共晉晚飯@季季紅中菜館

2009年6月2日(星期二)

 

而家寫呢篇blog係半夜的三點多

因為蕭C奶瞓唔著囉....唉.....

咁無嘢做, 不如update吓囉...嘻嘻

琴晚收到奶奶的電話

邀請蕭C奶及蕭少爺今晚一家人出外吃晚飯

今次奶奶勁呀....又去咗試新食店

今晚呢間中菜館

地點位於: 屯門藍地

中菜館名: 季季紅

唔收加一之, 啲餸菜仲好好食, 又唔貴

今晚蕭家6個人, 每人都係100元

如果唔係要食魚呀, 唔駛咁貴添呀

(提醒各位, 會去試食時, 唔好叫魚呀,

唔抵呀, 寧願叫多個小炒好過.)

講咗咁耐, 睇吓我哋食咗啲咩:

個菜譜好鬼特別啊....係竹面嚟嫁...

見唔見張上菜紙呀...其中有兩樣

你哋一間就會知係邊兩款

蕭少爺同蕭C奶無食過嫁....因為我哋未嚟到囉

豬肺菜膽湯

好夠火喉, 好好味, 都好多料的...

冰淋醬烤骨

勁好味呀, 唔乾身, 個汁仲係酸酸甜甜, 好開胃

香煎蓮藕餅

呢款係蕭少爺家姐, 一定要點的, 但係因為我一件都未食過呀

只係見到家姐一個人巳經食咗半碟, 一定係好味啦..

會飛會走大勝雞半隻

季季紅其中最出名的就係雞

因為佢的買點係.....走地雞囉..

肉質鮮甜, 嫩口, 爽滑

各位睇吓...當待應送來時, 我見到隻雞脾好攪笑呀

咁長的....原來佢連埋隻雞腳...所以咁長腿囉....

竹笙鮮菇扒時蔬

菜通常都係最穏陣的, 而且每餐都唔可以少嫁

風味乳香豬(半隻)

季季紅另一最出名的就係乳豬

皮脆肉滑, 好香好爽, 好耐無食過乳豬

呢到好抵食啊....下次都會叫

清蒸桂花魚

蕭C奶好想食魚, 咪叫咗條魚囉...不過好細條, 雖然蒸得好好

但好唔抵食, 下次再嚟, 唔咁蠢lu...

都係叫多個餸食好過...

 

其他照片

老爺唔影相啊.....

就係呢間 '季季紅' 囉

真係唔錯, 又平又唔收加一, 又快

下次等我帶啲朋友同媽咪食吓先...