預祝聖誕節@洲際酒店之The Steak House Winebar + Grill

 

2008年12月22日(星期一)

 

今日係咩日子呢..

未到平安夜, 未到聖誕節喎!

但係阿榮老公早幾日約我今晚食飯,

叫我唔好約人,同埋話比媽咪聽唔返去食飯喎!

我問阿榮老公,

做咩無端端約我食晚飯呢..

原來老公好細心,好錫我,

佢知媽咪會係23或24號打第二針化療,

老公知道媽咪頭幾日都會好辛苦,

佢怕我接近聖誕節見到媽咪咁樣,

我會唔開心, 又會無時間去玩,

所以專登係媽咪做化療前,

先同我預早慶祝聖誕節.

老公真細心, 反而我都無諗到我會無時間或者心情同老公慶祝呢.

我實在有點兒慚愧呢?

唔知老公會帶我去邊到食晚飯呢?

啊....原來係.... '洲際酒店的扒房'

我成日都聽到人講話洲際酒店的餐廳好好食,

但係咁貴, 我都未捨得去呀...

估唔到...阿榮老公會諗到去呢到.

好開心, 好甜呀....

先來一籃美味的面包

這是配面包的芝士

左起: 原味, 蕃茄芝士, 蒜容芝士

(好鬼特別呀, 尤其係蕃茄芝士, 好有蕃茄味, 又啲酸酸哋的, 好好味呀)

要了兩客'龍蝦湯'

(超濃味呀.....但好好飲)

開了一支紅酒, 年份為2006年, 來自法國

都好容易入口, 所以我都飲到呀...唔錯

主菜: Rib Eye (16oz)

(我哋要咗16oz, 因為都好大件,叫咗佢哋分開一半,每人半件)

 好香, 好濃郁牛肉味，再加上真正的炭火烤至微焦配合,燒得好好啊.

高級扒房係唔同啲的..連刀都有得擇嫁

上面的: 係我的, 嚟自巴西, 不過我唔記得叫咩名了.

下面的: 係阿榮老公的, 嚟自意大利, 名為T bone steak

除咗刀有得擇...其實仲有芥末醬都有成十幾款選擇...呢個無影相,只可以講比大家知, 好好味, 唔係平時個啲英式, 美式咁普通.

最特別係: 下圖為來自八個不同地方的海鹽,用作食牛扒調味的, 我哋全部都試哂, 各有不同的咸味, 配合牛扒真係好好食, 平時真係見識少呀, 平時只係識得要黑椒汁, 蒜蓉汁呢啲...

原來真正扒房唔係咁囉...

蘆筍

(好爽, 好味呀)

甜品

真係嚇死人囉...個待應仔又唔出聲,

我以為呢啲咁的酒店,

貴夾小份量嫁嫲,

我哋咪要咗一個雪糕及梳乎里囉,

以為好細嫁嫲...

點知...你哋睇吓...

兩樣都好好味呀....啲雪糕係酒店homemade的, 有幾款味道.

而梳乎里的汁唔係芒果汁...係熱情果汁, 好清甜呢.

勁大梳乎里及勁大雪糕杯囉....

其實我知我地係會食唔晒啦！

不過都無辦法啦, 送到嚟了,

其實真係起碼4-6個人先食得晒囉！

杯雪糕真係同我個頭咁大囉....

食淨咁多囉.....無計...巳經好努力嫁了...