'睡魔' 急call

2009年6月10日(星期三)

 

今日蕭C奶同蕭少爺都比 '睡魔' 急call

話說蕭C奶到咗五點鐘勁眼瞓

心諗....仲有半個鐘就可以放工

快啲呀....我要搭車時瞓一覺呀

當然....真係瞓到傻咗啦....

返到屋企, 真係攰到想屎...

快手沖涼...仲拜託咗蕭C奶媽媽

今晚我咩都唔做呀...媽媽你煮飯炒餸啦...

等到少爺返嚟 拿拿臨食飽飽

以為我會好快手咁瞓覺啦..

坐係到同媽咪睇電視

突然發現.....少爺呢...少爺呢...

原來少爺仲快過蕭C奶.....上咗床睡覺...zzzzzzzz

因為睇吓睇吓...係到追緊劇情

到最後我都係睇哂啲電視先瞓...

就係咁....今晚十點半全家瞓哂覺..

今晚又係好多正餸啊...

我發現...發現...蕭C奶媽媽嚟咗之後

我哋倆公婆好似仲食多咗呀....點算好呢????

 

蝦仁炒蛋

好耐無食呢個餸lu.....啲蝦好鬼爽口及彈牙

煎福壽魚

呢個做法唔係幾好食, 其實媽媽不嬲都係用麵豉嫁嘛,

今晚無端端用咗咁的方法....no good啊....唔夠好味,

叫咗媽咪以後整福壽魚都係用番以往的做法,

唔好轉方法了.....嘻嘻...蕭C奶好麻煩啊...

西蘭花炒肉片

 

蕃茄薯仔紅蘿蔔煲排骨湯

係咪好靚呢...見唔見到啲紅蘿蔔呀...

咁熟面口的...之唔係琴晚蕭C奶用嚟整餸用剩咗

又咁靚, 有圖案..唔好嘥....今日叫媽媽煲湯時

放埋入去, 咁啲湯又甜啲啦...係咪先...