愛麗詩為蕭c奶慶牛一@茜廊餐廳

2009年9月10日(星期四)

 

是日為好友愛麗詩為蕭c奶預早

慶祝生日食飯

地點擇選了葵芳

因為一早約了愛麗詩要到這裡

shopping shopping啊

然後我哋擇咗呢間

茜廊餐廳

作為我哋的晚膳地方

星期四真係好, 無人呀, 唔駛等位, 又任你擇位

又唔嘈唔多人, 勁正!

牛尾湯配蒜脆包及自製牛油

估唔到個湯咁濃, 幾好飲

而個包呢...就真係好味, 仲有個自製牛油, 個味好特別

羊架配蒜茸汁

有成4件呀, 好鬼抵食囉. 而且個羊肉好淋身又夠羊味

清酒煮蜆

好大隻, 都算多蜆, 仲有真係好清甜, 帶少少清酒, 個湯都好好飲

 

煙三文魚天使麵

好好味, 個source好正, 估唔到呢間餐廳做得咁好

個汁好creamy, 又唔貴, 真係要讚吓

茜廊的環境

茜廊的環境---都好大間, 好濶落

而且啲服務又好

蕭c奶好餵食啊...

好友愛麗詩小姐

嘩....愛麗詩送給蕭c奶的生日禮物

愛麗詩親手做的蛋糕....呀...唔係...係蛋糕毛巾先真....

哈哈...唔食得落肚, 得個睇字

 

愛麗詩送來了Lola的唇膏, 粉底試用妝及修眉卷

正呀...蕭c奶剛好要去修眉, 好彩未去book啫

呢支Lola的唇膏, 蕭c奶好鐘意, 因為係紅色packing

而且仲有粒黑閃石, 好高貴啊....襯我.

仲要好有型有款又方便..因為有塊鏡仔嫁...

真係好鬼靚....but 蕭c奶同咗愛麗詩講, 只此一次送唇膏,

因為蕭c奶無用唇膏好耐lu...改咗只用lip balm,

因為唔想再比唇膏蝕咗哂啲唇色

but 因為呢支太靚了, 加上係愛麗詩的一番心意

所以呢支我會用的.

 

多謝愛麗詩的生日飯及禮物

仲有就係陪蕭c奶shopping添

今日蕭c奶都買咗少少嘢

有耳環啦, 涼鞋, 衫等等

好happy啊...