2009年5月23日(星期六)
今日全日都下雨啊....
幸好沒有約會
待在家中瞓覺, 休息...
起床後, 沒有甚麼好做
肚有點餓
原本打算想約晴晴及晴媽的
但是又不想外出
打消了找她們倆母女的念頭
蕭少爺要上班
下班約了好友食午飯
所以蕭C奶便自己一人食午飯啊
蕭C奶煲飯, 整日式咖喱
嘻嘻...還有....早前阿姨煮了很多花膠給我
放在冰箱內, 阿姨叫我有時間就要多吃
好好補充營養
有見及此.....哈哈...
今日的一人午餐超富貴啊
日式咖喱飯配花膠
唔係...應該係
花膠配日式咖喱飯先啱
花膠先係主角啊....yeah
嘩.....真係好富貴啊...
一個人食咗三件花膠啊...
好補, 好滋潤, 好滿足啊....
大家都見個title有衰仔衰新抱
話說老爺打電話比蕭少爺
話煲咗湯叫我地返去飲湯食飯
咁蕭少爺就同蕭C奶講啦
剛巧蕭C奶瞓緊晏覺喎
但係因為落好大雨呀, 唔想行嚟行去
蕭C奶就叫蕭少爺同老爺講:
不如聽日先返去飲湯同食飯, 得唔得啊???
咁蕭少爺話ok, ok, 就同老爺講唔返啦.
轉個頭奶奶打嚟, 奶奶就話: 
唔好行嚟行去了, 老爺而家裝緊啲湯及帶埋啲餸,
攞入嚟比你哋啦....
oh....你話啦....我哋係咪衰仔衰新抱呀 (我自己認嫁)
自己懶又唔想行, 攪到老爺煮埋仲唔夠,
仲要佢老人家攞埋入嚟....
嘻嘻...新抱仔真係懶呀.....
開飯了...幾好, 唔駛洗唔駛買唔駛煮....
繼日劇CHANGE之後
蕭少爺及蕭C奶正在追看另一日劇 --不能結婚的男人
這次是由阿部寬做男主角啊...
這是一部輕鬆又攪笑的劇
今日我哋又一口氣煲咗三集了
因為蕭少爺及蕭C奶有好多劇及戲都要睇啊....
咁就過咗一個休息日
妳真是幸福!既有阿 姨煮定花膠給妳，又有老爺、奶奶煮飯給妳。當他們生日的時候，你們識做啦!
回覆刪除[版主回覆05/24/2009 21:54:00]因為我平時係乖囡, 又係識做的新抱仔囉...所以呢..佢哋都對我好, 有時人的嘢, 無嘢的, 你對我好, 我對你好. 係咪先.
花膠女人食好正啊~
回覆刪除[版主回覆05/24/2009 22:00:00]係呀, 花膠滋養顏啊...你都食多啲啦...
花膠咖喱配搭 , 我都係第 1 次見咋
回覆刪除[版主回覆05/25/2009 10:54:00]嘻嘻。。咁都比我呢位C奶諗到，係咪有啲頂唔順呢！
自己就食花膠，老爺就做落湯雞，太過份嘞！
回覆刪除[版主回覆05/25/2009 23:48:00]哈哈...係呀係呀...點啫.....
花膠我都係鍾意用嚟炆或煲湯，配咖喱嘛．．．．．．總係覺得有ｄ怪！ 老爺，奶奶咁錫你哋，你哋要識做呀！
回覆刪除[版主回覆05/25/2009 15:14:00]錯了。。。我的花膠係加落去伴住嫁咋。。
當然唔係用嚟同咖喱一齊煮啦。我食的時候，係先食花膠，後食咖喱飯。啲花膠係阿姨自己一早炆好，佢仲好好心機添，每三隻就放入一個小袋，佢叫我每次食就食一小袋，整番熱嚟食，好細心啊。
我一定會識做啦，佢哋真係好好，我會珍惜啦。
你都幾識嘆架喎,女人至愛吃花膠...Hee Hee
回覆刪除[版主回覆05/26/2009 10:17:00]咪同你一樣咁嘆。。。嘻嘻。我學你咋
我都鐘意食花膠架...話晒...對皮膚好丫嗎,呵呵呵呵。
回覆刪除不過個配搭就真係搞笑左d,哈哈。
你呀...真係懶到死,有咁好老爺奶奶要好好珍惜喇 ( 羨慕死人喇 )
[版主回覆05/26/2009 10:14:00]我自己整的時，都覺得個配搭好搞笑嫁。。。
係呀，真係超級懶呀，跟咗我老公之後就變成咁囉。（我真係姓懶嫁）呵呵
得啦，咁長氣， 我會好好考順佢哋老人家啦。。長氣鬼
星期六落雨落到好似沖涼咁, 老爺都送飯俾你地, 似乎佢地想話你知"我地老人家好得閒, 想你生返個孫俾佢地消磨d時間喎!
回覆刪除[版主回覆05/26/2009 16:21:00]你好鬼煩啊。。。四位老人家都未吹我哋，你身為朋友的，仲急過佢哋。比你激死呀！
花膠真係好正呀, 不過哩, 我認為空肚咁食應該仲正, 吸盡佢d骨膠原ma
回覆刪除[版主回覆05/26/2009 16:24:00]咁當然啦，不過花膠好少空肚食啊。。多數都係煲湯時或者炆嘢時一齊食囉。我習慣會係咁。多數燕窩我就會燉定一盅，然後每日早上空肚食一匙囉。嘻嘻。
原來係咁！ 我哋就會先將花膠出水，放涼後入袋，再放雪櫃，到要炆或煲湯果陣，先拎出嚟用囉！
回覆刪除[版主回覆05/27/2009 20:52:00]我都係咁做嫁...