裡有淡淡的荷葉味

千金小姐又影影影。。。同蕭C奶一樣

上湯豆苗

點都要有菜的。。。係咪

豆沙窩餅

蕭C奶唔食的， 所以唔知係好味定唔好味。

蝦籽豆腐

好味呀，夠滑溜又夠味

仲有好多蝦籽係表面添。。。

大家都好忙踖食食食。。

但忙食之餘， 都不忙講笑

酒釀小丸子

蕭C奶好LIKE呢款甜品

不過北京樓做的唔夠酒味啊

又係紫玉蘭優勝喎。。

頭先待應咪用咗佢哋公司的相機影低

原來北京樓會即刻PRINT張相出嚟

送比客人嫁

仲有個迷仔版金鎚仔添呀

北京樓

今餐由千金小姐請我哋啊。。。

多謝你啊。。。

離閧咗北京樓

出面就係有聖誕裝飾

一於同千金小姐影幾張先

 

 

 

大家都夠鐘返工

而我蕭C奶呢。。。當然係唔趕時間啦

後來自己一個人係太古廣場到

隨意影吓啲聖誕裝飾

之後就坐車到尖沙咀到了。。。