2008年12月8日(星期日)
今日訓到九點半左右,
起身梳洗後, 與阿榮老公吃過日本買回來的番茄杯面,
嘩....叻叻的朋友真係好介紹呀,
份量大, 味道好,
好好味呀....等我叫gigi去東京時幫我買番幾個返嚟先.
做埋少少家務, 我哋就去咗街市到買菜了.
因為我同咗阿哥講, 今日由我負責煮,
好讓他可以休息一吓...
買完返到屋企, 就係梳化到訓咗一個鐘左右,
然後我就先番去媽咪到, 準備吓今晚的餸,
番到去, 見到媽咪精神唔錯, 講嘢都多咗,
令到我都好開心呀.
媽咪問我買咗咩餸, 我話有'梅子蒸排骨'
佢一聽到就係咁話: 好呀, 好呀, 酸酸哋, 好胃口呀.
我聽到當然高興啦, 心都甜哂.
今晚整咗啲咩餸呢...
薏米赤小豆鯽魚湯
青椒炒肉絲
蒜蓉炒白菜仔
梅子蒸排骨
糙米飯
今日聽媽咪講佢好好胃口呀,
全日都食咗好多嘢呀.
而且下午仲出咗嚟客廳到坐咗一陣添.
今晚除咗食咗好多餸之外,
媽咪仲再添多碗湯呢,
而且仲要食完飯, 仲坐係到同我哋傾咗成個鐘呀,
有講有笑, 媽咪心情好好呀,
佢話今日無想嘔, 都有少少暈, 但係ok的,
我哋都好開心呀, 因為見到媽咪好咗咁多.
跟住媽咪話佢都要休息了, 咁我哋就走了.
今日係一個好的開始,
可能係啲化療藥要比幾日時間佢適應啦,
點都好....總之今日我的心情超靚, 超正呀!
真係感謝上天呀....我都知你真係聽到我的祈禱嫁啦.
咁你可以鬆一口氣了,好既開始,比啲時間啦.
回覆刪除[版主回覆12/08/2008 22:39:00]知道了...而家媽咪好好多呀...
咁就好喇!
回覆刪除[版主回覆12/08/2008 22:39:00]係呀, 超開心呀....明天見
好的開始~成功的一半!
回覆刪除[版主回覆12/08/2008 22:39:00]yeah.....
替你開心,媽媽的身體要健康啦~
回覆刪除[版主回覆12/19/2008 16:21:00]多謝您呀, 你咁忙都嚟我的blog到探我, 祝福我媽咪, 放心啦, 有你哋的無限祝福, 我媽咪一定可以好番的.