好好運啊...

2008年12月23日(星期二)

媽咪今日要去覆診呀,

約咗九點正係屯門醫院到,

登記後, 要先抽血,

今日要等報告結果, 所以唔可以立即返屋企lu...

姑娘話要等一個鐘多啲喎, 叫我哋出去食吓嘢先返嚟,

然後就要等見醫生呀.

咁早, 我當然未食早餐啦,

媽咪及阿哥就陪我去醫院的canteen到食早餐.

等咗兩個幾鐘先有得見醫生,

入到去, 醫生睇過抽血結果及為媽咪檢查後,

醫生話媽咪明天可以做第二次化療,

咁就好了, 可以如期做.

跟住仲好呀, 我多口問醫生,

我想要一隻止嘔藥, 係咪一定要自己比錢嫁,

定係話醫生開就可以唔駛錢呢...

醫生聽到後, 佢話咁橋有一盒係到,

佢就話送咗比媽咪喎...

哈哈哈...咁就慳番咗六百幾元了....真夠運!

~~

原本諗住今日媽咪會打化療針,

今晚就返去食飯, 睇吓佢的,

咁因為明天才打, 而且阿榮老公今日要返大陸做嘢,

佢一早講咗話因為唔想有細菌帶比媽咪,

就叫我自己返, 佢自己返到嚟就食自己喎...

老公真抵鍚...真為媽咪設想呢?

不過....錯有錯著...橫掂今日媽咪都無咩事,

咁我都唔返去了, 明天先返去啦!