自從搵咗裝修師父及傢俬公司後
係呢兩個星期，日日都好唔得閒
唔係去咗旺角的裝修街到行，
就係咁上網搵料或者四圍參考人哋間屋點裝修
因為我哋間部屋好細
得二百幾尺咋
所以要諗啲計仔
點樣可以利用有限的室間
可以收納到一個屋企的必需品呢
裝修真係一門好高深的project
有好多嘢都唔識
對於我嚟講, 裝修係一件好煩複但又幾好玩的一個project
原來暗門同平時的門又唔同?
暗門又要貴啲.
原來做廚櫃, 又分好多嘢
啲門'覺'有分靚唔靚?
雲石吸咀又係咩東東?
收細對門又應該點整?
做水電又係點整?
買磚又係好多款, 好多牌子, 應該點擇?
原來買磚時, 你睇中邊款磚,
可以叫佢寫低個型號及攞塊磚的sample走嫁喎!
收口粉原來又叫填縫劑?
原來收口粉/填縫劑可以有顏色擇,
我以為只得白色...哈哈
仲有好多嘢, 尤其係尺寸的問題
多少少及少啲啲, 都會有好大的出入
我而家終於都知道點解爸爸及媽咪
咩都識...係因為佢哋後生時, 都係同我哋而家一樣
只要做過一次, 就會識好多嘢嫁了
我好你少少，因為我細佬會幫我搞掂哂，就算同一材料，只要佢識果間舖頭有，仲可以計平Ｄ。
回覆刪除[版主回覆04/29/2010 17:31:00]係呀，有屋企親人係裝修，真係好好多嫁。所以你第日分到大屋，又可以叫細佬攪掂哂。勁放心啦。
唉, 你睇我好, 我睇你好姐, 你地無債一身輕呢... 供得到就好姐, 供唔到就真係攬住喊喇... 你地唔洗比管理費地租差餉喎, 我地個個月仲要比呢... 依家就咩都唔洗我比錢, 我只係幫佢格價問價, 行行企企 到我第日做左佢老婆, 我先有排煩喇... 依家咩都係佢比, 到時我又要供埋1份咖喇! 佢唔想花太耐時間去裝修, 因為佢想將細個邊租出去又好, 賣個合心水價又好, 但點都要有個地方比佢自己住住先! 所以, 又唔係真係唔急咖~ 你地幾時搬入去住呀打算? 200呎實用面積嗎? 真係好細咖? 我依家就係住緊公屋, 3個女人住,我D野多到傻, 所以, 我一定唔可以住我男朋友依家個間395呎, 我幾大都要搬大D先會嫁比佢...哈哈哈~
回覆刪除咁攪一攪，又有好多野知多左呢~
回覆刪除[版主回覆04/30/2010 12:50:00]係呀, 你第日都一樣嫁咋, 我諗每對夫婦都係咁一齊成長. 講真係好花時間及心血, 但係又真係幾好玩嫁喎. 今次有咗一次經驗, 希望第日有間大屋, 就可以輕鬆好多.
其實我哋仲有好多嘢都唔明都唔識, 所以我都決定, 攪好呢間細屋, 我會keep住留意裝修及傢俬的事, 到第日真係有間大屋, 唔駛咁慌張, 可以得心應手.
小恩子, 你都係呀, 我覺得你同老公都好有天份, 多啲留意裝修, 因為我相信你哋遲早都會買私樓的人嚟的. 早啲做定preparation, 必定對你有莫大的幫忙嫁.
其實有好多嘢, 我都經幾位朋友的指點, 我先識問, 識去攪嫁.