全新形象

2009年3月10日(星期二)

 

心情好緊張

其實緊張咗都有兩個星期嫁了

為咩事....咪就係我一路以嚟都係長頭髮

識我的朋友都知我一定唔會剪短頭髮囉..

但係因為最近有幾次發現照鏡時

將啲頭髮稍微摺起短啲時

自己睇到...都覺得短頭髮都ok喎...

所以個心想想哋剪短..

但又要擔心, 又怕好唔好睇

因為我唔係面型好靚, 肥肥哋, 五官自認唔係好突出,

所以一直以來其實都好羨慕人哋可以長短頭髮都好睇

其實長咗咁耐, 真係悶咗好多年了

今年唔知點解好想剪短佢...

心諗..真係唔好睇咪最多駁返長啲頭髮囉..

一定有辦法的...又唔駛'屎'ga....

後來同朋友' clara' 傾開...佢話我一定得嫁.

我都可以短頭髮嫁..係佢比咗啲信心我,

咁佢咪今日同stephanie兩個陪我去剪囉..

 

 

到咗時, 當個髮型師要落手剪時...

stpehanie即刻係第二邊飛過嚟

佢話喎: 咁重要的時刻, 佢一定要睇喎....

咁又係呀...對我嚟講都係嫁...

終於髮型師一剪

stephanie話: 好短呀...

跟住clara即刻問我: ok唔ok呀...佢話一剪時. 佢個心

都好驚我怕太短...

但我答佢哋: ok喎, 都好滿意喎呢個長度...我可以接受

咁佢哋先鬆一口氣囉...哈哈...

 

 

不過真係坐到我命都無囉...

由三點半開始攪到晚上八點..

又肚餓...想屎啊...

不過出嚟的效果都滿意的,

只係個頭頂勁勁唔like囉....

因為佢用咗粟米仔的方法嚟令到我啲頭髮多啲, 拱啲.

但係......我就覺得好唔滿意囉...

因為好怪呀...而且好似濃咗咁的感覺....

佢想幫我整過的, 但由於太夜了,

所以決定我遲多少少先去整番好囉..

因為而家都ok的....

 

返到屋企, 老公一開門

就話: 而...好靚喎...好好睇喎...

不過..不過...個頭頂怪咗啲啫..

(老公真係老公...佢都知我問題....不過後來我洗咗頭,

自己整吓..就好好多了....)

 

總括嚟講, 我都係好滿意的.

我終於可以有新形象了

唔駛咁鬼悶lu....

而且仲可以整到我好似好多頭髮咁...

我自己同啲同事, 都覺得我呢個新look好好睇

佢哋都估唔到我可以短,

佢哋話而家比較成熟咗, 高貴咗...

其實我個心都係咁諗囉....

連老公都話我靚咗喎...哈哈....

(佢唔講甜話嫁...佢只會講真話, 好睇佢會話好睇,

如果唔好睇呀...佢真係好鬼直接話唔好睇嫁....

所以我好開心我的決定)

 

 

 

 

 

 

 

真係好多謝Clara and Stephanie

因為好彩有你哋支持我呢...

我先有咁大的信心及勇氣去試囉....

 

 

 

 

 

 

 

 

原來我都可以短頭髮

真係凡事只要有信心

真係可以做到的.....

嗰日無特別影低短頭髮的look,

但第二晚因為約咗朋友食飯

有影到相.....大家睇吓我的新look啦...

(其實真人靚過上鏡嫁....嘻嘻...)