媽咪又唔夠白血球啊...

 

2009年3月18日(星期三)

 

係時候報告一吓我媽咪的情況

係到真係再一次多謝大家一直以來的關心, 問候

我都係唔啱...成日都無講我媽咪的事

等到你哋成日主動開我

我先話比你哋知

真係唔好意思啊...

話說上星期媽咪例行工事

返去醫院到抽血

點知姑娘話: 你唔夠白血球喎...

你星期四及五都要再返嚟抽血

吓.....

媽咪問: 點解啊...又唔夠白血球呀

姑娘答: 係呀...係咁嫁了.通常打咗啲化療針,

白血球會越嚟越少的...所以都係正常,

不過..你就要即刻煮啲嘢或者煲啲咩湯水補番

令到白血球增加番...

咁好啦...阿媽好醒的

都即刻補番...可惜..

到咗17號再去抽血..

報告出咗...姑娘話: 都係唔夠啊...

今次比一個星期你..你快啲去煲啲咩湯水去補吓啦..

後來, 媽咪經病友介紹後

即刻去買紅蔥頭煲湯

病友仲教隔日就要飲喎...

一於試吓先..

希望今次啲白血球ok啦..

所以而家要等到下星期再去抽血

如果真係ok

咁下星期就會打最後一支針了....

至於朋友關心媽咪的身體

暫時都無咩特別

媽咪都好精神...

所以我都好放心

都請大家放心了...

報告完畢

 

** 白血球呀...你要聽話啲呀...

一定要夠數呀...