今次睇兩場學友,
一場係坐第2行,
一場係坐VIP區....
好緊張呀...唔知個位好唔好.
有時張票話係第2行,
但都要睇吓邊行邊個座位囉. ^3^
VIP區...我都係第一次坐咋
今次的VIP區就同媽咪及好友一齊
至於第2行
就同少爺, 奶奶及少爺家姐一齊
原本係想同日同場大家一齊睇
仲預埋咗兩位朋友及侄仔的飛
可惜...係攞唔到咁多張
仲要呢6張分開咗兩場啊...
所以我先要睇兩場咋...
如果一場攪掂, 就可以慳番680蚊囉
不過我都好開心
因為我未試過坐VIP區
聽聞話VIP區係水平線比較好嫁喎
到時睇吓係咪先.
嘩!!!vip區呀!!!好正呀!!不過我無乜點睇過演唱會....我老公成日都話唔去,無人陪=.=
回覆刪除[版主回覆04/21/2011 10:43:00]係呀, 我都係第一次攞到vip區呀, 唔知好唔好呢....
我好鐘意睇嫁, 不過要睇吓係邊個, 學友就一定睇, 其他人就要睇吓值唔值囉....其實安仔我都好想睇, 不過我知道要睇學友, 所以放棄咗安仔, 因為我最愛都係學友..嘻...因為睇埋的話我就真係無錢了....
我而家6張飛, 都成4千幾了...= ="
呢排要慳啲呀....
嘩!!!原來d飛咁貴架!!!!
回覆刪除不過學友真係值既...另外一個我覺得值會係Eason...唉~一話想去睇concert,老公就話唔使啦~~~
[版主回覆04/21/2011 12:43:00]係呀, eason都好值呀...我都想睇呀..><
你老公唔like睇演唱會嫁....咁咪同其他人睇囉. 仲好慳番佢果張..哈哈...
平飛我唔睇嫁, 我一定要睇最貴. 而且攞開飛的, 只有貴飛, 無平飛攞...但係我上草猛攞唔到飛. 最後好想睇, 咁橋有朋友話去買山頂位, 問我哋去唔去, 咁咪照去囉...唉..早知唔去呀...因為山頂實在好似無人理咁, 好無feel嫁...同貴飛的位, 真係差天共地呀...所以更加講明, 以後都唔會睇山頂位呀 ><
好!!如果下次睇...叫細妹陪...佢應該會一齊去....不過極大可能要俾埋佢地既飛錢
回覆刪除