裝修進度@親眼睇鋪好的地磚啊..
2010年4月30日(星期五)
今日蕭c奶同少爺放假
一連三日假期, 要好好休息及跟進裝修啊.
嘩...難得放假梗係瞓晏啲啲啦
中午先坐車出去, 先先同少爺去攞駕駛牌先
之後就直接入新居了..
![](https://googledrive.com/host/0B7jFlSSKmkZ-bFZsdllEV1o3N0U/t_52kT2oM1APl6zS8pW19g.jpg)
哈哈..好興奮呀, 蕭c奶終於可以親眼見到鋪咗地磚的新居啊
嘩..一入去, 好開心呀, 就咁咩都未攪
淨係見到個地, 就巳經開心到屎lu...呵呵
好光猛啊, 仲好warm添..
![](https://googledrive.com/host/0B7jFlSSKmkZ-bFZsdllEV1o3N0U/w.I_DjqmxTkeO2Sz0Ad5Fw.jpg)
偏廳呢一邊....都好靚啊
哈哈...呢張相又會令你哋誤會
以為間屋好大...其實係蕭c奶的攝影了得咋...哈哈
![](https://googledrive.com/host/0B7jFlSSKmkZ-bFZsdllEV1o3N0U/WIbqjQsK82stn6CWSa0OHw.jpg)
少爺係到做咩傢伙???
咪係到check吓啲地囉..
![](https://googledrive.com/host/0B7jFlSSKmkZ-bFZsdllEV1o3N0U/HKSO36UFqO1BSW_X9FM2qA.jpg)
我哋的單位向東, 好好風, 好好方向
如果向西就可以望到海景
兩邊方向都有好, 有唔好呢?
不過我而家住緊的向西, 真係唔多好,
summer真係好鬼熱, 冬天又凍到屎屎吓...
我哋向東, 係望學校景, 都好...無高樓大廈,
璄觀都唔算唔錯, 巳經好滿足
仲有小許山景囉...
![](https://googledrive.com/host/0B7jFlSSKmkZ-bFZsdllEV1o3N0U/7KmezcCAsksqJSG4_V1IEA.jpg)
不過到時朋友仔入嚟新居
就唔能夠行到嚟呢個window了
因為呢邊我哋係會變做瞓覺覺的地方啊...
參觀完新居, 我哋就出發去宜家傢俬到行吓了
咁又過咗一日lu...
明天我哋唔去新居了
後日先再去走一趟啦...
咦,對住學校,驚唔驚weekday成日聽到打鐘聲?
回覆刪除[版主回覆05/02/2010 10:32:00]型男茄, 你有所不知, 我細到大, 都唔知點解咁橋都係住係面向學校的...我一抽到呢到, 我媽一望...佢都話, 阿女呀, 點解你由細又到大都係住向學校嫁呢, 好有緣喎...可惜係個女 (我)無讀書緣呢??? 就係無向海的緣囉...唉1...
weekday都番工啦, 我放咗工, 佢都放鬼咗學.
不過而家反而唔係驚學校嘈呀. 反而係學校的隔離, 做緊個地盤囉, 睇佢的進度, 我諗係要做兩年果隻, 個地盤啲聲, 係勁勁勁嘈, 呢樣先慘呀....即係話要捱兩年呀...
我同我HONEY尋日上左SZ的BNQ, 好多野睇呢~下次我地決定晒裝修D野, 就會去世紀中心(另一個賣傢俬的地方) 上面D料都好多CHOICES, 勝在夠平, 我地仲未睇MK個D, 未比較得質素... 遲D我地睇埋旺角個D先同你比較啦
回覆刪除[版主回覆05/02/2010 11:22:00]我上過去了, 我覺得bnq的貴. 反而我想去琛圳的宜家, 因為表妹話平好多. 因我表妹是琛圳人, 所以上次佢帶咗我哋去荀罔到行咗一日, 勁平勁多傢俬. 你都不妨去吓啦....
我哋有啲廚房及浴室用品, 及燈會遲啲上去買番嚟hk.
恭喜你地呀, 咁快收到樓而又在裝修中.. woow.. 淺色木紋地磚呀!! 好靚呀. 好想快d睇到裝修後間屋呀!! 加油呀!
回覆刪除Hi, that's okay. Wish you all the best in the home decoration. Congratulations again to your wedding anniversary.
回覆刪除[版主回覆05/11/2010 13:46:00]THANKS ar.....
咦??!點樣check D磚架...好似有一張張紙係地下咁既???
回覆刪除你地遲d去深圳買野話我知好唔好哎~~我都打自係深圳訂價俬呀!!!
[版主回覆05/12/2010 13:48:00]喂, 你哋第日要每塊都烤一烤佢, 睇吓有無空心磚, 如果係實地磚的話, 係好實的聲. 如果係空心磚, 烤的聲的好清脆的聲嫁. 你一烤就會明嫁了.
我哋因為有幾塊係空心磚, 所以一定要師父鋪過嗰幾塊囉. 空心磚唔好嫁, 你一定要佢重鋪呀, 因為空心磚好容易受熱脹冷縮而爆, 同埋如果咁橋你跌到啲嘢係嗰塊磚到, 又係好易爆嫁. ok.
好呀, 我有位blog友都打算係琛圳訂傢俬, 到時話你知.