琴日蕭C奶放咗一天假
在家大攪作...
究竟攪咩呢....
嘻嘻....就係....
整曲奇餅及muffin啊...
因為整咗好多好多呀....
影咗啲靚相, post出嚟比大家欣賞吓先...
啲唧花技巧有待改進....雖然同事話唧得好靚,
但我比較要求高啊....想再唧靚啲囉...
唧花曲奇....呢到有成差不多二百塊啊...層層疊
唧到手都軟啊....而且要用好多時間及心機去焗嫁...
完成待涼後, 有幾份我用咗呢啲咁精緻的包裝
送給我的朋友們.....
另外一啲我就用咗罐裝來送給幾個section的同事來品嚐.
一直以來, 都好多人都讚好出名的 'Jenny Bakery' 的曲奇好好味,
因為好鬆化及重牛油味
朋友請過我食, 我都覺得好鬆化呢..但自己又整唔到
不過, 呢款曲奇就唔係我蕭C奶及蕭少爺的口味
因為我哋比較愛吃類似藍罐曲奇嗰種口感
但係蕭C奶都好想好想整到'Jenny Bakery' 的口感
因為身邊的朋友都好鐘意啊....所以我都好想親自整比大家食
今日有mood有時間, 終於都整咗....真係好鬆化
聽到大家的反應.....就係一個字 '讚' .
蕭C奶比你哋讚到個心都飛咗出嚟了.....
蕭C奶有時係一個好貪心的人
橫掂都開爐啦...一不做二不休
貪心啲....又整曲奇又整埋muffin喎...
所以忙到嘔呀....屋企變咗工場咁囉...
之前好友 '經埋' 整咗個送比我品嚐
食過好食, 經好友講解後, 知道呢個香蕉muffin好容易整
對我嚟講無難道...
心思思....見有材料....我又整咗幾個嚟玩吓...
剛巧朋友生日, 送給她作禮物, 是親手做的...最為有心思.
香蕉muffin
呢張相我覺得自己影得好靚啊.....呵呵呵..
這個就是送給好友 'natalie kam' 的生日禮物啊...
品嚐過的朋友, 希望你哋滿意及鐘意啦!
未試過的朋友, 我會盡量再抽時間整嚟比你哋試食.
有拖無欠啦!
萬歲！少奶萬歲！又有幸福cookies食！
回覆刪除聽日有得食！
[版主回覆06/19/2009 10:57:00]聽日？？？無哂啦。。。要再等我整呀。。因為做就做成日，一分比朋友呀。。。就三兩吓就分哂， 連自己都無。
真係整得好靚喎~ 我超鍾意食muffin啊,但係佢太肥膩唔掂得呀
回覆刪除[版主回覆06/19/2009 11:02:00]你咁屎廋。。仲怕。。唔好玩啦。。。話時話呢款唔係好肥喎，因為唔係用好多牛油， 反而香蕉的份量多好多添。
我都有一份..真係多謝晒呀！ 今日我拎番公司同d同事share..佢地都話好好食..yummy
回覆刪除[版主回覆06/19/2009 11:02:00]新鮮時仲好食啊。。暖暖哋仲正呀。。。嘻嘻。
多謝賞面。
滿意到爆呀,真係正,叫左你唔好返工,開間店尊賣手作野食好過啦.你對自己要求高係好,不過我想講食左你d野咁耐,冇一次係"普通好食"囉,"唔好食"就更加唔會出現啦.我有邊次係唔讚你架,本來自覺煮野食都有d天份,但食過你d手藝之後,真係要"訓"埋一邊啦......
回覆刪除[版主回覆06/19/2009 11:21:00]話。。。咁大頂高帽整過嚟。。。受唔住喎。
你謙虛啫，衰鬼 .我都係睇書,上網偷師學嘢咋.
仍在努力學習中, 上網呀, 仲有勁多人叻好多好多呀...我只係小兒科, 真係叻過啲啲細路哥.
不過我都成日幻想, 唔駛做,只係每日整美味的餸菜及甜品,就GOOD 了.
我又要呀!
回覆刪除[版主回覆06/19/2009 11:06:00]無問題啦。。。我一整完即刻連人帶貨送到上門。
好好味咁喎！？幾時輪到我份兒呢…
回覆刪除[版主回覆06/19/2009 11:05:00]男士要排吓隊喎。。。呵呵呵。。。一定有份。 OK
犀利 犀利
回覆刪除[版主回覆06/19/2009 11:22:00]普通..普通...
你用咗邊個食譜呀？
回覆刪除[版主回覆06/19/2009 21:14:00]最後當然係用你堂妹嗰個啦...因為夠方便嘛....
整得好靚, 睇到巳想食啦...
回覆刪除[版主回覆06/19/2009 21:15:00]咁你又整吓...咁咪有得食囉...
真係好正喎！下次整請留我一份~
回覆刪除[版主回覆06/21/2009 00:52:00]當然無問題啦...其實如果唔係今日要去秘撈呀, 我係想整嚟請大家食嫁....唔緊要, 我一定要會搵次整嚟請大家品嚐的. ok
好靚呀!! ^v^
回覆刪除請問有無食譜呀? 我都想學整呀! 兩樣都好正! ^v^