SUBJECT: 隨意沙律
其實係因為之前係TOWNGAS學咗一款有機沙律
材料係有機雞蛋, 意大利青瓜, 火箭菜, 同埋黑醋汁
學完一直都好想整比少爺食
不過..都未有機會呀...
假期最後一天
雪櫃有一條 翠玉瓜及有機雞蛋
不過就無LEMON汁及黑醋
所以做唔到TOWNGAS的那個沙律汁
不過蕭C奶最醒係咩呀????
轉轉腦筋囉....
意大利青瓜貴呀嘛...其實佢哋的樣係同翠玉瓜九成九一樣
駛鬼用咁貴咩....WAKAKA...
個汁整唔到黑醋沙律汁, 咪自行調較第二款汁囉...哈哈...
總之屋企有咩就用咩囉...
有機雞蛋翠玉瓜配隨意沙律汁
材料:
翠玉瓜1條, 切件, 備用
有機雞蛋 2隻, 烚熟, 切件, 備用
沙律汁:
蒜蓉, 豉油, 日本麻油, 糖, 白醋, 黑胡淑碎, 少許橄欖油 (攪勻備用)
我的做法:
(1) 將翠玉瓜煎至兩面金黃色, 放在碟上
(2) 將巳調較好的沙律汁, 淋在翠玉瓜上
(3) 最後將巳熟及切件的雞蛋, 放在翠玉瓜上面, 即成
嘩...個賣相真係好鬼屎得, 好靚
不禁都要讚吓自己添...呵呵...
我一攞出嚟, 少爺一見到個賣相
就巳經眼仔碌碌, 流哂口水...
一路食一路話好味好味..好得好得....嘻嘻
少爺話: 平凡的食材, 一經老婆手, 變得一啲都唔平凡呀!
呵..攪到人哋面紅紅添...
呢款沙律呀, 個賣相鬼咁靚
用嚟款待朋友就GOOD了
又唔駛好似好平凡咁, 都係啲鮮果沙律囉...嘻嘻
哈哈!!!就咁望好以一碟好靚既菜呀!
回覆刪除個沙律汁好似好正咁~~~~
不過整完要唔要雪凍佢??
P.S.我有兩件皂..一件係牛奶燕麥,一件係甜杏橄欖,不過今次較細件,因為...我貪心諗住切多幾件,搞到細件左 ,我唔記得mark低你個地址...你再send俾我,我disptach俾你哎!!!
[版主回覆04/28/2011 10:16:00]唔駛雪凍嫁, 即整即食, OK.
個汁我無寫份量, 你自行將全部嘢, 小小咁旃係碗到較汁, 自行試味呀...OK.
YEAH..有新嘢用...我的洗面皂無哂LU...
咁我一間SD個地址比你呀.
今個星期日有朋友嚟...我可以試吓整呢個^^
回覆刪除不過可唔可以早一日做,定係要即日整呢??因為如果星期日先整,咁我整唔切lu~
我dispatch左喇!!有一塊係牛奶燕麥,其實呢舊都可以洗面/沖涼(其實手工皂只要個成份唔係特別針對某一用法,咁好多款都可以全身用架!!!),你試吓用呢塊洗面啦!!我上星期六無啦啦發神經走去聞左呢舊皂,估唔到真係有淡淡既牛奶味!!!感覺好似好正咁^^
[版主回覆04/29/2011 23:31:00]好快嫁咋....你諗吓...雞蛋你烚咗, 放埋一邊, 翠玉瓜又容易洗, 跟手切件, 煎咗佢, 所以唔好雪凍呀..個汁又係較定. 我教你, 你先較好個汁先, 放埋一邊, 切咗瓜放埋一邊, 雞蛋烚定, 切件放埋一邊. 等到啲朋友就快嚟, 就煎啲瓜, 跟住就上碟, 臨食前先好淋個汁係瓜面, 鋪雞蛋. 咁就得了..
我明天大食會, 啲朋友都要求我整呢個呀...嘻嘻...仲有醉鴨舌, 什菜雲吞及鎮江骨呀.....
好忙好忙...
呀!!不過用牛奶皂洗面要試吓先,我見有blogger提醒,有時牛奶會令暗瘡爆出嚟架,不過我之前俾你個塊都係用牛奶,所以應該用到既.
回覆刪除我整唔切喇>~< 因為屋企條水喉壞左....要今晚先有水用,搞到屋都要遲D先執得....我呢家只係打算整普通沙律同三文治......下次一定要整呢個!!!!!
回覆刪除