Toast Box @ 新港中心

2009年6月26日（星期五）

 

是日與叻叻及MAY 姐去欣賞

港女發狂之港男發瘟

放工後，我們當然要去醫定個肚先啦

MAY姐好快手

一放咗工，除咗係H&M到好快手掃貨之外

仲係新港到搵定咗枱同我哋食飯

MAY姐話呢一間係蔡瀾推介的

叫做 ‘Toast Box’

位於尖沙咀新港中心G樓

聽過明都知出名食食多士啦

而且仲係食喇沙及咖喱添

最驚喜係要我超鐘意食的‘班蘭蛋糕''啊...

好耐之前學過整, 之後都未試整過...OH NO...

而家知道呢到有得....想食就可以買到LU....懶得整添呀..

 

我哋三個都叫咗Toast Box Set

 

每個套餐都可以加錢要一杯飲品

MAY姐及叻叻分別要咗一杯 '美綠恐龍'

而蕭C奶要咗一杯 '自製薏米水'

 

 

May姐的咖喱雞飯

好鬼細碟, 個汁就好多, 足夠撈飯

但係餸就超少囉.....

而且仲超...超...超..辣呀...愛辣的朋友就最啱了

 

蕭C奶的咖喱雞配多士

見佢呢到出名多士,咁我就唔要飯

試吓配多士食啦...正呀, 好脆好香口, 佢哋的咖喱真係好鬼辣啊

叻叻的喇沙湯麵

當然對於一向大食的叻叻, 見到碗麵咁細, 係到扁咀囉...

不過佢話一般, 唔係話好好食, 個湯底佢話不算太辣

雖然佢的套餐的價錢不算太貴

每個餐平均40元左

但係份量相對哋係好少好細

而且味道不是相當出色

賣相也不是很美觀

所以試一至兩次就可以了...

 

有興趣的朋友都可以試吓的

好唔好食, 抵唔抵食

試過再話比我聽啦.....

 

相片來源: 叻叻