驚喜

2008年12月8日(星期日)

 

今日訓到九點半左右,

起身梳洗後, 與阿榮老公吃過日本買回來的番茄杯面,

嘩....叻叻的朋友真係好介紹呀,

份量大, 味道好,

好好味呀....等我叫gigi去東京時幫我買番幾個返嚟先.

做埋少少家務, 我哋就去咗街市到買菜了.

因為我同咗阿哥講, 今日由我負責煮,

好讓他可以休息一吓...

買完返到屋企, 就係梳化到訓咗一個鐘左右,

然後我就先番去媽咪到, 準備吓今晚的餸,

番到去, 見到媽咪精神唔錯, 講嘢都多咗,

令到我都好開心呀.

媽咪問我買咗咩餸, 我話有'梅子蒸排骨'

佢一聽到就係咁話: 好呀, 好呀, 酸酸哋, 好胃口呀.

我聽到當然高興啦, 心都甜哂.

今晚整咗啲咩餸呢...

薏米赤小豆鯽魚湯

青椒炒肉絲

蒜蓉炒白菜仔

梅子蒸排骨

糙米飯

今日聽媽咪講佢好好胃口呀,

全日都食咗好多嘢呀.

而且下午仲出咗嚟客廳到坐咗一陣添.

今晚除咗食咗好多餸之外,

媽咪仲再添多碗湯呢,

而且仲要食完飯, 仲坐係到同我哋傾咗成個鐘呀,

有講有笑, 媽咪心情好好呀,

佢話今日無想嘔, 都有少少暈, 但係ok的,

我哋都好開心呀, 因為見到媽咪好咗咁多.

跟住媽咪話佢都要休息了, 咁我哋就走了.

今日係一個好的開始,

可能係啲化療藥要比幾日時間佢適應啦,

點都好....總之今日我的心情超靚, 超正呀!

 

真係感謝上天呀....我都知你真係聽到我的祈禱嫁啦.