日本九州之旅--別府(第三天)

日本九州之旅--別府

2008年11月15日(星期六)

(第三天)

 

早餐於酒店---西式

今日我哋擇咗食西式早餐, 唔錯呀, 有好多嘢食嫁....

今日大家只帶2日1夜輕便行李, 大喼行李寄存於Hyatt Regency Hotel,明天晚上我地又返嚟住了.....

今日去別府只有我地五個人, 因為哥哥話唔想住溫泉酒店, 佢今日就自己plan咗一個去熊本市觀光, 明天在湯布院到會合了.

於博多JR站乘坐特急車前往位於大分縣, 以日本第一泉湧量馳名的別府市

乘搭JR鹿兒島本線, 10:01從博多開出(所需時間1個鐘50分鐘), 特急13號, 11:51抵達別府

抵達別府市駅,寄存行李在站內的Lockers

 

大家都好肚餓了....寄存行李後, 我哋要出發去搵餐廳食店--割烹.

呢間係出名食'雞泡魚刺身'的餐廳, 係別府市內的住宅區.

終於搵到了....好緊張又興奮, 因為我哋個個都係第一次食'雞泡魚刺身'啊.

我哋要咗一份四人份量的'雞泡魚刺身' 及 一個'雞泡魚火鍋'.

睇吓...師傅切好薄, 而且上碟排得好靚呀.

雞泡魚刺身-----肉質鮮甜, 爽口, 一啲都唔似食緊魚的感覺, 好特別.

乾杯...以雞泡魚湯代酒.....

臨走時, 當然係門口到影相留念啦.

餐後於JR別府站西口乘搭巴士往'鐵輪'方向, 於總站下車(所需時間25分鐘), 到別府地獄的觀景溫泉遊覽.

由於時間關係, 我哋只參觀了兩個地獄.

第一個: 鬼山地獄

早知唔入..因為原來只係睇鱷魚, 超無聊....

第二個: 鬼石坊主地獄

呢個就good呀, 因為真係有啲地獄溫泉睇, 都有啲特式.

而且仲有得比我哋免費浸腳添.....好玩呀, 好舒服呀...

行咗咁多路, 可以鬆弛一吓lu...

參觀完別府的地獄後, 我地就要坐番巴士返回JR別府站, 取回輕便行李.

轉乘的士(車程約7分鐘) 前往'杉乃井溫泉酒店'.

嘩...唔講你哋唔知, 間房大到好似個屋咁呀, 佢有兩張西式床, 不過我哋無訓, 因為我哋叫咗人幫我哋整'塌塌米'. 其實間房係可以訓到六個人嫁.

哈哈...阿榮老公巳經好想訓覺lu....

換上浴衣, 準備享用地道的'懷石料理'

餐後, 我們在酒店內遊玩, 購買手信.

消化了晚餐, 我們便準備入浴和享受露天風呂.

因為'杉乃井溫泉酒店'在山頂上, 酒店的展望露天風呂'棚湯'和五層的露天浴池都能夠鳥瞰整個別府市街景緻.

今晚我們可以一邊浸溫泉, 一邊觀賞別府的夜景啊...

這是今天在別府購買的手信啊.....全部都係'食'的...

 

後記: 成日睇日本旅遊節目, 見到主持人食'雞泡魚刺身', 巳經好想試, 今次嚟到九州, 好興奮, 好期待, 終於可以一嘗'雞泡魚'的味道.

另外, 成日都聽人講話九州行行吓就會有免費浴足, 估唔到真係嫁喎....所以我哋一早就每人都帶定條手巾仔係身, 以防要隨時抺腳呢?

還有, 可以一嘗自己訂溫泉酒店, 今次呢個酒店, 超大呀, 我哋的客房係東面, 但係食嘢, 玩嘢, 溫泉區係係西面呀...所以每次都要行好遠啊....重有, 今次可以試到日本的'懷石料理'.

如果可以好似啲旅遊節目咁, 比人影相就好了....哈哈...因為個溫泉環境真係好正, 又其是個景觀呀....我哋只可以記係腦到了...

 

明天我哋一早離開酒店, 坐車到另一個景點: 由布院(又叫做湯布院)!

我哋約咗哥哥係湯布院的車站會合.

下一篇再見了.....